Pon en valor a “incomparable” riqueza cultural de Ribadeo, a súa historia indiana e o seu vínculo co Camiño de Santiago do Norte: “Trátase dun enclave turístico e cultural de primeira orde”
Ribadeo, 4 de outubro de 2024. O eurodeputado galego Francisco Millán Mon celebra o cada vez maior interese da mocidade galega pola Unión Europea e reivindica o proxecto europeo como “unha comunidade de valores compartidos” na que “as súas voces e preocupacións poden ser escoitadas e atendidas”.
“A Unión Europea é moi importante para a nosa terra, xa que as decisións que determinan o futuro dos nosos pescadores, das nosas mariscadoras, dos nosos agricultores e gandeiros, da nosa mocidade ou da nosa industria e comercio tómanse basicamente en Bruxelas. Todas estas decisións son cruciais para Galicia e por iso, como eurodeputado galego, teño que velar todos os días para que os intereses galegos sexan tamén defendidos como intereses europeos”, destacou hoxe na súa visita a Ribadeo.
Unha visita na que mantivo un encontro co alumnado do IES Dionisio Gamallo, que forma parte do programa de Escolas Embaixadoras do Parlamento Europeo, no que constatou o crecente interese da mocidade pola Unión Europea. Neste sentido destacou a importancia de que as novas xeracións comprendan os obxectivos, a orixe e o funcionamento desta institución: “É moi positivo ver como a mocidade mostra cada vez maior interese pola Unión Europea, que non só é un proxecto político, senón tamén unha comunidade de valores compartidos”.
“É imprescindible que a xuventude coñeza as institucións europeas e poder así comprometerse máis co proceso de integración europea para asegurar un futuro de paz, prosperidade e liberdade”, engadiu subliñando a necesidade de que nos centros de ensinanza se afonde no aprendizaxe sobre a Unión Europea e as súas institución a través do que denomina “asignatura europea”.
Por último, remarcou que é esencial seguir promovendo iniciativas que acerquen a Unión Europea á mocidade tanto no ámbito académico como a través de programas de mobilidade como o Erasmus+ ou o DiscoverEU: “A mocidade ten que sentir que a Unión Europea non é algo distante, senón un espazo onde as súas voces e preocupacións poden ser escoitadas e atendidas”.
RIBADEO, ENCLAVE EXCEPCIONAL DO CAMIÑO DO NORTE
Posteriormente Francisco Millán Mon foi recibido polo alcalde Daniel Vega, ao que agradeceu o seu cálido recibimento nunha cidade da que destacou a súa “riqueza cultural incomparable” e o seu “vínculo especial coa historia indiana que tanto valoramos en Galicia”.
O eurodeputado pontevedrés destacou a relevancia do traballo do Goberno local para potenciar e preservar este patrimonio que atrae cada ano a miles de visitantes interesados na arquitectura e a historia. Neste sentido puxo en valor a importancia de Ribadeo como punto estratéxico no Camiño de Santiago do Norte, unha ruta histórica de gran transcendencia para Galicia, España e Europa.
“Ribadeo non só destaca polo seu legado indiano, senón tamén como un fito esencial no Camiño de Santiago, o que a converte nun enclave turístico e cultural de primeira orde”, concluíu incidindo en que a promoción deste tipo de atractivos é fundamental para fortalecer o turismo en Galicia e poñer de manifesto o carácter acolledor e hospitalario dos galegos.
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
O prólogo é da profesora de Debuxo Camino Casabella Pumares, artista con raíces no Alfoz do Castrodouro, que participará na presentación xunto ao presidente do colectivo. Cinco dos pintores estarán presentes no acto, xa que Alaxe faleceu hai tres anos. A portada do caderno é obra do ilustrador Xosé Blanco. O evento celebrarase o sábado 8 de agosto ás 20:00 horas no castelo do Castrodouro, en Alfoz do Castrodouro.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
