Foz, 14 de decembro de 2023. O alcalde de Foz, Fran Cajoto; a alcaldesa e o primeiro tenente de alcalde de Alfoz, Efigenia Maseda e Jorge Val; e o concelleiro do Valadouro, Alejandro Fernández, deron hoxe, xoves, a benvida aos vinte alumnos e alumnas que conforman a Escola Obradoiro Terras do Ouro 2023.
As actividades formativas, que se desenvolverán durante o prazo de 12 meses desde este xoves, teñen como obxecto a capacitación do alumnado en instalación e mantemento de xardíns e zonas verdes, actividades auxiliares en viveiros, xardíns e centros de xardinaría e en actividades auxiliares en conservación e mellora de montes.
O obradoiro de emprego, cun orzamento conxunto de 245.000 euros para o acondicionamento de distintos espazos, vai a permitir mellorar zonas verdes e de esparexemento nos tres concellos.
Os responsables municipais destacaron o compromiso dos tres concellos coa formación e o emprego das súas veciñas e veciños, nun sector ademais que demanda man de obra: “é o terceiro obradoiro que realizamos en conxunto e a experiencia anímanos a continuar. Agardamos que todos os participantes aproveiten esta formación remunerada para ter un emprego estable e de calidade no futuro”.
Trátase dunha iniciativa que favorece a colaboración entre o tecido asociativo e o voluntariado para mellorar e conservar as contornas naturais do municipio. Os traballos centráronse na limpeza deste espazo costeiro, contribuíndo ao seu coidado e á conservación do medio natural. A alcaldesa de Cervo, Dolores García Caramés, achegouse ata a praia para acompañar as persoas participantes nesta iniciativa agredecendo a implicación de Mistura de Lieiro e das persoas voluntarias que participaron nesta xornada, contribuíndo, coa súa colaboración, a manter limpos e coidados os espazos naturais de Cervo.
As estudantes recibiron o galardón “Pizza Chef Emergente”, un recoñecemento que destaca o talento das novas promesas da gastronomía e que supón un importante logro para o centro educativo e para a formación profesional da comarca.
O percorrido comeza nun lugar simbólico: as pontes sobre o río Sor, que unen as provincias da Coruña e Lugo e marcan un dos vértices do territorio lucense. Con esta iniciativa, Guido Guía propón unha travesía pola diversidade paisaxística, histórica e humana da provincia, destacando a riqueza dos seus espazos naturais, monumentos e comunidades.
O delegado subliñou o importante papel que realiza o tecido social para conseguir melloras en beneficio da veciñanza e dinamizar social e culturalmente a localidade. Neste sentido, lembrou que a Xunta impulsa o movemento asociativo a través de apoios para o acondicionamento dos seus locais ou para o desenvolvemento de actividades.
A cita será o luns 19 de outubro, ás 17:30 horas, cun punto de encontro no peirao de San Cibrao. Ademais, os diferentes edificios municipais iluminaranse de cor rosa para sensibilizar á poboación sobre a importancia da detección precoz, fundamental para mellorar o prognóstico e a supervivencia das pacientes que padecen esta enfermidade.
O domingo 20 de decembro a Praza César Chavarría acollerá de 11:00 a 20:00 horas unha nova edición do Mercadiño de Nadal organizado polo Concello de Lourenzá, “unha cita para desfrutar do ambiente destas datas e compartir unha xornada especial na nosa vila”, anuncia a alcaldesa, Rocío López. O prazo de inscrición para instalar cun posto xa está aberto e a participación é totalmente gratuíta. As solicitudes poden facerse ata o 16 de decembro nas oficinas do Concello de Lourenzá ou a través do teléfono 982.121.006.
Durante 45 minutos, tres malabaristas —Pablo Reboleiro, Aitor Garuz e Santiago Montero— mergúllanse nun caos divertido onde ninguén manda e todo flúe entre xogos de poder, equilibrios imposibles e humor. A obra amosa como, no mundo dos malabares, romper os patróns establecidos pode levar a descubrir que a verdadeira maxia está en aprender a xogar xuntos.
