Os deputados populares mantiveron “a porta aberta e a man tendida” para acordar unha declaración institucional, incluso durante transcurso do pleno, e ante a falta de resposta presentaron unha moción pola vía de urxencia, pero o goberno provincial rexeitou debater
Lugo, 26 de decembro de 2023. Os deputados do Grupo Provincial Popular condenan “a falta de preocupación institucional” do equipo de goberno provincial na defensa dos traballadores de Alcoa. “Non tiveron a mínima preocupación para responder a algunha das tres peticións de xuntanza” realizadas polos populares para acordar unha declaración institucional na defensa do emprego e para que a empresa cumpra os acordos asinados de investimentos e continuidade da actividade, tal e como pediron os representantes dos traballadores.
O voceiro popular, Antonio Ameijide, denuncia “as mentiras” do presidente da Deputación que hoxe durante o transcurso do pleno, “dixo que non recibira ningunha chamada miña, algo que é totalmente falso, xa que o chamei nada máis saír da reunión cos representantes dos traballadores”.
Desde o Grupo Provincial Popular solicitaron por teléfono e por e-mail esa reunión o pasado 13 de decembro despois de manter unha xuntanza con membros do comité de empresa e, ante a ausencia de resposta, reiteraron a solicitude a pasada semana por rexistro da Deputación de Lugo.
“A realidade é que nos deixamos a porta aberta e a man tendida para acordar unha declaración institucional ata o comezo do pleno e nin por esas tiveron a mínima preocupación dende o goberno provincial polos traballadores de Alcoa”, explicou.
Ante esta situación, dende o Grupo Provincial Popular rexistraron unha moción de urxencia para debater sobre este tema e chegar a un consenso na defensa dos traballadores pero “vimos como tamén se negaron a aprobar a urxencia da iniciativa e debater sobre ela”.
Os populares reiteran que “seguimos ao carón dos traballadores e defendendo os seus postos de traballo, polo que incidimos en que é necesario que a empresa cumpra co acordo asinado que incluía importantes investimentos co obxectivo de garantir o mantemento da actividade na planta da Mariña”.
FALTA DE COMPROMISO COA APERTURA DA RESIDENCIA DE BECERREÁ
O goberno provincial formado por PSOE e BNG tamén votou en contra de levar a cabo de xeito inmediato todos os trámites necesarios que garantan a posta en funcionamento do centro de día e residencial comarcal de Becerreá no vindeiro ano 2024. É dicir, “posiciónanse en contra do que piden os veciños dende a Plataforma Pro Residencia de Becerreá” porque “o proposta que o Grupo Provincial Popular trasladou ao pleno da Deputación de Lugo é exactamente o que demandan dende esta plataforma veciñal”, segundo subliñou o deputado, Jesús Núñez.
O popular lembrou durante o debate que “a residencia está construída pola Deputación de Lugo onde se investiu aproximadamente 4 M€. Rematada a finais do 2021, leva máis de ano e medio pechada e sen que o goberno provincial determine que tipo de xestión van a realizar nin que tipo de cociña van a poñer, algo que debería ser importante para aclarar como vai a funcionar”.
Os populares condenan que “a inacción do goberno provincial estea provocando o deterioro do edificio” e piden “dar rendibilidade á inversión poñendo en marcha o centro porque non se pode permitir esta Deputación e a comarca da Montaña seguir con estas instalacións deteriorándose”.
AUTOVÍA DA MARIÑA A-74
Os populares conseguiron a unanimidade do pleno para demandar ao Goberno do Estado a reactivar de inmediato o desbloqueo da A-74 presentando un cronograma con prazos e investimentos concretos, cunha data para a conclusión desta infraestrutura.
Antonio Ameijide tamén criticou “a nula congruencia” de PSOE e BNG que no pleno de novembro rexeitaron as emendas presentadas polo PP para incluír nunha moción dar celeridade ás obras da autovía da Mariña alegando que “non se deberían mesturar infraestruturas” despois de ver como hoxe “tanto socialistas como nacionalistas afirmaron que, ademais da A-74, habería que reclamar máis infraestruturas” para A Mariña e para a provincia.
Pese a isto, os deputados populares “demostramos altura de miras e responsabilidade institucional” xa que “o fundamental é que se melloren as infraestruturas na nosa provincia xa que o Goberno do Estado ten moitos debes que corrixir cos lucenses en materia de comunicacións”.
O grupo teatral O Centiño de San Martiño (Foz) actuou este sábado en Marzán, convidado pola asociación veciñal Torques de Marzán. O local quedou pequeno ante a resposta do público: 73 persoas, un récord de asistencia para unha obra de teatro na parroquia. A comedia provocou constantes risas e un ambiente moi participativo. A iniciativa volve demostrar o valor de levar actividade cultural e teatro afeccionado ás parroquias e barrios, achegando propostas escénicas a lugares afastados dos grandes circuítos. O Centiño continuará a xira de “O Autobús” nas vindeiras semanas: Sábado 25 de abril: Vilaronte (Foz). Sábado 2 de maio: Casa da Cultura de Trabada
A xornada contou con degustación gratuíta de viños elaborados por adegas da contorna, unha cata comentada e un mercado de produtos gastronómicos locais, permitindo aos asistentes coñecer de primeira man a riqueza do produto de proximidade. O pregón desta edición correu a cargo de Alejandro Gándara, quen presentou o seu proxecto audiovisual 360 curvas, unha obra que reflexiona sobre a distancia entre A Fonsagrada e Lugo e sobre o conflito social e político asociado á perda da súa condición de cabeceira de comarca, no marco da loita contra a despoboación.
Dezaoito locais hostaleiros de Ribadeo, Rinlo e Vilaframil ofrecerán diversas preparacións ata o domingo: en escabeche, en salpicón, en empanada, ao allo, á prancha, en albóndega, etc… Todas as propostas poden consultarse nas redes sociais de Acisa Ribadeo, que agradece “unha vez máis o apoio da OPP do Porto de Burela, que nos doou 90 quilos de cabala para estas xornadas, produto que entregamos de xeito gratuíto aos locais participantes. Achegámoslles así unha parte do peixe que empregarán nesta nova cita gastronómica na que tamén colabora o Concello de Ribadeo”. Ata o porto, ao restaurante Marinero, se achegaron este venres o director territorial da Consellería de Mar, Alexandre Piñeiro, as concelleiras ribadenses Montse Seijo, Elena Sierra e Begoña Sanjurjo, a presidenta de Acisa, Carmen Cruzado, o xerente do colectivo empresarial, Jesús Pérez, e o técnico de Acisa, Jorge Fernández, que puideron degustar as elaboracións realizadas por este establecemento hostaleiro.
O sábado tivo lugar no Casino o III Showcooking, con cociña en directo e maridaxe de viños. O público poderá votar os seus pinchos favoritos e participar no sorteo dunha noite no hotel Marqués de Riscal. A entrega de premios será o luns 20 ás 19:00 h. O Concello e Destino Navia animan a veciños e visitantes a gozar desta cita gastronómica.
Haberá degustación diaria de ostras na carpa do porto. Concertos, showcookings, visitas guiadas e actividades mariñeiras. Lancha pola ría, exposición de maquetas e concurso fotográfico #somoslasostra2026, ademais propostas especiais en Acueo, La Casilla e Restaurante Peñalba.
A etapa, cun percorrido duns 150 quilómetros, partiu arredor das 11:30 horas e rematou en Barreiros, atravesando concellos como Xermade, Muras, Viveiro ou Foz. A proba reúne a equipos do ciclismo profesional internacional e sitúa a provincia de Lugo como escenario dunha das citas deportivas máis destacadas do calendario. O Goberno colabora no desenvolvemento da carreira a través das Forzas e Corpos de Seguridade do Estado, que velan polo correcto desenvolvemento da proba e pola seguridade de participantes e afeccionados.
A cita contará con charlas, obradoiros, concurso de fotografía e unha ampla zona expositiva. A feira será de acceso gratuíto e está pensada para gozar en familia.
