O Goberno do Estado ten “un compromiso absoluto coa empresa, que, como calquera outra iniciativa empresarial, terá garantida a conexión eléctrica cando teña determinado o proxecto”, subliñou o Secretario Xeral do PSdeG na provincia de Lugo, quen lle pide a Rueda que “explique canto aportará a Xunta”
Lugo, 1 de febreiro de 2024. “Primeiro o PP traizoou á Mariña con Altri e agora quere boicotear o proxecto en Palas de Rei con mentiras”. Así se pronunciou o Secretario Xeral do PSdeG na provincia de Lugo, José Romé Roca, tras as acusacións vertidas polos populares contra o Goberno central en relación coa iniciativa empresarial do grupo portugués.
José Tomé subliñou que o Goberno do Estado ten “un compromiso absoluto coa empresa, e que, como calquera outra iniciativa empresarial, terá garantida a conexión eléctrica cando teña determinado o proxecto”. Ademais, pediu a Rueda que “explique dunha vez canto aportará a Xunta”.
O socialista asegurou que o Partido Popular “ten mala conciencia e trata de culpar aos demais das súas propias responsabilidades”. Lembrou que “a Xunta de Galicia, con Feijóo e Rueda, comprometeu a instalación da fábrica textil na Mariña para logo, dun día para outro e sen falar con ninguén, traizoar aos mariñanos deixándoos sen este proxecto, e sen ningún outro”. “Agora dedícanse a torpedear a iniciativa en Palas con mentiras co único fin de danar ao Gobenro e arañar uns votos”.
O PP vota en contra dos fondos europeos que pide para Altri
José Tomé incidiu en que o PP “votou hai moi pouco no Congreso dos Deputados en contra de que España recibise 10.000 millóns de euros máis de fondos europeos, conseguidos polo Goberno de Pedro Sánchez, para proxectos como o de Altri e, por riba, dedícase a lanzar bulos para embarrar a campaña”. “De Elena Candia, a campioa do xogo sucio, a quen Rueda premiou por entregar os anónimos contra Besteiro, só podemos esperar iso: xogo sucio”.
O Partido Popular “non pode tapar con mentiras a súa inacción e incapacidade política en industria porque o Estatuto de Autonomía asigna á Xunta as competencias nesta materia”. “Polo tanto, Feijóo e Rueda son os únicos responsables de que Galicia perdese uns 45.000 empregos no sector nestes 15 anos de goberno”.
“Como Alcalde de Monforte e como Presidente da Deputación de Lugo levo anos pedíndolle á Xunta un plan industrial para a provincia e para toda Galicia, e nunca fixo nada. Non ten ningún plan, nin bo, nin malo, nin regular”, asegurou Tomé Roca, quen garantiu que Besteiro “superará a falta de política industrial do PP liderando unha Xunta que deixará de ser un obstáculo para converterse en compañeira de investimentos do tecido económico, activa e dinamizadora”.
De feito, José Ramón Gómez Besteiro “xa fixo máis pola industria galega en tres meses ca Rueda en década e media”, recalcou o Secretario Xeral dos socialistas na provincia, poñendo como exemplo a conexión do hidroducto Guitiriz-Zamora á rede europea de hidróxeno, a nova carga de traballo para Navantia Ferrol ou a rede de moi alta tensión para Stellantis.
Estará dedicada á figura de Leopoldo Calvo-Sotelo, xa que neste 2026 cúmprese o centenario do nacemento de quen fora presidente do Goberno. No acto interviñeron o presidente do RCNR, Pablo Fernández, o director territorial de Deportes da Xunta, Manuel Otero, un dos fillos do tamén alcalde honorario de Ribadeo Víctor Calvo-Sotelo, e o rexedor ribadense, Dani Vega. Todos exaltaron a práctica deportiva na ría, a labor desenvolvida polo Real Club Náutico e a vinculación de Leopoldo Calvo-Sotelo co estuario. Entre o público asistente estaban máis membros da familia Calvo-Sotelo, directivos e ex directivos do RCNR, edís de Ribadeo e representantes de Acisa.
O grupo, composto por cinco mulleres e sete homes cunha media de 26 anos, foi recibido pola subdelegada do Goberno, Olimpia López, que lles agradeceu o compromiso co servizo público e destacou o papel esencial da Policía Nacional na seguridade cidadá. Oito axentes estarán na Comisaría de Lugo, dous en Monforte e dous en Viveiro. Ao finalizar as prácticas, escollerán destino definitivo segundo a puntuación obtida no proceso selectivo.
A iniciativa busca poñer en valor a diversidade cultural do municipio a través da gastronomía, convidando ás persoas de diferentes países a elaborar pratos típicos que se ofrecerán de forma gratuíta ao público. O Concello asumirá o custo dos ingredientes e asignará a cada participante un posto identificado co seu país de orixe. As inscricións poden realizarse ata o 29 de xullo enviando un correo a feiras@vilalba.es. Rouco chamou á participación para seguir construíndo unha Vilalba aberta e integradora, nunha feira que quere consolidarse como espazo de convivencia e dinamización da feira tradicional.
Ata o 4 de agosto poderán realizarse as renovacións, mantendo as tarifas aprobadas en asemblea: 200 € e 250 € para adultos, e acceso gratuíto para menores grazas ao convenio coa Fundación Imdecum, con opción voluntaria de abono infantil por 40 € con reserva de asento. A partir do 5 de agosto activaranse as novas altas. Os abonos poderán tramitarse a través de CLUBER ou presencialmente na oficina do club, con horario de mañá e tarde en xullo e só de mañá en agosto.
A Presidenta Carmela López destacou o valor deste produto emblemático da Mariña e o traballo do sector pesqueiro. Rocío Rivera e Herminia Pernas puxeron en valor a tradición mariñeira de Burela e o papel dos mariñeiros da Moncloa. O público degustou 450 tapas elaboradas con bonito nunha xornada que serviu de escaparate desta cita gastronómica e de convite a visitar Burela a próxima fin de semana.
As crianzas desfrutaron dunha refrescante xornada con inchables e xogos acuáticos na contorna do complexo deportivo da Veiga.
Trátase dunha mostra de 28 fotografías de gran formato do naturalista Ezequiel Martínez que reivindica a diversidade e a conservación da fauna salvaxe. A iniciativa, organizada polo Concello da Pastoriza en colaboración con ABANCA e Afundación dentro do proxecto Corrente cultural, poderá visitarse de balde ata o 26 de agosto. As imaxes, acompañadas de textos divulgativos elaborados por especialistas de Naturnova, amosan especies emblemáticas como o oso pardo, a cegoña, o cervo ou a aguia imperial, convidando a reflexionar sobre a importancia de protexer o patrimonio natural.
