Ribadeo, 9 de xullo, 2024. O BNG de Ribadeo reclama do alcalde “que se deixe de lerias, que xa está ben de presumir de facer cousas que non lle corresponden e deixar o seu traballo sen sacar adiante. E criticámosllo por dobre motivo: que é iso de dedicar recursos do concello, recursos de todos e todas nós, a facer labores que non son da súa competencia, e de paso facer confrontación política cos teus rivais? Por outra banda, se ademais vemos ao longo dos días que o que che corresponde a ti queda sen realizar, vaia xestión do demo!”.
“Esta situación foise producindo ao longo desta semana pasada, na que puidemos comprobar como o alcalde despoltricou contra unha institución, a Deputación de Lugo, dicindo que ten os camiños sen rozar. E alí se puxo el todo garboso a presumir de que xa os limpaba el, que se sobraba el só, que el pode con todo. Con todo… menos coas vías que son de competencia municipal. A través das redes sociais estamos informando ao longo desta semana, con reportaxe gráfica incluída, da situación de abandono de varias pistas, camiños e estradas competencia do Concello de Ribadeo, que están pouco menos que a monte. Pero o garbo do alcalde pode con todo”.
“Pode con todo menos coa maleza nas pistas do Pesegueiro ou dos Fornos, en Remourelle; ou en Vilamaríz, en Vilaframil ou en Noceda, nas pistas multideporte ou no paseo das Aceas; en Covelas… O alcalde de Ribadeo está moi afanado en realizar xestións de pouca monta pero que el promociona como se non houbese un mañá. Xestións que nunca dan os seus froitos (como no caso dos 700.000€ para o Hospital Asilo). E canto máis ineficaces son as súas xestións, máis balbordo ten que xerar e aparentar que é moito o que fai. Incluso usando indebidamente medios públicos para a súa promoción política persoal”.
“Mentres, as veciñas e veciños das parroquias e da vila, cos camiños sen limpar”.
O 112 Galicia tivo constancia do accidente arredor das 13:20 horas deste martes. Segundo varios particulares, dous turismos colidiran no quilómetro 79 da LU-862. Nun vehículo había un ferido, mentres que no outro unha persoa estaba atrapada, aínda que se atopaba en bo estado trala colisión. Desde o CIAE 112 Galicia informouse ao Servizo de Urxencias Sanitarias de Galicia-061, aos Bombeiros de Viveiro, á Garda Civil de Tráfico e á Agrupación de Voluntarios de Protección Civil do Vicedo. Unha vez no punto, a dotación de bombeiros puido liberar á persoa atrapada.
A Orquesta Mondragón con Javier Gurruchaga á cabeza e Fórmula V con Paco Pastor encheron de lembranzas e de ritmo a noite ribadense. Desde o Concello fan un balance moi positivo do concerto "xa que contribuíu á dinamización económica da nosa vila".
O Campo de Fútbol de As Valgas acolleu as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que pechou unha noite inesquecible.
Alí salientou o papel que desenvolve este evento no impulso dos produtos agroalimentarios de proximidade, ao tempo que favorece as canles curtas de comercialización. Destacou tamén a importancia deste mercado, considerado como un dos máis antigos da provincia de Lugo, xa que ofrece unha ampla mostra dos principais oficios de artesáns da Idade Media. Ademais, permite aos asistentes gozar de actividades variadas e degustar produtos agroalimentarios diversos.
A institución provincial colabora con ambas citas, organizadas pola Asociación Cultural Amigos da Liga Santaballesa, cunha achega económica de 4.000€. García Porto recalcou que “estes eventos son un exemplo de como a historia da emigración pode converterse nun atractivo turístico de calidade, capaz de atraer visitantes e de reforzar o orgullo de pertenza da veciñanza”.
O evento incluirá espicha, queimada, brujo con conjuro e sesión DJ. O prezo é de 50 euros por persoa, con reserva previa no 611 185 336 e prazas limitadas. A organización lembra que “el 12 de agosto cuando caiga la noche la celebración continúa en Los Olivos… la noche culminará con una queimada elaborada por el Brujo Gonzalo, seguida de una sesión DJ para poner el broche final a una jornada inolvidable”.
A mostra sobre Mimina, que repasa a súa traxectoria vital e artística e o seu papel esencial na creación de Sargadelos como empresa cultural, amplía o seu período de apertura até o 12 de agosto grazas á cesión das instalacións por parte do Concello de Cervo. A exposición poderá visitarse todos os días de 12:00 a 14:00 e de 17:00 a 20:00, e tamén se poden concertar visitas noutros horarios ou para grupos chamando ao 636020514 (Lucía).
