Tivo palabras de agradecemento para “os tres presidentes socialistas que confiaron en min, José Ramón Gómez Besteiro, Darío Campos e José Tomé”, para os compañeiros de grupo e en xeral da Corporación, e para o persoal da institución, co que “fomos capaces de acadar tantos logros para a provincia”, destacando o modelo público de residencias
Lugo, 12 de xaneiro de 2024. Mayra García Bermúdez formalizou este venres no Pleno a renuncia como Deputada provincial para concorrer ás eleccións ao Parlamento de Galicia, subliñando o seu firme compromiso de “seguir defendendo e traballando por e para esta provincia”. “Foi unha honra e un privilexio poder formar parte desta Corporación durante estes preto de oito anos e facelo dende o Goberno, pois nel recae a capacidade de xestión do público e é onde verdadeiramente temos a capacidade de mellorar a vida dos nosos veciños e veciñas”, subliñou.
Mayra García tivo palabras de agradecemento para “os tres presidentes socialistas que confiaron en min, José Ramón Gómez Besteiro, Darío Campos e José Tomé”, para os compañeiros de grupo e en xeral da Corporación, e para o persoal “desta magnífica institución”, cos que “fomos capaces de acadar tantos logros para a provincia”.
Destacou neste sentido o modelo público de atención aos maiores que a Deputación, en colaboración co concellos, deseñou e implantou nas residencias, “un modelo de proximidade e centrado na persoa, co que se pretende que os maiores manteñan o vínculo co lugar onde viven, cos seus familiares, amigos e veciños, e cun sistema progresivo e redistributivo no pago do custe do servicio para que poidan acceder con independencia do seu poder adquisitivo”. “Continuamos con este proxecto que arrancaba no 2010 con José Ramón Gómez Besteiro”, dando “un paso decisivo para dar resposta ás necesidades dos nosos maiores, contribuíndo a fixar poboación, un dos maiores retos aos que se enfronta o rural, e a reactivar a economía local e comarcal”.
Así mesmo, tivo un recordo para “as mulleres que me precederon, que criaron e coidaron das súas familias, que sen estudar deron estudos ás súas fillas, porque, se hoxe podemos ocupar os espazos de maneira máis visible é grazas a elas”. “A loita pola igualdade é imparable”, remarcou.
O Presidente da Deputación afirmou que hoxe “é un día que ten un dobre sentimento, por un lado un sentimento de alegría porque Mayra vai empezar unha nova etapa concorrendo ás eleccións autonómicas, e triste porque nos deixa unha deputada con criterio, que sabe defender as súas ideas”. “É unha muller que eu vin nacer na política e alégrame moito ver como creceu como persoa e politicamente, e sobre todo, ver o percorrido que lle queda, polo tanto unha alegría ver que pode seguir medrando porque ten capacidade para iso, e triste porque nos abandona unha estupenda deputada”.
No próximo Pleno tomará posesión como Deputada Carmela López, Alcaldesa de Burela.
Ocorreu pasadas as 15:30 horas. Un traballador tivo que ser evacuado ao hospital logo de caerlle o tronco dunha árbore enriba mentres realizaba tarefas no monte en Cervo. Aínda que estaba liberado e consciente, precisaba asistencia sanitaria. Os profesionais de Urxencias Sanitarias de Galicia-061 trasladárono finalmente ao Hospital de Burela. Neste operativo tamén participaron a Garda Civil e a Policía Local de Cervo.
Subliñou o traballo colectivo, o papel do voluntariado e a participación de arredor de mil corredores. Tamén puxo en valor o impacto económico e social da proba e o apoio institucional que permite o seu crecemento, incluída a difusión en streaming que levou a CAMOVI e a Viveiro a todo o mundo.
O presidente, José Manuel Gómez Puente, destacou o bo tempo e o reencontro do grupo nun percorrido de 22 km entre Pedrafita e Triacastela. A próxima etapa será o 1 de maio, entre Triacastela e Sarria, e xa está aberta a inscrición no teléfono 623 22 68 25.
Ás doce en punto, tres foguetes —un por cada palabra do nome oficial— foron lanzados desde O Castrodouro, capital histórica do termo municipal e orixe da localidade, pois alí, hai 806 anos, Afonso IX concedeu o título de vila e todo un distrito que administrar; episodio histórico do que deriva o nome do concello. Os veciños reunidos mostraron a súa satisfacción pola recuperación da denominación histórica, afirmando moitos deles que nunca deixaran de empregar o nome completo. Do mesmo xeito, os maiores agradeceron aos impulsores da iniciativa a restitución do topónimo que a historia legou ao municipio alfocés.
Viveiro, 20 de abril, 2026. A proba volveu converter Viveiro nun punto destacado do deporte e da convivencia, ademais de supoñer un impulso económico para o municipio. María Loureiro destacou que a Camovi “é un exemplo de colaboración e esforzo colectivo, que sitúa Viveiro no mapa e dinamiza a economía local”. O Partido Socialista lembra o seu apoio histórico á carreira e reafirma o seu compromiso para seguir contribuíndo ao seu crecemento. O PSOE agradece tamén á veciñanza a súa acollida e implicación, fundamentais para que o evento continúe medrando ano tras ano.
Castro destacou o labor da Asociación e o potencial da tradición do ferro como motor económico, social e cultural para Riotorto, subliñando a importancia de impulsar iniciativas que garantan futuro para estes oficios. A Deputación de Lugo mantén unha colaboración estable coa entidade, cunha achega de 14.000 euros. No marco deste apoio, a Asociación avanzou na documentación dos oficios do ferro, catalogando ferramentas, técnicas e a historia das antigas “ferrerías de monte”.
O responsable provincial destacou "o traballo realizado pola organización ao longo destes anos para consolidar unha proba deportiva de primeiro nivel, que atrae tanto deportistas do máximo nivel competitivo como participación popular"
