O anuncio realizado hoxe por Tomé implica que só se actuará no 0,2% da rede de estradas provincial e dende o Grupo Provincial Popular e os veciños da provincia seguen defendendo unha actuación integral nos 4.300 quilómetros da rede viaria provincial
Lugo, 9 de febreiro de 2024. O anuncio realizado hoxe polo presidente Tomé de realizar arranxos en 12,3 quilómetros da rede viaria provincial supón que unicamente actuará no 0,2% da rede viaria provincial. “Segue a rirse dos veciños da provincia con actuacións totalmente insuficientes”, denunciou o voceiro provincial popular, Antonio Ameijide.
Ameijide explica que estes 12,3 quilómetros que veñen de anunciar hoxe “a bombo e platillo” só supoñen o 0,2% do total da rede viaria provincial (4.300 quilómetros). “Valoramos na súa medida esta primeira actuación, xa que seguimos a marcar o paso ao goberno provincial”, ao que engade que “semella que as voces dos máis de 500 veciños da provincia, que o martes da semana pasada esixiron o arranxo da rede viaria provincial, fixo recapacitar a Tomé”.
O voceiro popular desgrana as actuacións anunciadas por Tomé. Unha delas supón arranxar 7 quilómetros do cinturón comarcal, unha vía de 131 quilómetros de lonxitude e moi empregada cada día, “que se atopa nun estado lamentable”. “Só van a traballar no arranxo do 5% da estrada”, denuncia.
Ameijide afirma que “está claro que algún día tiñan que dar un primeiro paso” pero “non é menos certo que esta actuación é totalmente insuficiente e é derivada do temor do presidente Tomé a que se algún día pasa algo grave na rede viaria provincial supoña consecuencias xurídicas para el”.
Trátase dunha iniciativa que favorece a colaboración entre o tecido asociativo e o voluntariado para mellorar e conservar as contornas naturais do municipio. Os traballos centráronse na limpeza deste espazo costeiro, contribuíndo ao seu coidado e á conservación do medio natural. A alcaldesa de Cervo, Dolores García Caramés, achegouse ata a praia para acompañar as persoas participantes nesta iniciativa agredecendo a implicación de Mistura de Lieiro e das persoas voluntarias que participaron nesta xornada, contribuíndo, coa súa colaboración, a manter limpos e coidados os espazos naturais de Cervo.
As estudantes recibiron o galardón “Pizza Chef Emergente”, un recoñecemento que destaca o talento das novas promesas da gastronomía e que supón un importante logro para o centro educativo e para a formación profesional da comarca.
O percorrido comeza nun lugar simbólico: as pontes sobre o río Sor, que unen as provincias da Coruña e Lugo e marcan un dos vértices do territorio lucense. Con esta iniciativa, Guido Guía propón unha travesía pola diversidade paisaxística, histórica e humana da provincia, destacando a riqueza dos seus espazos naturais, monumentos e comunidades.
O delegado subliñou o importante papel que realiza o tecido social para conseguir melloras en beneficio da veciñanza e dinamizar social e culturalmente a localidade. Neste sentido, lembrou que a Xunta impulsa o movemento asociativo a través de apoios para o acondicionamento dos seus locais ou para o desenvolvemento de actividades.
A cita será o luns 19 de outubro, ás 17:30 horas, cun punto de encontro no peirao de San Cibrao. Ademais, os diferentes edificios municipais iluminaranse de cor rosa para sensibilizar á poboación sobre a importancia da detección precoz, fundamental para mellorar o prognóstico e a supervivencia das pacientes que padecen esta enfermidade.
O domingo 20 de decembro a Praza César Chavarría acollerá de 11:00 a 20:00 horas unha nova edición do Mercadiño de Nadal organizado polo Concello de Lourenzá, “unha cita para desfrutar do ambiente destas datas e compartir unha xornada especial na nosa vila”, anuncia a alcaldesa, Rocío López. O prazo de inscrición para instalar cun posto xa está aberto e a participación é totalmente gratuíta. As solicitudes poden facerse ata o 16 de decembro nas oficinas do Concello de Lourenzá ou a través do teléfono 982.121.006.
Durante 45 minutos, tres malabaristas —Pablo Reboleiro, Aitor Garuz e Santiago Montero— mergúllanse nun caos divertido onde ninguén manda e todo flúe entre xogos de poder, equilibrios imposibles e humor. A obra amosa como, no mundo dos malabares, romper os patróns establecidos pode levar a descubrir que a verdadeira maxia está en aprender a xogar xuntos.
