A vindeira semana terán lugar dous obradoiros formativos destinados a apoiar a potenciais promotores e persoas interesadas, que queiran recibir axuda deste Fondo. O prazo de solicitude de axuda remata o vindeiro 29 de febreiro.
Viveiro, 2 de febreiro, 2024. As Confrarías de Celeiro e Cedeira acolleron o pasado mércores e xoves as xornadas formativas que está desenvolvendo o GALP A Mariña Ortegal, para dar a coñecer o programa de axudas do FEMPA. Nestas xornadas, participadas por representación de confrarías, concellos, asociacións e empresas do territorio, púxose de manifesto a importancia que ten este programa para apoiar o xurdimento de iniciativas empresariais e sociais nesta zona costeira. Moitas das persoas participantes coinciden en subliñar, que sen este tipo de axudas sería moi difícil poder emprender iniciativas empresariais ou desenvolver proxectos, tanto de carácter social coma económicos.
Estas axudas queren apoiar o desenvolvemento do sector pesqueiro, pero tamén de calquera empresa ou entidade que queira promover un proxecto no territorio. A transición cara unha economía baixa en carbono, a transformación dixital, a aposta pola sostibilidade social e ambiental, ou a preservación do patrimonio cultural, son algunhas das prioridades que orientan a estratexia do GALP A Mariña Ortegal.
A vindeira semana está previsto desenvolver outros dous obradoiros formativos, os cales se van a desenvolver nos seguintes días e localizacións:
1. Ortigueira. Centro de Participación Cidadá. Hospital de San Roque. Rúa Príncipe, 55. Mércores 7 de febreiro de 2024. 16 a 19 horas.
2. Ribadeo. Casa do Viejo Pancho. Rúa Viejo Pancho, 12. Xoves 1 de febreiro de 2024. 16 a 19 horas.
Estes obradoiros prestarán un asesoramento personalizado, achegando información práctica sobre o procedemento de axudas e os requisitos necesarios para a presentación da solicitude.
Para obter máis información contactar co GALP A Mariña Ortegal.
galp.marina.ortegal@xunta.gal
982 563 355 – 606 56 85 06
O festival De Cabo a Cabo, organizado por Fanto Fantini cunha achega provincial de 20.000 €, puxo en valor a diversidade cultural de Burela, onde o 10% da poboación é de orixe caboverdiana. A programación espallouse por varios espazos da vila con música, intervencións artísticas e torneos deportivos, e contou coa presenza de artistas como Baiuca, DJ Danifox, DJ Kandole, Batuko Tabanka, Lilaina ou Saya. A contribución da Deputación permitiu cubrir a infraestrutura técnica e loxística, así como os custos de organización e contratación das actividades.
Esta cita, xa consolidada dentro da programación estable do centro, permitirá ao público gozar dunha mostra do traballo artístico e formativo desenvolvido ao longo do curso polo alumnado da especialidade. A actividade constitúe unha oportunidade para achegar a danza á cidadanía e poñer en valor o esforzo, a dedicación e a evolución das alumnas e alumnos participantes.
O Concello destaca que este novo éxito é froito do compromiso, do esforzo e da dedicación constante do deportista, cualidades que lle permiten seguir acadando resultados destacados a nivel estatal. Desde a entidade municipal transmítense os parabéns a González Villares por este subcampionato de España.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
