A rexedora subliña “o considerable incremento no número de matrículas e na participación activa do estudantado de Viveiro nos últimos anos”
Viveiro, 5 de setembro de 2024. A alcaldesa de Viveiro, María Loureiro, destaca a importancia da educación universitaria a distancia no concello con motivo do inicio dun novo curso académico.
A rexedora mantivo unha reunión na Casa do Concello coa directora da UNED de Lugo, Ana Belén Traseira, na que ambas responsables compartiron os logros do pasado ano académico e repasaron os plans futuros para este curso 2024/2025.
Loureiro subliña “o considerable incremento no número de matrículas e na participación activa do estudantado de Viveiro nos últimos anos, unha tendencia que, polo que vemos neste novo curso, segue a afianzarse”.
“Isto está sendo posible grazas á constante colaboración entre a UNED e o Concello, compartindo o compromiso de seguir traballando para desenvolver novos proxectos que beneficien a ambas partes”, sinala a alcaldesa.
“Un dos proxectos máis especiais no municipio é UNED Sénior, que fomenta o envellecemento activo proporcionando acceso á educación superior ás persoas maiores”, indica.
“Ademais, no curos 2025/2026 entrará en vigor o novo grao en matemáticas, un dos novos programas académicos que se implantarán no noso Concello”, engade Loureiro. “Seguimos ademais mellorando as infraestruturas tecnolóxicas para garantir o acceso de todas as persoas a unha educación de calidade”, conclúe.
A iniciativa xurdiu co obxectivo de xuntar o alumnado que coincidira na EGB, pero axiña se ampliou a todas aquelas persoas que compartiron pupitres e amizades tamén no instituto.
O público, totalmente entregado de principio a fin, amosouno cos intensos e prolongados aplausos que acompañaron toda a actuación. Ao remate, os asistentes expresaron o seu desexo de poder gozar no futuro de novos concertos do artista, que sen dúbida volverán entusiasmar ao público.
Villares subliñou o éxito de convocatoria do evento, que reúne cada ano a numerosos participantes e afeccionados en Ribadeo, “aproveitando o atractivo da ría e do seu porto deportivo para atraer visitantes e complementar co deporte a súa ampla oferta de natureza, patrimonio e gastronomía”. A presente edición estivo dedicada á figura de Leopoldo Calvo-Sotelo, con motivo do centenario do nacemento do que fora presidente do Goberno e alcalde honorario do municipio. Ademais das regatas de vela en distintas categorías, celebráronse bautizos de buceo, charlas ou un concurso de pesca, entre outras actividades.
Na xuntanza preténdese analizar a execución das obras, o comportamento da empresa responsable, a problemática dos accesos durante as Festas de Xunqueira e solicitar ao Concello de Viveiro que faga público o proxecto definitivo.
A marcha partirá ás 12:30 horas diante do Concello, percorrerá as rúas peonís do centro e rematará novamente na casa consistorial, onde se lerá un manifesto. A plataforma chama a mobilizarse cunha mensaxe clara: cada bomba destrúe vidas e cada silencio convértenos en cómplices. Defenden que é o momento de saír á rúa para esixir o fin da violencia, o respecto aos dereitos humanos e a liberdade do pobo palestino, lembrando que a presenza das persoas manifestantes é a voz de quen hoxe non pode falar. A convocatoria péchase cun triplo chamamento: non á guerra, non ao silencio e non á indiferenza.
Estiveron acompañados polas dúas técnicas de Xuventude, para gozar dunha mañá nas distintas actividades que ofrece este parque de trampolíns. Pola tarde, o grupo parou a xantar no Lago das Pontes, onde puido coñecer a historia da súa creación e desfrutar dun baño. A viaxe estivo organizada polas Concellerías de Xuventude e Deporte e pola Oficina de Información Xuvenil dentro do programa “Verán a Tope en Xove 2026”.
Evaristo Calvo, Rebeca Montero e Vítor Mosqueira interpretaron o pasaxe que recrea os últimos momentos do Mariscal Pardo de Cela e da súa muller, Isabel de Castro, antes da traizón da Frouseira. A acción cultural, coordinada por Carme Varela e promovida pola Vicepresidencia da Deputación de Lugo, rende homenaxe ao gran dramaturgo do Valadouro no seu primeiro cabodano. 
