Un partido ante un dos rivais máis fortes da categoría que as de Julio Delgado solventaron con dous goles en cada parte
Burela, 27 de xaneiro, 2024. Esta tarde ás 18.00h no pavillón municipal Gabriel Pérez, en Murcia, xogábase a 18ª xornada de Primeira División Iberdrola, STV Roldán FSF – Pescados Rubén Burela FS, cun resultado final 1-4. Tras unha longa viaxe, o conxunto mariñán resolve con solvencia o encontro ante un Roldán que non logrou dobregar ás nosas Guerreiras Laranxas encaixando 4 goles e logrando un tanto no último minuto, presionando de 5.
Comeza o encontro presionando o STV Roldán cun primeiro lanzamento a portería no minuto 2 que sae fóra por encima do traveseiro. Na consecuente contra primeiro tiro a porta do Pescados Rubén Burela FS cun disparo de Cilene que sae fóra. No minuto 4 chega o 0-1 cun gol de Antía Pérez nun rexeite tras un pau ao traveseiro de Patricia e un minuto despois Emilly marca o 0-2 cun disparo dende fóra da área. No minuto 9 dobre oportunidade de Rafinha que desvía a porteira do conxunto murciano e no 14 outra clara de Patricia que non consegue puntuar. Chega o descanso 0-2 no marcador.
Na segunda parte continúan as burelenses co dominio tanto do ritmo de xogo coma do balón, conseguindo o primeiro gol da segunda parte, 0-3, xa no primeiro minuto cun lanzamento directo de falta e segundo golazo de Emilly que a mete por toda a escuadra. No minuto 31, de novo Antía Pérez métea entre os paus tras un elegante recorte e disparo ao bordo da área. Non é ata o minuto 38 no que o conxunto de Kilian Belmonte recorre á porteira-xogadora, conseguindo un gol no último minuto cun disparo de Toñi desde a liña da área. Remata o encontro 1-4 no marcador e o Pescados Rubén Burela FS, a pesar das importantes baixas sufridas esta fin de semana con Irene Samper e Noelia Montoro recuperándose dos contratempos sufridos na recente convocatoria coa Selección Española, o equipo continúa invicto durante esta tempada, puntuando e marcando o seu territorio nese primeiro posto da táboa clasificatoria no que esta xornada gañou vantaxe ante o segundo e terceiro clasificados que se enfrontaron entre eles ás 18.30h desta mesma tarde, Torreblanca Melilla e AD Alcorcón, cun Melilla que consegue o segundo posto a 10 puntos das nosas Guerreiras.
A semana que vén viaxamos a Torremolinos a disputar a Supercopa, que se xogará durante sábado e domingo e na que o Pescados Rubén Burela FS se enfrontará o sábado en semifinais ante o seu eterno rival, o Futsi Atlético Navalcarnero, ás 21.00h e que se poderá seguir a través de Teledeporte. Ás 18.30 do mesmo día dispútase o outro encontro da semifinal, STV Roldán – Poio Pescamar FS. Esperamos poder enfrontarnos a un destes dous equipos o domingo ás 21.00h na final do campionato, que igualmente se emitirá por TDP.
Ficha Técnica STV Roldán FSF – Pescados Rubén Burela FS
STV Roldán FSF (1): Silvia; Laura, Mayte Mateo, Alba Gandía, Consuelo -cinco inicial-, Mª Ángeles V., Toñi, Andrea, María V., Marian, Ángela Górriz, Carmen, Silvia.
Pescados Rubén Burela FS (4): Caridad; Cilene, Antía Pérez, Patricia, Emilly – cinco inicial-, Dany (C), Cami, Cris Blanco, Rafinha, Ana Eliza (P).
Goles: 0-1, min.4: Antía Pérez. 0-2, min.5: Emilly. 0-3, min.21: Emilly. 0-4, min.31: Antía Pérez. 1-4, min.39: Toñi.
Árbitros: Andrés Botella López, Francisco José Castillo López, Adrián Cárceles Roca, Julia Angels García Olivares.
TA: Patricia.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
Pasada a medianoite, un vehículo saíuse da vía na N-634. Como consecuencia do impacto, tres persoas resultaron feridas. Da asistencia sanitaria ocupáronse os profesionais de Urxencias Sanitarias de Galicia-061 e os axentes da Garda Civil de Tráfico da seguridade na vía. Os Bombeiros de Barreiros tamén acudiron, sen embargo, ningún dos feridos estaba atrapado.
Baixo o título “A guerra en Oriente Medio. Do xenocidio en Palestina á agresión a Irán”, o analista internacional Duarte Correa ofrecerá unha intervención centrada na evolución do conflito, o impacto humanitario e as implicacións xeopolíticas da escalada bélica na rexión.
