José Tomé foi nomeado vogal do órgano de xestión deste organismo na Asamblea Xeral que se celebrou hoxe na cidade portuguesa de Vila Nova de Famalicão e na que resultou elixido presidente, Luís Nobre, de Viana do Castelo
Lugo, 1 de febreiro de 2024. O Presidente da Deputación de Lugo, José Tomé Roca, reivindicará as necesidades da provincia de Lugo desde a Executiva do Eixo Atlántico. O seu nomeamento como vogal do novo órgano de xestión deste organismo produciuse na Asamblea Xeral que se celebrou este xoves na cidade portuguesa de Vila Nova de Famalicão e na que resultou elixido como presidente Luís Nobre, dirixente da localidade de Viana do Castelo. A Alcaldesa de Lugo, Paula Alvarellos, asumirá a Vicepresidencia da Mesa da Asamblea Xeral.
Á reunión asistiron alcaldes e concelleiros das 42 entidades galegas e portuguesas que conforman desde hoxe este organismo, tras a incorporación do municipio de Fafe (Braga), co obxectivo de facer balance dos últimos dous anos, nomear unha nova xerencia e aprobar o programa para a anualidade 2024, que contará cun orzamento de 4,8M€ e terá por obxectivo mellorar a competitividade para o desenvolvemento económico.
Logo da reunión, que tivo lugar no Centro de Estudos Camilianos, José Tomé Roca valorou o traballo do Eixo dos últimos anos, coa xerencia presidida pola exalcaldesa de Lugo, Lara Méndez, e avanzou que seguirá defendendo e reivindicando os intereses e necesidades da provincia no seo da entidade transfronteiriza. “Foron dous anos nos que a sustentabilidade e as políticas sociais marcaron a acción deste organismo”, sinalou, e como Vicepresidente da Comisión Política de Innovación Social saínte, Tomé Roca destacou o obxectivo acadado de elaborar un Mapa de Cohesión Social, o punto de partida para deseñar o futuro dos territorios do Eixo en clave de desenvolvemento e universalidade no acceso aos servizos públicos.
O Presidente da Deputación fixo estas declaracións tras a asemblea na que se presentou o informe de xestión política dos últimos catro anos, nos que Lara Méndez compartiu presidencia con Ricardo Rio, Alcalde de Braga. Tal e como valorou o propio Rio sobre este documento, “recolle o período máis difícil da historia do Eixo Atlántico, nun momento no que as cidades estaban aínda recuperándose da crise económica do 2008, irrompeu a pandemia, a crise derivada e posteriormente as guerras de Ucraína e Gaza”.
Cumpríronse todos os obxectivos do programa 2023, a pesar do cambio no marco político no que se moven as actuacións do Eixo pola dimisión de Antonio Costa en Portugal e o dobre proceso electoral que viviu España en poucos meses.
O Eixo impulsou o segundo informe socioeconómico da entidade, así como unha axenda de medidas para frear o despoboamento no interior da Eurorrexión. Ademais, o proxecto de Fronteira da Paz entre Brasil e Uruguay e o comezo das relacións institucionais coa Oficina do Historiador da Habana e as cidades de Avellaneda, en Arxentina, e Riveira, en Uruguay, iniciou o camiño transatlántico do Eixo.
No que ten que ver coas infraestruturas, continuou a presión a ambos gobernos pola liña Ferrol- A Coruña- Lisboa, onde se avanzou na licitación do estudo informativo previo do primeiro tramo da saída Sur de Vigo que realizou o Goberno de España e que levaba máis dunha década paralizado. Ademais, na actualidade estase traballando na xestión da liña norte Ferrol-A Coruña e Lugo-Monforte, así como a súa inclusión no Corredor Europeo do Atlántico.
Finalmente, no ámbito da cultura, educación e turismo continuaron impulsándose actuacións como a Feira Expocidades en Valongo ou os intercambios escolares. Ademais, Lugo acolleu máis de 40 actividades de diferentes disciplinas artísticas no 2023 como Capital da Cultura do Eixo.
O delegado territorial da Xunta en Lugo participou este martes nos actos programados con motivo da festividade da Patroa de Ribadeo, Santa María do Campo.
Destacou o apoio da Deputación ao sector primario a través da Granxa Gayoso Castro, centro de referencia en recría, formación e innovación. O evento, organizado pola Asociación Pura Raza Cabalo Galego, incluíu o concurso morfolóxico de distintas categorías —ponis, cabalos do país, cruzados, percheróns, Pura Raza Galega e andadura serrada e chapeada— e unha exhibición de doma de alta escola con eguas de pura raza galega.
Nesta ocasión, a homenaxeada foi a de Román. Tras unha recepción ás portas do concello, a veciñanza da parroquia desprazouse a pé ata a Igrexa de Santa María co grupo tradicional Cerna de Árbol. Na misa, cantada pola Coral Polifónica Vilalbesa, realizáronse as ofrendas e púxose en valor a tradición “dos canteiros e os traballos en pedra” en Román, unha parroquia cun destacado patrimonio histórico e cultural. Tras a celebración na igrexa, os veciños e veciñas de Román compartiron uns pinchos de fraternidade no Centro Cultural.
A celebración estivo organizada pola asociación cultural Ourofest coa colaboración do Concello do Valadouro e contou co apoio do Goberno galego. Villares participou na celebración litúrxica, que contou coa actuación do coro da Escola de Música ‘Ao Compás do Río Ouro’, e compartiu coa veciñanza esta xornada festiva de especial arraigo na localidade.
O corte afectará ao tramo que vai desde o principio da vía ata o punto quilométrico 0,900. Para facilitar a execución das obras, será necesario que non haxa vehículos estacionados nese treito. Os traballos, executados pola empresa Jose No Mantiñan E Hijos Construcciones, S.A., forman parte dun proxecto conxunto para a mellora e acondicionamento de varias estradas provinciais no municipio de Xove, cun investimento total superior aos 800.000 euros.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
Daniel García reafirmou o apoio ao festival, que conta cunha colaboración estable e continuada da Vicepresidencia provincial desde a primeira edición e valorou "o impulso que a Asociación Fanto Fantini lle dá ano a ano ao festival, cun programa que vai máis alá do cartel musical e que profundiza na súa identificación e o seu vínculo con Burela e coa Mariña". A Vicepresidencia da Deputación achega 25.000 euros ao patricinio desta edición do Osa do Mar.
