Entre os días 1 e 3 de decembro AMODO, Conversas Arredor da Gastronomía na Mariña convocará a destacados profesionais gastronómicos e a medios de comunicación especializados
Foz, 29 de novembro de 2024. Gastronomía e innovación uníranse este domingo no comezo de AMODO, Conversas Arredor da Gastronomía na Mariña. Estes encontros gastronómicos, que terán lugar entre o domingo 1 e o martes 3 de decembro, están organizados pola Mancomunidade de Concellos da Mariña Lucense co obxectivo de mostrar a importancia da gastronomía no seu territorio.
O domingo 1 de decembro darase a benvida aos relatores participantes e aos periodistas especializados convidados ás xornadas, pertencentes a medios como El País, La Vanguardia, ABC… Desta forma comezará un press-trip no cal,durante os tres días de duración do evento, estes profesionais coñecerán de primeira man os atractivos da Mariña Lucense e a diversidade de produtos e proxectos que conforman o seu ecosistema gastronómico, así como o recentemente creado Colectivo Gastronómico da Mariña.
O día principal das xornadas será o luns 2 de decembro, no que terán lugar, no Auditorio da Fábrica de Sargadelos en Cervo, unha serie de conferencias e unha mesa redonda entre as 9:00h e as 17:30h. Estes eventos serán de balde e sen necesidade de inscrición previa, con acceso libre ata completar aforo.
A través de persoas destacadas no ámbito gastronómico e turístico como David Mora, director do máster de Turismo Gastronómico do Basque Culinary Center de San Sebastián; Pep Palau, fundador de Galicia Fórum Gastronómico e de Barcelona Fòrum Gastronòmic; ou María Solivellas, cociñeira(Ca Na Toneta, Mallorca. 1 estrela verde na Guía Michelin); abordáranse temas como a influencia da gastronomía no turismo e na cultura, e presentáranse proxectos gastronómicos afíns da man de profesionais como Lucía Freitas; cociñeira (A Tafona, Santiago de Compostela. 1 estrela Michelin) e coordinadora de Amas de Terra; Pepe Ferrer, embaixador gastronómico do Consello Regulador da D.O. Vinos de Jerez; ou Lluis Nel Estrada, director de Gastrollar e da Escuela Popular de Gastronomía Sostenible de La Ribera. Para rematar o día farase entrega do I Premio Merlín na Casa Museo de Álvaro Cunqueiro, que recoñecerá a un proxecto gastronómico destacado.
O martes 3 de decembro poñerase o punto e final a AMODO, Conversas Arredor da Gastronomía na Mariña coa finalización do press-trip e a despedida aos profesionais e aos periodistas especializados.
Gastronomía e territorio
AMODO, Conversas arredor da gastronomía na Mariña é un encontro vinculado á gastronomía, organizado pola Mancomunidade de Concellos da Mariña Lucense coa colaboración, na secretaría técnica de Jorge Guitián e Anna Mayer -profesionais no ámbito de proxectos gastronómicos- e do Colectivo de Gastronomía da Mariña.
Este evento nace do Plan Director de Turismo Gastronómico da Mariña, presentado o pasado mes de xuño en Viveiro, no contexto do Plan de Sostibilidade Turística na Mariña Lucense que xestiona a Mancomunidade; cofinanciado entre esta entidade, a Xunta de Galicia e a Secretaría de Estado de Turismo.
O obxectivo desta convocatoria é posicionar ao territorio da Mariña como un espazo creativo e innovador que reflexiona sobre a súa realidade gastronómica, así como reforzar a gastronomía como un eixo fundamental da imaxe de marca do destino.
Programa da xornada do luns 2 de decembro
9:00h – Inauguración oficial por parte de autoridades e presentación.
9:30h – SESIÓN I: Dar visibilidade, xerar imaxe de destino.
9:30h – David Mora. Director do master de Turismo Gastronómico do Basque Culinary Center de San Sebastián.
10:15h – Pep Palau. Fundador de Galicia Fórum Gastronómico e de Barcelona Fòrum Gastronòmic.
11:00h – Tempo para pausa-café e visitas libres.
12:30h – Mesa redonda: A gastronomía desde unha perspectiva cultural.
Claudia Polo. Escritora e comunicadora gastronómica (Zaragoza).
Rosa Molinero. Xornalista e escritora (Barcelona).
Yanet Acosta. Xornalista e docente. Directora de The Foodie Studies (Madrid).
María Solivellas. Cociñeira (Ca Na Toneta, Mallorca. 1 estrela verde na Guía Michelin).
13:50h – Tempo para a comida.
15:45h – SESIÓN II: Proxectos afíns.
15:45h – Lluis Nel Estrada. Director de Gastrollar e da Escuela Popular de Gastronomía Sostenible de La Ribera.
16:15h- Pepe Ferrer. Embaixador gastronómico do Consello Regulador da D.O. Vinos de Jerez.
16:45h – Lucía Freitas. Cociñeira (A Tafona, Santiago de Compostela. 1 estrela Michelin) e coordinadora de Amas de Terra.
17:30h – Remate oficial da xornada de conferencias.
A xornada rematará coa entrega do I Premio Merlín na Casa Museo de Álvaro Cunqueiro, en Mondoñedo, co que se recoñecerá un proxecto gastronómico.
O Concello destaca que este novo éxito é froito do compromiso, do esforzo e da dedicación constante do deportista, cualidades que lle permiten seguir acadando resultados destacados a nivel estatal. Desde a entidade municipal transmítense os parabéns a González Villares por este subcampionato de España.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
Foi unha xornada máxica na que a música e a convivencia se deron a man nunha contorna única. Os instrumentos de corda encheron de melodías os xardíns do centro, creando unha atmosfera especial que emocionou ao público asistente e puxo en valor o talento e a ilusión da mocidade. A alcaldesa de Cervo, Dolores García Caramés, non quixo perderse esta cita tan especial e desfrutou da tarde xunto ás persoas usuarias, e o persoal do centro. Durante o encontro, agradeceu o convite e felicitou á organización por promover actividades que fomentan a cultura, a inclusión e os espazos de encontro entre a veciñanza.
