O xogador brasileiro será un dos novos reforzos para unha plantilla que, na súa maioría, estrenará esta tempada en Primeira División
Burela, 13 de agosto., 2024. Wagner Aparecido de Oliveira Junior, Juninho, de 27 anos e nado en São Paulo, é unha das novas incorporacións á plantilla do conxunto masculino do Pescados Rubén Burela FS, un plantel que se estrea en Primeira División cunha maioría de xogadores que lograron o ansiado ascenso. É así que Juninho se unirá a este grupo de 9 xogadores, xa conformado en tempadas anteriores por Pitero, Quelle, Isma, Michal Kaluza, Alberto, Rikelme, Charly, Mika e Malaguti. O á zurdo, provinte do Torreense de Portugal, comeza a xogar ao futsal aos 5 anos no Círculo Militar de São Paulo. Aínda en categorías xuvenís pasa por Portuguesa ata 2009 que volve ao Círculo ata 2013. Na tempada 2014/2015 ficha polo Barueri, pasando polo Corinthians na seguinte tempada e volvendo ao Barueri na 2016/2017. Na 2017/2018 xoga no Intelli, na 2018/2019 no Marreco e na 2019/2020 debuta fóra de Brasil, na liga portuguesa, no Fundão de Portugal por dúas tempadas, volvendo ao Joaçaba, no seu país de orixe. Na 2022/2023 xoga no Foz Cataratas ata a 23/24 que volve á península ao Torrense de Portugal. Esta tempada no Pescados Rubén Burela FS será o seu debut na liga española, xogando toda a súa carreira ata o momento en Brasil e Portugal.
Falamos co xogador brasileiro sobre o que lle interesou do noso club para vir a Burela, “O que máis me interesa é poder participar nunha das mellores ligas do mundo, nun club que quere facer historia”. Sobre o que espera achegar ao equipo, “Espero contribuír coa miña competitividade e axudar aos meus compañeiros para ser mellores cada día”. Sobre os seus obxectivos “O meu obxectivo para esta tempada é, primeiro, dar o mellor de min cada día e axudar ao club para conseguir grandes cousas e seguir competindo na elite do fútbol sala español.” Por último, unha mensaxe á afección e Familia Laranxa “Que sigan demostrando a súa forza porque son importantísimos e que xuntos conseguiremos grandes cousas.”
O evento ofrecerá mel, produtos de tempada, artesanía, gastronomía e outras propostas locais. O Concello do Valadouro mantén aberto o prazo de inscrición para persoas e empresas expositoras, que poden presentar a súa solicitude na sede electrónica ou nas oficinas do Centro Socio-cultural, Xuvenil e da Terceira Idade “Manuel Lourenzo” ata o martes 6 de outubro, ou ata completar os postos dispoñibles.
Un particular informou minutos despois das 11 horas deste xives dun camión que transportaba formigón envorcado no quilómetro 68 da N-640, á altura da parroquia de Ramil (Castro de Rei). Segundo explicou o mesmo alertador, o condutor permanecía no interior da cabina e outros dous turismos estaban implicados no accidente. De inmediato, desde o Centro Integrado de Atención ás Emerxencias solicitouse a acción de Urxencias Sanitarias de Galicia-061, da Garda Civil de Tráfico, dos Bombeiros de Vilalba e dos servizos de mantemento da estrada. Os bombeiros confirmaron que non tiveron que excarcerar, pois a persoa estaba xa fóra do vehículo cando chegaron ao punto. Así, colaboraron na limpeza da vía cos servizos de mantemento da estrada.
Neste espazo radiofónico Félix Jorquera falará coa alcaldesa de Lourenzá, Rocío López; co concelleiro de Cultura, Manuel Arango; con José Cuadrado, presidente da Indicación Xeográfica Protexida Faba de Lourenzá e pregoeiro desta edición da festa; co chef Pedro Barreira; e con Antonio Irimia, presidente do club VespaFaba & Clásicos, de Lourenzá.
Ademais da intervención arqueolóxica de 2026, o Concello achega 7.500 euros para restaurar a cabaña C-2, lembrando que “Seguimos apostando por el patrimonio arqueológico y el desarrollo arqueológico del concejo”. Tamén se mellorou o acceso ao xacemento, e o castro consolídase como un recurso turístico en crecemento, clave para avanzar na desestacionalización.
Entre as 10:00 e as 14:00 horas haberá arredor dunha decena de postos con produtos agroecolóxicos e de proximidade, ademais dun punto informativo para persoas interesadas en emprender no sector e actividades infantís. A alcaldesa Marta Rouco destaca que a feira busca dar vida ao centro da vila e visibilizar o rural como espazo de emprendemento, mentres que a concelleira Paula Vigo salienta a colaboración con A Estruga para ampliar a oferta habitual do mercado. O Concello anima á veciñanza a achegarse e coñecer os proxectos participantes.
Nesta ocasión, o grupo desprazouse ata A Pontenova para realizar un percorrido de 17 quilómetros que combinou a Ruta dos Fornos, a Ruta do Ferrocarril e a Ruta do Muiñeiro Namorado. A actividade, de dificultade baixa, iniciou o seu percorrido na Praza dos Fornos da Pontenova e rematou en San Tirso de Abres.
