Cervo, 18 de setembro, 2024. A rexedora, Dolores García Caramés, recolleu este mércores o galardón nunha acto que tivo lugar na Praia da Magdalena, no concello coruñés de Cabanas, da man do conselleiro de Sanidade
O galardón premia que o Torno, Cubelas, a Caosa e Rueta, sexan espazos libres de fume
O Concello de Cervo vén de ser recoñecido co diploma de ouro no marco do programa autonómico Praias Sen Fume, que leva a cabo a Dirección Xeral de Saúde Pública da Consellería de Sanidade, nun acto que tivo lugar na Praia da Magdalena, no concello coruñés de Cabanas.
A rexedora, Dolores García Caramés, recolleu a insignia da man do conselleiro de Sanidade, Antonio Gómez; un recoñecemento que Cervo comparte con outros 45 concellos galegos baixo o requisito de que todos os areais formen parte desta rede e sexan espazos libres de fume.
A alcaldesa recordou que un dos obxectivos desta iniciativa, que naceu no ano 2016 cun fin educativo e de sensibilización social, “pasa porque as crianzas e a nosa mocidade saiba que o normal é non fumar”, as praias son un espazo compartido por todos, desde os máis pequenos ata os nosos maiores, “e con esta medida de librar as nosas praias de fume avanzamos no noso compromiso coa saúde pública e a protección do medio ambiente”, engadiu.
A presenza de cabichas e de fume afectan á calidade da nosa contorna e á experiencia de quen busca un lugar limpo e saudable, polo que apostamos firmemente por asegurar que a nosa costa sexa un espazo máis seguro e sostible, apuntou.
Apostando por areais sen fume, non só coidamos da nosa saúde –afondou a alcaldesa- senón que tamén contribuímos á preservación da nosa contorna natural e ao coidado da nosa fauna mariña.
Nas praias que forman parte da rede sen fume –O Torno, A Caosa, Cubelas e Rueta, no noso caso- non existe vixilancia como tal, nin sanción para o incumprimento por parte dos cidadáns, senón que se trata dunha elección voluntaria e persoal, o que buscamos é a “participación activa da sociedade para converter as nosas praias nun exemplo de convivencia, respecto e conciencia medioambiental, nese obxectivo de normalizar o feito de non fumar”.
Baixo o título “A guerra en Oriente Medio. Do xenocidio en Palestina á agresión a Irán”, o analista internacional Duarte Correa ofrecerá unha intervención centrada na evolución do conflito, o impacto humanitario e as implicacións xeopolíticas da escalada bélica na rexión.
A proba, organizada polo CP Altrúan, reunirá 137palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García achegouse esta tarde a Ribadeo para presentar a proba, que comezará ás 15.30 coa saída dos prebenxamíns e benxamíns. A continuación e de forma escalonada, desenvolveranse as probas das categorías infantil, alevín e cadete e xuvenil.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
A Garda Civil de Burela tomou declaración este 10 de xuño a unha representante do departamento en liña de Porcelana de Sargadelos, que denunciou unha estafa na que se emprega a imaxe da empresa para enganar clientes. Segundo explicou, desde finais de abril están a aparecer páxinas web falsas con descontos do 80% e perfís fraudulentos en redes sociais como Instagram, TikTok e Facebook, a través dos que varios usuarios xa foron estafados. A compañía presentou denuncias contra distintos dominios e contas, das que só unha continúa activa, e achegou tamén os rexistros da marca e as comunicacións realizadas ante Meta. A denuncia foi formalizada no cuartel da Garda Civil de Burela, onde quedou incorporada ás dilixencias abertas polo corpo.
O deputado galego Francisco Millán Mon explicoulles o día a día da súa actividade nesta cámara e a importancia da Unión Europea para Galicia e viceversa. Desde a dirección do centro agradecen “a súa exposición e o trato dispensado ao alumnado e profesorado desprazado a Bruxelas”. Neste 2026 cúmprense 40 anos da adhesión de España á Comunidade Económica Europea, así se denominaba naquel momento. O IES de Ribadeo é Escola Mentora do Programa Escolas Embaixadoras do Parlamento Europeo.
Foi unha xornada máxica na que a música e a convivencia se deron a man nunha contorna única. Os instrumentos de corda encheron de melodías os xardíns do centro, creando unha atmosfera especial que emocionou ao público asistente e puxo en valor o talento e a ilusión da mocidade. A alcaldesa de Cervo, Dolores García Caramés, non quixo perderse esta cita tan especial e desfrutou da tarde xunto ás persoas usuarias, e o persoal do centro. Durante o encontro, agradeceu o convite e felicitou á organización por promover actividades que fomentan a cultura, a inclusión e os espazos de encontro entre a veciñanza.
A mostra, aberta na sala de exposicións do Auditorio Municipal de luns a venres entre as 18:00 e as 22:00 horas, reúne preto de 30 obras de artistas emerxentes e consolidados, ofrecendo diversas miradas sobre a paisaxe, a identidade, a memoria e a realidade contemporánea. A alcaldesa, Marta Rouco, destacou o valor de que Vilalba forme parte desta programación compartida e o impacto positivo que supón para a actividade cultural local.
