O porteiro brasileiro e o pívot benaventano formarán parte da plantilla que xogará en Primera División esta temporada
Burela, 6 de agosto, 2024. Mika e Malaguti, porteiro e pivote formarán parte do plantel que está configurando o técnico santiagués para a próxima tempada 24/25 e que xogará en Primeira División tras un épico ascenso en Vista Alegre ante o UMA Antequera despois de gañar ao primeiro clasificado da liga regular o primeiro partido en Antequera.
Mikael Deon, Mika, xove porteiro brasileiro de 22 anos provinte do Araz Nakhcivan, equipo da liga Premier de Acerbaiyan, deu os seus primeiros pasos no AEP Futsal no que estivo durante as tempadas 17/18 e 18/19. Na 19/20 ficha polo Joaçaba Futsal (Ajec), e na 21/22 polo Concórdia Futsal, equipo de Primeira División brasileira. Na 22/23 xoga no Araz Nakhcivan ata esta 23/24 que vén a Burela.
Mika, sobre a renovación e os seus obxectivos para a próxima tempada, “Estou moi contento coa renovación, era un dos meus obxectivos, renovar e medrar dentro do club. E agora temos que seguir traballando aos poucos para manternos na categoría e aos poucos buscar algo”. Sobre a tempada 23/24, “Foi unha tempada perfecta, chea de emocións e sensacións!! Non empezamos moi ben e fumos medrando pouco a pouco, especialmente como equipo. E levamos ao Burela onde sempre debía estar, en Primeira División”. A súa valoración do equipo, “Un equipo novo con moito talento e moita ambición, que desde o principio mostrou o que quería”. Sobre a súa estancia en Burela, “Falar de Burela é moi fácil, vivo nun pobo igual a Burela, así que estou na casa!! A xente daquí é moi apaixonada polo fútbol sala, e isto transmite moito aos xogadores, polo que non hai maneira de non ser feliz e non loitar por este equipo e por este pobo”.
Iván de Uña Feliz, Malaguti, pivote benaventano de 28 anos, autor de 17 tantos nesta tempada de ascenso, tamén continuará nas filas do conxunto laranxa a tempada que vén. Provinte do KS Constract, xogou case toda a súa carreira no equipo da súa terra, o Átletico Benavente. Comeza xogando ao fútbol e aos 18 anos interésase polo fútbol sala ingresando no equipo Xuvenil División de Honra do Benavente na tempada 2014/2015, combinando a súa participación co equipo senior. Na tempada 2015/2016 comeza a xogar no senior de forma exclusiva e a seguinte, 2016/2017, marcha ao Cidade de Narón unha tempada. Volve ao seu equipo natal na 2017/2018 onde será unha peza fundamental, conseguindo un ascenso a Segunda División e disputando a final polo ascenso a Primeira na tempada 21/22. En decembro de 2023 ficha polo KS Constract, equipo polaco de Primeira División, co que despois de 10 anos en primeira, conseguen gañar a liga na tempada 22/23 e volvendo a España onde ingresa no conxunto burelao.
Malaguti, sobre a renovación e os seus obxectivos para a próxima tempada, “Moi contento a verdade. Despois dun ano marabilloso nun pobo tan acolledor e con xente incrible creo e penso que é a mellor decisión posible. Foi un ano redondo, co ascenso a primeira e cando eres feliz nun sitio hai que seguir alí”. Sobre os seus obxectivos para esta próxima tempada, “os obxectivos para esta tempada a nivel individual son os mesmos que o ano pasado. Axudar ao equipo en todo o que estea na miña man. Tanto na faceta defensiva como na ofensiva. E estar ao nivel do que require xogar na mellor liga do mundo.” Sobre a tempada pasada, “á tempada 2023/2024 poñeríalle un 9, e explícoche porqué non lle dou un 10, creo que tiñamos equipo para ascender directamente sen pasar por play-off pero despois do mal arranque, perdendo bastantes puntos nese inicio ligueiro, púxose complicado ese obxectivo. Foi, para min, unha tempada espectacular co ascenso a primeira división despois dunha tempada dura e dun play off incrible pero durísimo á vez. Creo que fumos o equipo que máis o mereceu e cando o mereces, adoitan caer as recompensas.” Sobre o equipo, “Esta tempada vamos competir en Primeira División por cumprir o obxectivo primordial que é a permanencia. Quedamos un bloque compacto do ano pasado e creo que esa vai ser a esencia de competir e sacar bos resultados este ano. Ao final cando hai harmonía amizade e bo rolo dentro do vestiario iso transfírese á pista. Confío moito nas posibilidades deste equipo dos que coñezo máis os reforzos que chegarán para axudar que seguro que o farán fenomenal tamén”. Sobre o pobo de Burela, “en Burela estou súper a gusto. É un pobo súper acolledor con xente marabillosa e que vive moito o fútbol sala. Cando te dedicas a algo que no pobo onde vives desfrútase e vívese tanto como é neste caso, estar a gusto aquí é moi fácil. Logo está preto de onde eu son e iso tamén é un punto a favor. Así que moi contento pola renovación e por formar parte outro ano máis deste gran club e da Familia Laranxa”
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
Pasada a medianoite, un vehículo saíuse da vía na N-634. Como consecuencia do impacto, tres persoas resultaron feridas. Da asistencia sanitaria ocupáronse os profesionais de Urxencias Sanitarias de Galicia-061 e os axentes da Garda Civil de Tráfico da seguridade na vía. Os Bombeiros de Barreiros tamén acudiron, sen embargo, ningún dos feridos estaba atrapado.
