O Concello publicou a oferta para a posta en marcha dun sistema de arrendamento por un importe de 44.000 euros para 4 anos
Barreiros, 23 de agosto de 2023. O Concello de Barreiros ultima a posta en marcha do ximnasio municipal coa licitación da nova maquinaria que vén a complementar a inversión na remodelación interior e exterior da instalación.
A alcaldesa de Barreiros, Ana Ermida, explica que “este investimento, no que levamos anos traballando, supón unha forte aposta polo exercicio físico e a saúde no municipio.” A rexedora explicou que se cando estea finalizado o investimento roldará os 250.000euros que “foron necesarios para poder funcionar con normalidade nunha instalación que non cumpría cuns mínimos de seguridade e hixiene, corrixíndose erros estruturais, dotándoa de recepción, enfermería e almacén -que tamén dan servizo ao pavillón municipal- e renovando a parte da sala do ximnasio para facela máis confortable”.
Estes investimentos foron posibles grazas ao apoio da área de Deporte da Vicepresidencia da Deputación de Lugo, que aportou preto de 150.000 euros. A maiores, a posta en marcha deste servizo conta cun investimento do propio Concello de preto de 50.000 euros e unha axuda da Dirección Xeral de Deportes doutros 50.000 euros.
O Concelleiro de Dinamización, Dani García, explica que neste momento “o obxectivo do contrato posto en marcha é dotar a sala co equipamento preciso para adaptala ao maior tipo de persoas usuarias, complementando a adquisición de 3 máquinas que conseguimos ao solicitar a subvención da Xunta”.
Nova forma de acceso
O ximnasio e o pavillón municipais contarán tamén con novos controis de acceso nas portas, para o que será preciso unha adaptación taxas e regulamento. “Todo isto irá recollido nunha nova ordenanza municipal que xa estamos elaborando para preparar a apertura das instalacións nos vindeiros meses”, explicou García.
A representación terá lugar este sábado día 18, ás 19:30 horas, no local social da Asociación de Veciños de Marzán, un dos destinos habituais nas xiras anuais da compañía. O Centiño mantén así a tradición de visitar este espazo, onde agarda compartir co público unha tarde divertida e chea de humor. A agrupación teatral continúa así coa difusión da súa nova obra, que segue a percorrer diferentes escenarios da comarca.
Dezaoito locais hostaleiros de Ribadeo, Rinlo e Vilaframil ofrecerán diversas preparacións ata o vindeiro domingo: en escabeche, en salpicón, en empanada, ao allo, á prancha, en albóndega, etc… Todas as propostas poden consultarse nas redes sociais de Acisa Ribadeo, que agradece “unha vez máis o apoio da OPP do Porto de Burela, que nos doou 90 quilos de cabala para estas xornadas, produto que entregamos de xeito gratuíto aos locais participantes. Achegámoslles así unha parte do peixe que empregarán nesta nova cita gastronómica na que tamén colabora o Concello de Ribadeo”. Ata o porto, ao restaurante Marinero, se achegaron este mediodía o director territorial da Consellería de Mar, Alexandre Piñeiro, as concelleiras ribadenses Montse Seijo, Elena Sierra e Begoña Sanjurjo, a presidenta de Acisa, Carmen Cruzado, o xerente do colectivo empresarial, Jesús Pérez, e o técnico de Acisa, Jorge Fernández, que puideron degustar as elaboracións realizadas por este establecemento hostaleiro.
Durante a xornada Lionel compartirá a súa experiencia no mundo da escrita, dando a coñecer os seus procesos creativos e as temáticas que caracterizan os seus libros. O acto incluirá un coloquio participativo cos asistentes do club onde poderán preguntar e intercambiar opinións co autor sobre o libro lido “A raíña das velutinas”.
O sábado terá lugar no Casino o III Showcooking, con cociña en directo e maridaxe de viños. O público poderá votar os seus pinchos favoritos e participar no sorteo dunha noite no hotel Marqués de Riscal. A entrega de premios será o luns 20 ás 19:00 h. O Concello e Destino Navia animan a veciños e visitantes a gozar desta cita gastronómica.
Haberá degustación diaria de ostras na carpa do porto. Concertos, showcookings, visitas guiadas e actividades mariñeiras. Lancha pola ría, exposición de maquetas e concurso fotográfico #somoslasostra2026, ademais propostas especiais en Acueo, La Casilla e Restaurante Peñalba.
A etapa, cun percorrido duns 150 quilómetros, partiu arredor das 11:30 horas e rematou en Barreiros, atravesando concellos como Xermade, Muras, Viveiro ou Foz. A proba reúne a equipos do ciclismo profesional internacional e sitúa a provincia de Lugo como escenario dunha das citas deportivas máis destacadas do calendario. O Goberno colabora no desenvolvemento da carreira a través das Forzas e Corpos de Seguridade do Estado, que velan polo correcto desenvolvemento da proba e pola seguridade de participantes e afeccionados.
As persoas interesadas poden anotarse ata o 24 de abril na Casa do Concello (Cervo) ou na Casa da Cultura (San Cibrao). A actividade está dirixida a persoas pensionistas empadroadas no municipio. Trátase dunha xornada pensada para compartir, celebrar e desfrutar en comunidade.
