Ribadeo, 27 de novembro de 2023. A programación de Nadal de Ribadeo arrincará este venres, 1 de decembro, co acendido do alumeado e coa inauguración do Mercado do Nadal. Os festivais, que se desenvolverán en decembro, serán no Cantón. A pista de xeo e Ribaxogo estarán situados na avenida Rosalía de Castro. E o Mercado do Nadal na contorna da praza de abastos. O alcalde, Dani Vega, e a concelleira de Turismo e Comercio, Marta Saiz, foron os encargados de presentar o programa de actividades.
O rexedor sinalou que “presentamos este Nadal cheo de actividades e quero darlles as grazas tanto aos técnicos como aos concelleiros e tamén a Acisa por este traballo coordinado e planificado”.
Vega dixo que “con isto queremos dinamizar ao noso pobo desde un punto de vista social, cultural e tamén económico. É un Nadal cheo de actividades porque temos o festival de jazz; dous concertos (o de Magic Queen e o Vendaval); esa festa de pre fin de ano, na que vamos comer as uvas todos xuntos; tamén todos os concertos que está organizando o coro Sagrado Corazón e que van contar coa presenza de Emilio Rúa; ou a Coral Polifónica, que vai compartir un concerto con Son de Seu; ademais teremos o festival organizado pola Escola Municipal de Música o día 16 e o concerto da Banda Municipal Aquí como en Viena o día 29”.
O alcalde seguiu a relatar que “vai haber actividades para nenos, para mozos, para todos os públicos: a pista de xeo, Ribaxogo, … É unha novidade desde o punto de vista da dinamización que estas actividades estarán repartidas por todo Ribadeo: os festivais, no Cantón; Ribaxogo e a pista de xeo, en Rosalía de Castro; e o noso magnífico mercado tradicional de Nadal, situado na Praza de Abastos. Polo tanto queremos que sexa o mellor Nadal, que está moi ben organizado e planificado e ao que vamos poñerlle o broche de ouro con esa magnífica Cabalgata de Reis”.
Dani Vega cre que “entre todos saíu unha boa programación de Nadal, chea de actividades para todos os públicos. Temos que pensar que Ribadeo é ese pobo acolledor no que moitos visitantes van vir participar destas actividades. E todos os veciños e veciñas tamén imos disfrutar delas. Polo tanto hai que felicitar a todos cos concelleiros, aos que coorganizaron este Nadal, como é Acisa, e a todos os técnicos municipais por sempre, que é un traballo continuo pero dá os seus froitos”.
A concelleira de Comercio e Turismo, Marta Saiz, explicou que “o vindeiro venres, 1 de decembro, dará comezo o Nadal en Ribadeo. Desde o Concello, con humildade pero con moitísima ilusión, traballamos para ofrecer unha programación de actividades moi diversa e para todos os públicos. O acendido do alumeado de Nadal terá lugar ás sete da tarde e media hora despois abrirá o xa tradicional Mercado de Nadal, que estará na Praza de Abastos, onde actuarán as gaitas da asociación Amigos da Gaita. Durante os dez días que dura o mercado contaremos con contacontos con Raquel Queizás, obradoiros de baile tradicional e de coroas de Nadal, … Unha infinidade de actividades para animar este mercado”.
A edil ribadense sublñou que “durante o mes de decembro e ata pasar Reis contaremos con concertos, como Magic Queen, o festival de jazz, actuacións da nosa Banda Municipal, concerto de Reis, Son de Seu coa nosa Coral Polifónica de Ribadeo ou Emilio Rúa co coro Sagrado Corazón. Teremos cine, o festival Pica Pica para os máis pequeniños e tamén para eles o musical La gran aventura de los Reyes Magos. O último venres de ano estades todos convidados á festa pre fin de ano que organiza a asociación Catro Canos. Non esquezades tampouco o festival de panxoliñas na igrexa parroquial. O coro Sagrado Corazón fará unha visita aos nosos maiores no Centro de Día e na residencia. E o último día do ano haberá a carreira San Silvestre, pero tamén a primeira marcha interxeneracional San Silvestre Máis metros, máis posibilidades, metros interxerenacionais pola accesibilidade a inclusión”.
Saiz anima a visitar Ribadeo: “este Nadal non deixedes de vir a Ribadeo, porque Ribadeo ofrece bo comercio, boa hostalería e unha morea de actividades para disfrutar en familia e entre amigos”.
Á presentación, que tivo lugar a carón da carpa da pista de xeo, acudiron as concelleiras e concelleiros do equipo de goberno, así como a presidenta e o xerente de Acisa Ribadeo.
O grupo teatral O Centiño de San Martiño (Foz) actuou este sábado en Marzán, convidado pola asociación veciñal Torques de Marzán. O local quedou pequeno ante a resposta do público: 73 persoas, un récord de asistencia para unha obra de teatro na parroquia. A comedia provocou constantes risas e un ambiente moi participativo. A iniciativa volve demostrar o valor de levar actividade cultural e teatro afeccionado ás parroquias e barrios, achegando propostas escénicas a lugares afastados dos grandes circuítos. O Centiño continuará a xira de “O Autobús” nas vindeiras semanas: Sábado 25 de abril: Vilaronte (Foz). Sábado 2 de maio: Casa da Cultura de Trabada
A xornada contou con degustación gratuíta de viños elaborados por adegas da contorna, unha cata comentada e un mercado de produtos gastronómicos locais, permitindo aos asistentes coñecer de primeira man a riqueza do produto de proximidade. O pregón desta edición correu a cargo de Alejandro Gándara, quen presentou o seu proxecto audiovisual 360 curvas, unha obra que reflexiona sobre a distancia entre A Fonsagrada e Lugo e sobre o conflito social e político asociado á perda da súa condición de cabeceira de comarca, no marco da loita contra a despoboación.
Dezaoito locais hostaleiros de Ribadeo, Rinlo e Vilaframil ofrecerán diversas preparacións ata o domingo: en escabeche, en salpicón, en empanada, ao allo, á prancha, en albóndega, etc… Todas as propostas poden consultarse nas redes sociais de Acisa Ribadeo, que agradece “unha vez máis o apoio da OPP do Porto de Burela, que nos doou 90 quilos de cabala para estas xornadas, produto que entregamos de xeito gratuíto aos locais participantes. Achegámoslles así unha parte do peixe que empregarán nesta nova cita gastronómica na que tamén colabora o Concello de Ribadeo”. Ata o porto, ao restaurante Marinero, se achegaron este venres o director territorial da Consellería de Mar, Alexandre Piñeiro, as concelleiras ribadenses Montse Seijo, Elena Sierra e Begoña Sanjurjo, a presidenta de Acisa, Carmen Cruzado, o xerente do colectivo empresarial, Jesús Pérez, e o técnico de Acisa, Jorge Fernández, que puideron degustar as elaboracións realizadas por este establecemento hostaleiro.
O sábado tivo lugar no Casino o III Showcooking, con cociña en directo e maridaxe de viños. O público poderá votar os seus pinchos favoritos e participar no sorteo dunha noite no hotel Marqués de Riscal. A entrega de premios será o luns 20 ás 19:00 h. O Concello e Destino Navia animan a veciños e visitantes a gozar desta cita gastronómica.
Haberá degustación diaria de ostras na carpa do porto. Concertos, showcookings, visitas guiadas e actividades mariñeiras. Lancha pola ría, exposición de maquetas e concurso fotográfico #somoslasostra2026, ademais propostas especiais en Acueo, La Casilla e Restaurante Peñalba.
A etapa, cun percorrido duns 150 quilómetros, partiu arredor das 11:30 horas e rematou en Barreiros, atravesando concellos como Xermade, Muras, Viveiro ou Foz. A proba reúne a equipos do ciclismo profesional internacional e sitúa a provincia de Lugo como escenario dunha das citas deportivas máis destacadas do calendario. O Goberno colabora no desenvolvemento da carreira a través das Forzas e Corpos de Seguridade do Estado, que velan polo correcto desenvolvemento da proba e pola seguridade de participantes e afeccionados.
A cita contará con charlas, obradoiros, concurso de fotografía e unha ampla zona expositiva. A feira será de acceso gratuíto e está pensada para gozar en familia.
