Santiago de Compostela, 15 de decembro de 2023. A portavoz de Pesca do Grupo Socialista, Patricia Otero, lamentou hoxe a negativa do PP a apoiar a iniciativa que presentou na Comisión de Pesca do Parlamento para pedirlle á Consellería que execute os seus orzamentos “ao máximo posible”. Otero sinalou á xestión “desastrosa” e “rácana” dos orzamentos dispoñibles, que “quedaron no edificio da Consellería do Mar e non chegaron ao sector”.
Otero explicou que a consellería apenas executou o 49,1 por cento, menos da metade do Orzamento vixente no último exercicio pechado, que foi 2022, unha cifra “dramática” que apenas supón o 36,8 por cento do Orzamento inicialmente aprobado no Parlamento, pero que foi sucesivamente reducido con modificacións de crédito ao longo do ano. Alertou de que con esta práctica, habitual dende a chegada do PP á Xunta, deixan ao sector completamente de lado.
Advertiu que esta política de aforro a costa de abandonar ao sector provocará a devolución de “moitísimos cartos” procedentes de fondos europeos que están condicionados a que sexan executados polo goberno galego. Criticou que, ademais de deixar partidas millonarias sen executar e de poñer enriba da mesa medidas sen dotación orzamentaria, amosan unha máis que preocupante falla de axilidade á hora de afrontar os problemas do sector.
Acusou á Consellería de “mirar para outro lado a ver se a solución ven sola” mentres os bancos marisqueiros afrontan perdas de produción de ata o 70 por cento, mentres “deixan millóns sen executar que virían moi ben para sanear, facer dragaxes ou axudar ao sector”.
Explicou que ata agosto de 2023 non abriron unha liña de axudas polo incremento de custes provocado pola invasión de Ucraína, as axudas para os cerqueiros afectados polo recorte do xurelo “nunca chegaron” e as axudas ao libre marisqueo deste ano acumulan 9 meses de retraso.
Patricia Otero criticou a actitude “totalmente conformista” do conselleiro do Mar co escaso peso orzamentario desta Consellería dentro dos Orzamentos do goberno galego, xa que sube apenas un 1 por cento, claramente por debaixo da media. Advertiu que a Consellería “limítase a criticar as decisións do goberno central e reclamarlle ás outras administracións nas que non goberna o PP “esquecendo” que teñen competencias para axudar ao sector que seguen sen exercer.
Na xuntanza preténdese analizar a execución das obras, o comportamento da empresa responsable, a problemática dos accesos durante as Festas de Xunqueira e solicitar ao Concello de Viveiro que faga público o proxecto definitivo.
A marcha partirá ás 12:30 horas diante do Concello, percorrerá as rúas peonís do centro e rematará novamente na casa consistorial, onde se lerá un manifesto. A plataforma chama a mobilizarse cunha mensaxe clara: cada bomba destrúe vidas e cada silencio convértenos en cómplices. Defenden que é o momento de saír á rúa para esixir o fin da violencia, o respecto aos dereitos humanos e a liberdade do pobo palestino, lembrando que a presenza das persoas manifestantes é a voz de quen hoxe non pode falar. A convocatoria péchase cun triplo chamamento: non á guerra, non ao silencio e non á indiferenza.
Este venres, 14 de agosto ás 20.00 horas, terá lugar a presentación do libro "Espiritualidad", unha longa reflexión sobre a dimensión espiritual do ser humano, levada a cabo por 8 autores de diferences orientacións relixiosas, no Local Social do Parque Concepción Arenal (antigo matadoiro) de Ferreira do Valadouro. Estará presente o autor-coordinador da obra Pepe Peinó.
Estiveron acompañados polas dúas técnicas de Xuventude, para gozar dunha mañá nas distintas actividades que ofrece este parque de trampolíns. Pola tarde, o grupo parou a xantar no Lago das Pontes, onde puido coñecer a historia da súa creación e desfrutar dun baño. A viaxe estivo organizada polas Concellerías de Xuventude e Deporte e pola Oficina de Información Xuvenil dentro do programa “Verán a Tope en Xove 2026”.
Evaristo Calvo, Rebeca Montero e Vítor Mosqueira interpretaron o pasaxe que recrea os últimos momentos do Mariscal Pardo de Cela e da súa muller, Isabel de Castro, antes da traizón da Frouseira. A acción cultural, coordinada por Carme Varela e promovida pola Vicepresidencia da Deputación de Lugo, rende homenaxe ao gran dramaturgo do Valadouro no seu primeiro cabodano. 
O 112 Galicia tivo constancia do accidente arredor das 13:20 horas deste martes. Segundo varios particulares, dous turismos colidiran no quilómetro 79 da LU-862. Nun vehículo había un ferido, mentres que no outro unha persoa estaba atrapada, aínda que se atopaba en bo estado trala colisión. Desde o CIAE 112 Galicia informouse ao Servizo de Urxencias Sanitarias de Galicia-061, aos Bombeiros de Viveiro, á Garda Civil de Tráfico e á Agrupación de Voluntarios de Protección Civil do Vicedo. Unha vez no punto, a dotación de bombeiros puido liberar á persoa atrapada.
A Orquesta Mondragón con Javier Gurruchaga á cabeza e Fórmula V con Paco Pastor encheron de lembranzas e de ritmo a noite ribadense. Desde o Concello fan un balance moi positivo do concerto "xa que contribuíu á dinamización económica da nosa vila".
