Ribadeo, 8 de agosto de 2024. Nas últimas horas foi inaugurado o Salón dos Alcaldes no Pazo Ibáñéz, onde locen os retratos dos rexedores da democracia realizados por Concepción Millán. Xunto a eles atópase tamén un do alcalde honorario, Leopoldo Calvo-Sotelo, que foi cedido pola súa viúva, Pilar Ibáñez-Martín.
No acto desenvolvido no Concello ribadense interviñeron Antonio Martínez, alcalde de Ribadeo entre os anos 1981 e 1983; o Marqués da Ría de Ribadeo, Leopoldo Calvo-Sotelo Ibáñez-Martín; e o actual rexedor, Dani Vega.
Martínez tivo palabras de lembranza para os compañeiros rexedores xa falecidos e lembrou a súa relación con Leopoldo Calvo-Sotelo, naquel momento presidente do Goberno de España. O Marqués da Ría de Ribadeo subliñou o amor e a paixón que o seu pai sentía por Ribadeo e pola súa ría, da que sempre estaba pendente cando se atopaba en Madrid.
O alcalde de Ribadeo, Dani Vega, destacou que “no día de onte inaugurouse o Salón dos Alcaldes aquí no Concello. En primeiro lugar, hai que agradecerlle a Concepción Millán que entregara gratuitamente un retrato, un cadro, de cada alcalde. Nosoutros queríamos que eses cadros que xa fixeran a pasada lexislatura tiveran un sitio digno, un sitio onde todos os poidamos visitar e contemplar. Non é simplemente un salón onde se colga un cadro, senón que é un salón dedicado ao servizo público, á entrega, ao traballo e en consecuencia recoñecer todo ese traballo de tantos alcaldes que tivo Ribadeo”.
O rexedor contou que “tamén incorporamos ao alcalde honorario a ese salón, a Leopoldo Calvo-Sotelo. Non foi un alcalde electo, foi un alcalde si por traballo, si por xestión, e por inversión no pobo de Ribadeo. Polo tanto, un agradecemento tamén á figura do presidente Calvo-Sotelo. Recoñecemento, evidentemente, a unha entrega, a unha dedicación de todos os alcaldes”.
Vega explicou que o Salón dos Alcaldes será “un espazo multifuncional, onde hai presentación de libros, conferencias, xornadas, distintas actividades que queremos ir facendo pouco a pouco. Un Concello, é unha administración pública, un lugar, un espazo público, pero témonos que converter nun espazo visitable como está ocorrendo nas vilas europeas, que cada institución, poño como exemplo o Concello, son visitables para moitas persoas nas visitas guiadas, nesas visitas que temos en Ribadeo e tamén para os centros educativos. Pouquiño a pouco vamos tamén investindo e arranxando a Casa do Concello, que é a casa de todos”.
Familiares e amigos dos rexedores da democracia asistiron ao acto de inauguración deste Salón dos Alcaldes. Algúns deles como José Carlos Rodríguez Andina, Balbino Pérez Vacas ou Xaime Vidaurrázaga Urbieta estiveron presentes. A encargada de conducir a inauguración foi a concelleira de Atención Cidadá, Montse Seijo.
Neste curso a actividade estará dispoñible para as nosas pequenas Xoias e para alumnado externo, cunha sesión semanal, a cargo de Yasmin Toledo e Patrícia Sousa, do equipo de Segunda División. O alumnado poderá escoller o seu horario de adestramento entre os luns (16:00 h.-17:00 h., Vista Alegre) e os venres (19:30 h.-20:30 h., Monte Castelo). A actividade terá un custo de 6€/mes para o alumnado da escola laranxa e 24€/mes para o alumnado externo.
Un particular informou minutos despois das 11 horas deste xives dun camión que transportaba formigón envorcado no quilómetro 68 da N-640, á altura da parroquia de Ramil (Castro de Rei). Segundo explicou o mesmo alertador, o condutor permanecía no interior da cabina e outros dous turismos estaban implicados no accidente. De inmediato, desde o Centro Integrado de Atención ás Emerxencias solicitouse a acción de Urxencias Sanitarias de Galicia-061, da Garda Civil de Tráfico, dos Bombeiros de Vilalba e dos servizos de mantemento da estrada. Os bombeiros confirmaron que non tiveron que excarcerar, pois a persoa estaba xa fóra do vehículo cando chegaron ao punto. Así, colaboraron na limpeza da vía cos servizos de mantemento da estrada.
Neste espazo radiofónico Félix Jorquera falará coa alcaldesa de Lourenzá, Rocío López; co concelleiro de Cultura, Manuel Arango; con José Cuadrado, presidente da Indicación Xeográfica Protexida Faba de Lourenzá e pregoeiro desta edición da festa; co chef Pedro Barreira; e con Antonio Irimia, presidente do club VespaFaba & Clásicos, de Lourenzá.
Ademais da intervención arqueolóxica de 2026, o Concello achega 7.500 euros para restaurar a cabaña C-2, lembrando que “Seguimos apostando por el patrimonio arqueológico y el desarrollo arqueológico del concejo”. Tamén se mellorou o acceso ao xacemento, e o castro consolídase como un recurso turístico en crecemento, clave para avanzar na desestacionalización.
Entre as 10:00 e as 14:00 horas haberá arredor dunha decena de postos con produtos agroecolóxicos e de proximidade, ademais dun punto informativo para persoas interesadas en emprender no sector e actividades infantís. A alcaldesa Marta Rouco destaca que a feira busca dar vida ao centro da vila e visibilizar o rural como espazo de emprendemento, mentres que a concelleira Paula Vigo salienta a colaboración con A Estruga para ampliar a oferta habitual do mercado. O Concello anima á veciñanza a achegarse e coñecer os proxectos participantes.
Nesta ocasión, o grupo desprazouse ata A Pontenova para realizar un percorrido de 17 quilómetros que combinou a Ruta dos Fornos, a Ruta do Ferrocarril e a Ruta do Muiñeiro Namorado. A actividade, de dificultade baixa, iniciou o seu percorrido na Praza dos Fornos da Pontenova e rematou en San Tirso de Abres.
O paseo comezará ás 20:00 h na rúa San Francisco, ao pé da igrexa, para continuar pola Praza de Abaixo e a rúa Antonio Otero, até chegar á Praza do Patín, xunto á Biblioteca Municipal El Viejo Pancho. Alí, ás 20:30 h, dará comezo a presentación da obra. A organización lembra con afecto as anteriores visitas de Souto a Ribadeo e confía en que, unha vez máis, se vivirá unha tarde especial guiada polo enxeño creativo do coruñés de Monte Alto, galego universal que levou as nosas letras polo Mar de Irlanda e polas corredoiras máis recónditas do país. A actividade está organizada pola A.C. Francisco Lanza.
