O Presidente, José Tomé Roca, e o Alcalde, Roberto Fernández Rico, asinaron un acordo polo que a institución provincial aporta 83.000€ ao Concello, o que lle permitirá ampliar o uso social e veciñal do inmoble, darlle unha nova imaxe ao exterior, e mellorar a súa eficiencia enerxética e accesibilidade
Lugo, 9 de xaneiro de 2024. O Presidente da Deputación de Lugo, José Tomé Roca, e o Alcalde de Ribeira de Piquín, Roberto Fernández Rico, veñen de asinar un convenio de colaboración entre ambas administracións polo que a institución provincial aporta 83.000€ ao Concello, o que lle permitirá rehabilitar a vella escola de titularidade municipal, situada no núcleo do Chao de Pousadoiro, co fin de ampliar o uso social e veciñal deste inmoble.
José Tomé asegurou que con esta colaboración económica “reafirmamos o compromiso de cooperación cos concellos que mantemos dende esta institución provincial, dando resposta ás súas demandas para que poidan ofrecer máis e mellores servizos e infraestruturas públicas aos seus veciños e veciñas, independentemente do lugar no que vivan, contribuíndo así a fixar poboación no rural da provincia”.
As obras que levará a cabo o Concello coa aportación da Deputación consistirán na rehabilitación integral do exterior da antiga escola para cumprir con varios fins: mellorar a imaxe do inmoble, mellorar a eficiencia enerxética das instalacións e acondicionar o acceso principal do edifico. En concreto, o proxecto contempla o revestimento das catro fachadas, a urbanización do acceso á parcela pola súa parte norte, e a substitución das carpinterías, e das portas e ventás por unhas de aluminio color natural con illamento dobre, na cara principal e traseira do inmoble. Os traballos teñen un prazo de execución de dous meses desde o seu inicio.
Con esta actuación, destacou o Alcalde, “damos un paso máis no conxunto de melloras que estamos a levar a cabo dende o Concello de Ribeira de Piquín, tanto na dotación de equipamentos como de espazos públicos, creando contornos máis atractivos, accesibles, seguros e cómodos para vivir, e cos que estamos a mellorar o do día a día dos veciños e veciñas”.
Neste sentido, referiuse o rexedor á creación no antigo CEIP Aníbal Otero do Centro de Día que está a dar servizo a 24 persoas e que contou coa colaboración da Deputación para a súa posto en marcha. Un centro no que ademais o Concello ten previsto habilitar na segunda planta unha residencia de maiores con capacidade para 24 persoas. Completarán as melloras nesta contorna pública as obras de humanización e a creación dunha praza pública que conectará ambos edificios do Centro de Día e a escola vella.
Actualmente, a vella escola aglutina diversas entidades sociais locais e a oficina de Correos. Con estas melloras, o obxectivo é ampliar o uso social e veciñal das instalacións como edificio administrativo, así como trasladar para a sede o centro de asesoramento e experimentación da Fundación TerrEO.
A iniciativa xurdiu co obxectivo de xuntar o alumnado que coincidira na EGB, pero axiña se ampliou a todas aquelas persoas que compartiron pupitres e amizades tamén no instituto.
O público, totalmente entregado de principio a fin, amosouno cos intensos e prolongados aplausos que acompañaron toda a actuación. Ao remate, os asistentes expresaron o seu desexo de poder gozar no futuro de novos concertos do artista, que sen dúbida volverán entusiasmar ao público.
Villares subliñou o éxito de convocatoria do evento, que reúne cada ano a numerosos participantes e afeccionados en Ribadeo, “aproveitando o atractivo da ría e do seu porto deportivo para atraer visitantes e complementar co deporte a súa ampla oferta de natureza, patrimonio e gastronomía”. A presente edición estivo dedicada á figura de Leopoldo Calvo-Sotelo, con motivo do centenario do nacemento do que fora presidente do Goberno e alcalde honorario do municipio. Ademais das regatas de vela en distintas categorías, celebráronse bautizos de buceo, charlas ou un concurso de pesca, entre outras actividades.
Na xuntanza preténdese analizar a execución das obras, o comportamento da empresa responsable, a problemática dos accesos durante as Festas de Xunqueira e solicitar ao Concello de Viveiro que faga público o proxecto definitivo.
A marcha partirá ás 12:30 horas diante do Concello, percorrerá as rúas peonís do centro e rematará novamente na casa consistorial, onde se lerá un manifesto. A plataforma chama a mobilizarse cunha mensaxe clara: cada bomba destrúe vidas e cada silencio convértenos en cómplices. Defenden que é o momento de saír á rúa para esixir o fin da violencia, o respecto aos dereitos humanos e a liberdade do pobo palestino, lembrando que a presenza das persoas manifestantes é a voz de quen hoxe non pode falar. A convocatoria péchase cun triplo chamamento: non á guerra, non ao silencio e non á indiferenza.
Estiveron acompañados polas dúas técnicas de Xuventude, para gozar dunha mañá nas distintas actividades que ofrece este parque de trampolíns. Pola tarde, o grupo parou a xantar no Lago das Pontes, onde puido coñecer a historia da súa creación e desfrutar dun baño. A viaxe estivo organizada polas Concellerías de Xuventude e Deporte e pola Oficina de Información Xuvenil dentro do programa “Verán a Tope en Xove 2026”.
Evaristo Calvo, Rebeca Montero e Vítor Mosqueira interpretaron o pasaxe que recrea os últimos momentos do Mariscal Pardo de Cela e da súa muller, Isabel de Castro, antes da traizón da Frouseira. A acción cultural, coordinada por Carme Varela e promovida pola Vicepresidencia da Deputación de Lugo, rende homenaxe ao gran dramaturgo do Valadouro no seu primeiro cabodano. 
