As catalanas logran manter a permanencia en Primeira División con esta vitoria que rompe a racha sen derrotas das mariñanas nesta tempada
Burela, 4 de maio, 2024. Ás 16.00h desta tarde, no Pabelló UCP-Campus Nord, de Lles Corts (Barcelona), disputábase o partido da xornada 26 de Primeira División Iberdrola FS, A.E. Lles Corts-UBAE – Pescados Rubén Burela FS, cun resultado final 6-4. Nunha primeira parte dominada polo conxunto catalán durante os primeiros 10 minutos e con altibaixos durante os últimos 10 por parte de ambos conxuntos, moita emoción, oportunidades e goles na que as mariñás chegan a estar en dúas ocasións con dous goles de desvantaxe, unha voraz Irene Samper salva o primeiro tempo con dous goles que lles deixan a un tanto de distancia ao descanso. Noutra segunda parte frenética, comeza con 10 minutos de calma, sen goles, e de novo vivimos uns últimos 10 minutos nos que se anotan un total de 6 goles entre os dous equipos e nos que as catalás demostran o seu potencial ante un conxunto visitante que non logra superar ao seu rival. Con catro tantos de Irene Samper nos 40 minutos de paritdo e hat trick de Luci nos últimos 10.
Con problemas técnicos na retransmisión durante os primeiros minutos, ábrese o sinal no minuto 6 e o Lles Corts anota o primeiro gol do partido, un tanto de Laura Oliva nun saque directo nunha falta moi perigosa para o conxunto rival. Un minuto despois de novo Martita anota o segundo, un golazo por toda a escuadra nun disparo afastado. Continúa dominando o conxunto local ante un Pescados Rubén Burela FS despistado. Empeza a espertar o conxunto de Julio Delgado no minuto 11 cunha primeira oportunidade clara nun disparo cruzado ao pau de Irene Samper. Pero as barcelonesas continúan apertando e xerando oportunidades, unha de Laura Torres no minuto 13 que lanza de lonxe rozando o pau. Na seguinte xogada por parte do Burela, Irene Samper consegue o 2-1 nun rexeite tras un bo lanzamento de Cami que detén a porteira local. Outra clara que detén Irati, cun disparo de Patricia a pase de Cilene tras unha moi boa recuperación da veterana brasileira en campo contrario. Pero cando parecía que as Guerreiras comezaban a remontar, Laia Rojo anota o 3-1, un golazo similar ao segundo de Martita, cun disparo afastado que entra por toda a escuadra. Pero un equipo que non sabe renderse continúa buscando o gol, atopándoo de novo Irene Samper no minuto 19 cun gol desde o segundo pau nunha boa combinación con Antía Pérez que lla coloca perfecta. Detén Ana Eliza un último disparo a porta de Lles Corts desviándoa á banda. Tras un tempo morto para o equipo de Robert Caneda chega o descanso sen máis oportunidades.
Na segunda parte comeza atacando o conxunto local ante un cambio de portería no conxunto de Julio Delgado que decide poñer a Ester, xogadora xuvenil da base do conxunto mariñán, baixo paus durante esta segunda parte. Sen tiros a porta durante os primeiros minutos, chega a primeira no 24 Luci cun tiro cruzado desde dentro da área que dá no pau e salva Cami despexándoa. Disparo fóra de Antía Pérez cun lanzamento raso que se vai rozando o pau no minuto 26. Un minuto 30 frenético comeza co hat-trick de Irene Samper, un golazo nunha boísima xogada individual que empata o partido pero segundos despois Luci cóalla a Ester nunha transición. Sae presionar o conxunto burelense con Cilene de porteira-xogadora buscando de novo o empate, pero no minuto 33 Luci cóaa entre os paus picándoa por encima de Ester e poñéndollo máis difícil ás invictas burelenses. No minuto 36 unha enchufadísima Irene Samper anota o cuarto desde a área a pase de Patricia. Continúan presionando as mariñás con xogo de 5 pero chega o 6-4 final, un tanto de Luci a portería baleira no minuto 37. O Burela presiona con porteira-xogadora ata o último minuto xerando moito perigo pero non logrando empatar o encontro, que remata coa primeira derrota do conxunto galego no que vai de tempada.
As Guerreiras volven a Burela para disputar a semana que vén o seu penúltimo partido de Liga nunha Xornada Laranxa en Vista Alegre, cun primeiro partido ás 10.00h que elas mesmas disputarán ante o MRB Móstoles, partido que será retransmitido por Teledeporte e ao que se espera gran afluencia, ante un rival de categoría.
Pola tarde, ás 18.45h poderán asistir ao último encontro da xornada de Segunda División de Futsal para o equipo masculino, un dos encontros máis complicados da tempada, que tamén se disputará en Vista Alegre, ante un UMA Antequera que non deu opcións aos burelenses a ese segundo posto na táboa esta tarde ante o Ibiza.
Ficha Técnica A.E. Les Corts-UBAE 6-4 Pescados Rubén Burela FS
A.E. Les Corts-UBAE (6): Irati; Laura Torres, Júlia, Paula, Aina -cinco inicial-, Luci, Laia Rojo, Nati, Sìlvia, Noe, Martita, Laura Olivo.
Pescados Rubén Burela FS (4): Ana Eliza; Cami, Irene Samper, Rafinha, Patricia- cinco inicial-, Dany, Cilene, Antía Pérez, Aroa, Noelia Montoro, Ester. Entrenador: Julio Delgado.
Goles: 1-0, min.6: Laura Oliva. 2-0, min.7: Martita. 2-1, min.13: Irene Samper. 3-1, min.17: Laia Rojo. 3-2, min.19: Irene Samper. 3-3, min.30: Irene Samper. 4-3, min.30: Luci. 5-3, min.33: Luci. 5-4, min.36: Irene Samper. 6-4, min.37: Luci.
Árbitros: Francesc García-Donas, Iván López, Pablo Villaescusa, César Álamo.
TA: .Laia Rojo, Antía Pérez
Esta cita, xa consolidada dentro da programación estable do centro, permitirá ao público gozar dunha mostra do traballo artístico e formativo desenvolvido ao longo do curso polo alumnado da especialidade. A actividade constitúe unha oportunidade para achegar a danza á cidadanía e poñer en valor o esforzo, a dedicación e a evolución das alumnas e alumnos participantes.
O Concello destaca que este novo éxito é froito do compromiso, do esforzo e da dedicación constante do deportista, cualidades que lle permiten seguir acadando resultados destacados a nivel estatal. Desde a entidade municipal transmítense os parabéns a González Villares por este subcampionato de España.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
