A Mariña, 2 de febreiro de 2024. Os días 20, 21, 27 e 28 de febreiro terán lugar as xornadas de formación en Xeoturismo para guías e empresas de turismo activo que teñan intención en traballar no territorio da Mariña como guías de actividades xeoturísticas. Deste xeito continuará o programa de Xeoturismo da Mancomunidade, que arrincaba o pasado mes de decembro. En febreiro tamén están previstas dúas novas actividades de xeoturismo: unha por Burela o 17 e outra por Foz o 24.
O programa de Xeoturismo enmárcase no Plan de Sostibilidade Turística 2022-2024, que está cofinanciado pola Mancomunidade – co apoio da Deputación de Lugo -, a Xunta de Galicia e a Secretaría de Estado de Turismo.
Desde a Mancomunidade a súa presidenta, Rocío López, explica que “as xornadas de formación en Xeoturismo para guías e empresas de turismo activo serán os días 20, 21, 27 e 28 de febreiro en horario de 10 a 14 horas e de 15 a 19 horas. Esta formación ten como obxectivo formar a persoas que teñan a intención de traballar no territorio da Mariña como guías de actividades xeoturísticas. Os contidos que se abordarán son de interese para comprender os procesos xeolóxicos e as principais manifestacións xeolóxicas que atopamos na Mariña, para así poder ser quen de interpretar esas manifestacións e dalas a coñecer aos visitantes dun xeito sinxelo, ameno e entretido”.
A formación abordará cuestións como a introdución ao turismo xeolóxico, o perfil deste tipo de turista, o patrimonio xeolóxico da Mariña, a comercialización de produto xeoturístico ou a interpretación da paisaxe xeolóxica, entre outras. Haberá unha parte teórica e outra práctica.
As prazas ofertadas son 20. A formación será impartida na salón de conferencias en Burela. As persoas interesadas en participar teñen ata o 15 de febreiro ás dúas da tarde para poder inscribirse completando o seguinte formulario https://forms.gle/obAyBUo1Q7CUNxZTA e enviando a documentación complementaria que se indica ao final do formulario ao email amarinageoturismo@gmail.com.
O equipo docente estará formado por Fran Canosa, xeólogo e impulsor do turismo xeolóxico en Galicia; Iván Rodríguez, doutor en Xeoloxía e guía de xeoturismo; Isabel Rodríguez, docente en interpretación do patrimonio; e Cristina Collazo, docente en marketing turístico.
O programa de Xeoturismo da Mancomunidade seguirá tamén con dúas actividades de xeoturismo este mes de febreiro. A primeira será o 17 por Burela, coa Xeoruta da Marosa, e a segunda o día 24 cunha Xeovisita guiada na Frouxeira, en Foz.
Aquelas persoas interesadas en participar tanto na formación coma nas actividades de xeoturismo poden atopar toda a información respecto ao contidos, bases e proceso de inscrición para a formación así como os detalles e plataforma de reservas para as dúas actividades de xeoturismo no seguinte enlace: https://amarinalucense.gal/es/geoturismo
Alí salientou o papel que desenvolve este evento no impulso dos produtos agroalimentarios de proximidade, ao tempo que favorece as canles curtas de comercialización. Destacou tamén a importancia deste mercado, considerado como un dos máis antigos da provincia de Lugo, xa que ofrece unha ampla mostra dos principais oficios de artesáns da Idade Media. Ademais, permite aos asistentes gozar de actividades variadas e degustar produtos agroalimentarios diversos.
A institución provincial colabora con ambas citas, organizadas pola Asociación Cultural Amigos da Liga Santaballesa, cunha achega económica de 4.000€. García Porto recalcou que “estes eventos son un exemplo de como a historia da emigración pode converterse nun atractivo turístico de calidade, capaz de atraer visitantes e de reforzar o orgullo de pertenza da veciñanza”.
O evento incluirá espicha, queimada, brujo con conjuro e sesión DJ. O prezo é de 50 euros por persoa, con reserva previa no 611 185 336 e prazas limitadas. A organización lembra que “el 12 de agosto cuando caiga la noche la celebración continúa en Los Olivos… la noche culminará con una queimada elaborada por el Brujo Gonzalo, seguida de una sesión DJ para poner el broche final a una jornada inolvidable”.
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
A mostra sobre Mimina, que repasa a súa traxectoria vital e artística e o seu papel esencial na creación de Sargadelos como empresa cultural, amplía o seu período de apertura até o 12 de agosto grazas á cesión das instalacións por parte do Concello de Cervo. A exposición poderá visitarse todos os días de 12:00 a 14:00 e de 17:00 a 20:00, e tamén se poden concertar visitas noutros horarios ou para grupos chamando ao 636020514 (Lucía).
