Ribadeo, 16 de novembro de 2023. As primeiras Xornadas de Exaltación da Merluza de Burela terán lugar en Ribadeo do 24 ao 26 de novembro. Están organizadas por Acisa coa colaboración da OPP-7 de Burela. Na cita gastronómica participan 17 locais hostaleiros.
A presidenta de Acisa, Carmen Cruzado, contou que “do 24 ao 26 de novembro terán lugar as Xornadas de Exaltación da Merluza de Burela nas que participarán 17 locais hostaleiros de Ribadeo, que van ofrecer tapas e pratos preparados con este peixe capturado polos barcos do porto burelés”.
Cruzado subliñou que “grazas a colaboración da OPP-7 de Burela puidemos desde Acisa organizar estas xornadas. A OPP facilítanos de forma gratuíta preto de 90 quilos de merluza do pincho, que imos distribuír entre os bares, mesóns e restaurantes que participan nesta nova cita gastronómica sen ningún tipo de custe para eles. Cada un vai recibir 5 quilos”.
A presidenta da Asociación de Comerciantes, Industriais, Servizos e Autónomos indicou que “esta é xa a segunda vez que desde Acisa regalamos materia prima para a elaboración das tapas e dos pratos ás nosas asociadas e asociados, co que pretendemos deste xeito aforrarlles custes nas campañas que lles propoñemos, e que marca sen dubida unha liña de acción da nosa asociación para este tipo de eventos”.
Carmen Cruzado dixo que “se trata dunha achega importante: aportamos aos locais unha parte do produto que van empregar para elaborar as súas preparacións. Os bares van ofrecer tapas e os restaurantes diferentes pratos dun produto, a merluza de Burela, coa que xa contan moitos deles nas súas cartas”.
Segundo explicou o xerente de Acisa, Jesús Pérez, “as diferentes elaboracións poderán atoparse nas redes sociais de Acisa uns días antes da celebración destas Xornadas de Exaltación da Merluza de Burela, para a súa consulta e así coñecer as propostas de cada local. Son 17 establecementos, tanto de Ribadeo como de Rinlo, co que espallamos esta cita gastronómica polas parroquias nas que tamén temos asociados de hostalería”.
Carmen Cruzado dixo que “con estas xornadas o que pretendemos é botar unha man e axudar á dinamización do sector hostaleiro en tempada baixa, previa ao Nadal”. E animou “á veciñanza de Ribadeo e a de toda a contorna, tanto galega como asturiana, a saborear as diferentes preparacións elaboradas con este fantástico produto. Agardamos desde Acisa que sexa unha fin de semana de moito movemento en Ribadeo, xa que coincidirá con outras importantes campañas”.
Jesús Pérez indicou que “queremos tamén contribuír á concienciación da importancia de consumir peixe, por saúde e por sabor. E si é peixe do veciño porto de Burela, moito mellor”.
Os locais participantes son: Queimada, Galipizza, O Lar de Manolo, El Rincón del Gordo, La Quinta, A Horta de San Roque, Delicatés, O Indiano, La Solana, A Mirandilla, La Bugalla, Javier Montero, San Miguel, Parador de Turismo, Ramonita, Araucaria e Costa Verde.
No acto de presentación das Xornadas de Exaltación da Merluza de Burela participaron o presidente e o xerente da OPP-7 de Burela, Juan José Otero e Sergio López, o xerente de Absa, Miguel Neira, así como a presidenta e o xerente de Acisa, Carmen Cruzado e Jesús Pérez.
A representación terá lugar este sábado día 18, ás 19:30 horas, no local social da Asociación de Veciños de Marzán, un dos destinos habituais nas xiras anuais da compañía. O Centiño mantén así a tradición de visitar este espazo, onde agarda compartir co público unha tarde divertida e chea de humor. A agrupación teatral continúa así coa difusión da súa nova obra, que segue a percorrer diferentes escenarios da comarca.
Dezaoito locais hostaleiros de Ribadeo, Rinlo e Vilaframil ofrecerán diversas preparacións ata o vindeiro domingo: en escabeche, en salpicón, en empanada, ao allo, á prancha, en albóndega, etc… Todas as propostas poden consultarse nas redes sociais de Acisa Ribadeo, que agradece “unha vez máis o apoio da OPP do Porto de Burela, que nos doou 90 quilos de cabala para estas xornadas, produto que entregamos de xeito gratuíto aos locais participantes. Achegámoslles así unha parte do peixe que empregarán nesta nova cita gastronómica na que tamén colabora o Concello de Ribadeo”. Ata o porto, ao restaurante Marinero, se achegaron este mediodía o director territorial da Consellería de Mar, Alexandre Piñeiro, as concelleiras ribadenses Montse Seijo, Elena Sierra e Begoña Sanjurjo, a presidenta de Acisa, Carmen Cruzado, o xerente do colectivo empresarial, Jesús Pérez, e o técnico de Acisa, Jorge Fernández, que puideron degustar as elaboracións realizadas por este establecemento hostaleiro.
Durante a xornada Lionel compartirá a súa experiencia no mundo da escrita, dando a coñecer os seus procesos creativos e as temáticas que caracterizan os seus libros. O acto incluirá un coloquio participativo cos asistentes do club onde poderán preguntar e intercambiar opinións co autor sobre o libro lido “A raíña das velutinas”.
O sábado terá lugar no Casino o III Showcooking, con cociña en directo e maridaxe de viños. O público poderá votar os seus pinchos favoritos e participar no sorteo dunha noite no hotel Marqués de Riscal. A entrega de premios será o luns 20 ás 19:00 h. O Concello e Destino Navia animan a veciños e visitantes a gozar desta cita gastronómica.
Haberá degustación diaria de ostras na carpa do porto. Concertos, showcookings, visitas guiadas e actividades mariñeiras. Lancha pola ría, exposición de maquetas e concurso fotográfico #somoslasostra2026, ademais propostas especiais en Acueo, La Casilla e Restaurante Peñalba.
A etapa, cun percorrido duns 150 quilómetros, partiu arredor das 11:30 horas e rematou en Barreiros, atravesando concellos como Xermade, Muras, Viveiro ou Foz. A proba reúne a equipos do ciclismo profesional internacional e sitúa a provincia de Lugo como escenario dunha das citas deportivas máis destacadas do calendario. O Goberno colabora no desenvolvemento da carreira a través das Forzas e Corpos de Seguridade do Estado, que velan polo correcto desenvolvemento da proba e pola seguridade de participantes e afeccionados.
As persoas interesadas poden anotarse ata o 24 de abril na Casa do Concello (Cervo) ou na Casa da Cultura (San Cibrao). A actividade está dirixida a persoas pensionistas empadroadas no municipio. Trátase dunha xornada pensada para compartir, celebrar e desfrutar en comunidade.
