Viveiro, 19 de xuño, 2024. O Colectivo Pensamento e Sementeira de Viveiro promove unha actividade, coincidindo co inicio do solsticio de verán, vinculada á festividade do San Xoán.
Será unha andaina duns 6km aproximadamente e unha duración aproximadamente dúas horas con saída e chegada á Praza Maior. A dificultade da ruta é considerada media/baixa. As prazas están esgotadas, era precisa a inscrición previa.
Farase da man do impulsor da iniciativa Prato_Do, Lucas Requejo, que fará de guía durante o roteiro e dará boa conta da econoloxía do noso concello. Tamén descubriremos parte do patrimonio natural da vila ao son do Río Landro.
O roteiro sairá da Praza Maior o día 22 de xuño ás 10:30. Dende alí, iremos ao son da Ría de Viveiro polos Xardíns de Noriega Varela ata a ponte da Variante, onde enlazaremos co camiño das Aceas ata o hórreo de Xunqueira. Subiremos ao son do Mosteiro de Valdeflores ata chegar á Ruta dos Muiños. Deixando atrás os saltos de auga, continuaremos polo Camiño do Real ata chegar á Porta do Valado que nos conduce de novo á Praza Maior.
Co fin de dinamizar a vida cultural de Viveiro, o colectivo quere recuperar tradicións, ritos e crenzas da cultura galega para darlles visibilidade e que non se perdan co paso do tempo. Queremos facer partícipe á xente de Viveiro dunha das tradicións máis coñecidas de Galicia como é a recollida das herbas de San Xoán.
Queremos recordar a toda a cidadanía que estamos abertas para sumar novas socias e chamamos ás diferentes asociacións, colectivos e institucións a colaborar para facer de Viveiro unha vila con vida cultural, tradicións, historia e memoria. Podedes poñervos en contacto con nós a través das RRSS ou no correo colectivosementeira@gmail.com .
A representación terá lugar este sábado día 18, ás 19:30 horas, no local social da Asociación de Veciños de Marzán, un dos destinos habituais nas xiras anuais da compañía. O Centiño mantén así a tradición de visitar este espazo, onde agarda compartir co público unha tarde divertida e chea de humor. A agrupación teatral continúa así coa difusión da súa nova obra, que segue a percorrer diferentes escenarios da comarca.
Dezaoito locais hostaleiros de Ribadeo, Rinlo e Vilaframil ofrecerán diversas preparacións ata o vindeiro domingo: en escabeche, en salpicón, en empanada, ao allo, á prancha, en albóndega, etc… Todas as propostas poden consultarse nas redes sociais de Acisa Ribadeo, que agradece “unha vez máis o apoio da OPP do Porto de Burela, que nos doou 90 quilos de cabala para estas xornadas, produto que entregamos de xeito gratuíto aos locais participantes. Achegámoslles así unha parte do peixe que empregarán nesta nova cita gastronómica na que tamén colabora o Concello de Ribadeo”. Ata o porto, ao restaurante Marinero, se achegaron este mediodía o director territorial da Consellería de Mar, Alexandre Piñeiro, as concelleiras ribadenses Montse Seijo, Elena Sierra e Begoña Sanjurjo, a presidenta de Acisa, Carmen Cruzado, o xerente do colectivo empresarial, Jesús Pérez, e o técnico de Acisa, Jorge Fernández, que puideron degustar as elaboracións realizadas por este establecemento hostaleiro.
Durante a xornada Lionel compartirá a súa experiencia no mundo da escrita, dando a coñecer os seus procesos creativos e as temáticas que caracterizan os seus libros. O acto incluirá un coloquio participativo cos asistentes do club onde poderán preguntar e intercambiar opinións co autor sobre o libro lido “A raíña das velutinas”.
O sábado terá lugar no Casino o III Showcooking, con cociña en directo e maridaxe de viños. O público poderá votar os seus pinchos favoritos e participar no sorteo dunha noite no hotel Marqués de Riscal. A entrega de premios será o luns 20 ás 19:00 h. O Concello e Destino Navia animan a veciños e visitantes a gozar desta cita gastronómica.
Haberá degustación diaria de ostras na carpa do porto. Concertos, showcookings, visitas guiadas e actividades mariñeiras. Lancha pola ría, exposición de maquetas e concurso fotográfico #somoslasostra2026, ademais propostas especiais en Acueo, La Casilla e Restaurante Peñalba.
A etapa, cun percorrido duns 150 quilómetros, partiu arredor das 11:30 horas e rematou en Barreiros, atravesando concellos como Xermade, Muras, Viveiro ou Foz. A proba reúne a equipos do ciclismo profesional internacional e sitúa a provincia de Lugo como escenario dunha das citas deportivas máis destacadas do calendario. O Goberno colabora no desenvolvemento da carreira a través das Forzas e Corpos de Seguridade do Estado, que velan polo correcto desenvolvemento da proba e pola seguridade de participantes e afeccionados.
As persoas interesadas poden anotarse ata o 24 de abril na Casa do Concello (Cervo) ou na Casa da Cultura (San Cibrao). A actividade está dirixida a persoas pensionistas empadroadas no municipio. Trátase dunha xornada pensada para compartir, celebrar e desfrutar en comunidade.
