Os populares condenan “a discriminación a Galicia que se aprecia coa liña de FEVE” e que “as obras das depuradoras de Foz e Burela estean paralizadas por Costas do Estado, a pesar de que a Xunta ten presuposto para executar os proxectos”
A Mariña, 25 de xaneiro de 2024. O coordinador xeral do PP lucense e candidato popular, José Manuel Balseiro, asegura que “ser socialista e falar de infraestruturas na Mariña é ter bastante atrevemento” tendo en conta que “están todas paralizadas por gobernos socialistas como o que preside Pedro Sánchez”.
Balseiro fai un repaso dos principais proxectos pendentes nesta materia e explica que “a A-74, que está proxectada dende a Espiñeira ata Castelo e que o Goberno de Rajoy deixou planificada e con consignacións orzamentarias, está paralizada polo Goberno de Sánchez que cada vez prevé menos fondos nos Presupostos do Estado e nin sequera chega a gastalos”.
Sobre a variante de Viveiro, o popular aclara que “non está feita porque o PSOE e o BNG a bloquean dende o Concello. Tiveron oito propostas enriba da mesa, pero non lles valeu ningunha. Incluso fai un par de anos déuselles outra alternativa para a ponte, pero non se pronunciaron e agora din que a recollen no PXOM”. A este respecto, puntualiza, ademais, que “o deixou listo fai 20 anos un goberno do PP e que neste tempo socialistas e nacionalistas non foron capaces de aprobar definitivamente”.
Quen foi portavoz de infraestruturas na última lexislatura denuncia tamén que “a liña de FEVE na Mariña non recuperou as frecuencias que tiña antes da pandemia, perde servizos e tampouco está electrificada”. E, ademais, “constitúe un claro exemplo da discriminación do Goberno de Sánchez a Galicia: en Ribadeo se sacamos ticket para Ferrol ou Xixón temos que pagar, pero a 10 km, en Vegadeo, sacar ticket para Ferrol ou Gijón sae gratis. Isto débese a que “o Goberno negociou con Cantabria e Asturias servizo gratuíto como compensación polo erro dos trens que non caben polos túneles e que suporá o atraso da súa entrega. En Galicia, a pesar de ser a mesma liña, si temos que pagar”.
En relación ás depuradoras de Foz e Burela, o popular lembra que “o Goberno galego ten consignado 5,5 M€ para a primeira e 2,5 M€ para a segunda nos orzamentos para 2024”. Polo tanto, “a Xunta está en potestade de poder levar adiante as obras, pero non se poden levar a cabo neste momento porque están freadas por Costas, que depende do Goberno de España. Nun caso aínda non están as informes e noutro son desfavorables”, engade Balseiro.
O Concello destaca que este novo éxito é froito do compromiso, do esforzo e da dedicación constante do deportista, cualidades que lle permiten seguir acadando resultados destacados a nivel estatal. Desde a entidade municipal transmítense os parabéns a González Villares por este subcampionato de España.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
Foi unha xornada máxica na que a música e a convivencia se deron a man nunha contorna única. Os instrumentos de corda encheron de melodías os xardíns do centro, creando unha atmosfera especial que emocionou ao público asistente e puxo en valor o talento e a ilusión da mocidade. A alcaldesa de Cervo, Dolores García Caramés, non quixo perderse esta cita tan especial e desfrutou da tarde xunto ás persoas usuarias, e o persoal do centro. Durante o encontro, agradeceu o convite e felicitou á organización por promover actividades que fomentan a cultura, a inclusión e os espazos de encontro entre a veciñanza.
