O proxecto céntrase no aforro e a eficiencia enerxética a través de actuacións na cuberta, a fachada e a instalación dunha bomba de calor por aerotermia
Vilalba, 16 de novembro de 2024. A alcaldesa de Vilalba, Marta Rouco, e o concelleiro de Infraestruturas Urbanas, Luis Fernández, anunciaron na mañá de hoxe o importante avance das obras de reparación que se están levando a cabo nos vestiarios do pavillón do CEIP Insua Bermúdez para favorecer o aforro e a eficiencia enerxética das instalacións.
As actuacións deron comezo pola cuberta, onde se colocou unha nova chapa sándwich. Ademais, as obras no exterior da instalación complementaranse coa colocación de carpintería metálica de PVC e a limpeza e reparación da fachada mediante o selado de gretas, a reparación de desconchóns e o pintado exterior e interior con pintura impermeabilizante.
“Grazas ás actuacións na zona exterior favorecerase a eficiencia enerxética do edificio porque se selará por completo a infraestrutura, de tal xeito que non se produzan goteiras ou escapes de calor”, explicou a alcaldesa de Vilalba, Marta Rouco sobre unhas obras que contan cun orzamento de 54.543,56 euros con cargo ao Fondo de Cooperación Local da Xunta de Galicia.
Pola súa banda, o concelleiro de Infraestruturas Urbanas, Luis Fernández, salientou durante a visita “o importante cambio nos termos de auga, que tiñan unha capacidade de 200 litros e os novos, que xa están instalados, teñen un volumen de 1.000 litros”.
Nesa liña, as obras tamén se centraron na substitución dos 2 termos de auga quente actuais por unha bomba de calor que emprega a aerotermia tanto para a calefacción como para a dotación de auga quente sanitaria. “O que, ademais de outorgar maior confort aos usuarios dos vestiarios, repercutirá nun importante aforro enerxético e medioambiental para o noso Concello, pero tamén nun destacable aforro económico para as arcas municipais”, salientou a rexedora, Marta Rouco.
Así mesmo, no interior dos vestiarios tamén foron substituídas as luminarias antigas por novas luces led que reforzarán a eficiencia enerxética das instalación e dotarán dunha maior e mellor visibilidade aos usuarios e usuarias.
CELERIDADE DAS ACTUACIÓNS
A alcaldesa de Vilalba, Marta Rouco, quixo salientar tamén “a celeridade coa que se sacou adiante este proxecto”, pois logo de ser adxudicado a finais do mes de outubro a empresa adxudicataria comezou de inmediato as actuacións.
“A previsión é ter completamente rematadas as obras para este mesmo mes, o que permitirá empregar as novas instalación xa durante o presente trimestre do curso escolar”, explicou a rexedora.
A iniciativa xurdiu co obxectivo de xuntar o alumnado que coincidira na EGB, pero axiña se ampliou a todas aquelas persoas que compartiron pupitres e amizades tamén no instituto.
O público, totalmente entregado de principio a fin, amosouno cos intensos e prolongados aplausos que acompañaron toda a actuación. Ao remate, os asistentes expresaron o seu desexo de poder gozar no futuro de novos concertos do artista, que sen dúbida volverán entusiasmar ao público.
Villares subliñou o éxito de convocatoria do evento, que reúne cada ano a numerosos participantes e afeccionados en Ribadeo, “aproveitando o atractivo da ría e do seu porto deportivo para atraer visitantes e complementar co deporte a súa ampla oferta de natureza, patrimonio e gastronomía”. A presente edición estivo dedicada á figura de Leopoldo Calvo-Sotelo, con motivo do centenario do nacemento do que fora presidente do Goberno e alcalde honorario do municipio. Ademais das regatas de vela en distintas categorías, celebráronse bautizos de buceo, charlas ou un concurso de pesca, entre outras actividades.
Na xuntanza preténdese analizar a execución das obras, o comportamento da empresa responsable, a problemática dos accesos durante as Festas de Xunqueira e solicitar ao Concello de Viveiro que faga público o proxecto definitivo.
A marcha partirá ás 12:30 horas diante do Concello, percorrerá as rúas peonís do centro e rematará novamente na casa consistorial, onde se lerá un manifesto. A plataforma chama a mobilizarse cunha mensaxe clara: cada bomba destrúe vidas e cada silencio convértenos en cómplices. Defenden que é o momento de saír á rúa para esixir o fin da violencia, o respecto aos dereitos humanos e a liberdade do pobo palestino, lembrando que a presenza das persoas manifestantes é a voz de quen hoxe non pode falar. A convocatoria péchase cun triplo chamamento: non á guerra, non ao silencio e non á indiferenza.
Estiveron acompañados polas dúas técnicas de Xuventude, para gozar dunha mañá nas distintas actividades que ofrece este parque de trampolíns. Pola tarde, o grupo parou a xantar no Lago das Pontes, onde puido coñecer a historia da súa creación e desfrutar dun baño. A viaxe estivo organizada polas Concellerías de Xuventude e Deporte e pola Oficina de Información Xuvenil dentro do programa “Verán a Tope en Xove 2026”.
Evaristo Calvo, Rebeca Montero e Vítor Mosqueira interpretaron o pasaxe que recrea os últimos momentos do Mariscal Pardo de Cela e da súa muller, Isabel de Castro, antes da traizón da Frouseira. A acción cultural, coordinada por Carme Varela e promovida pola Vicepresidencia da Deputación de Lugo, rende homenaxe ao gran dramaturgo do Valadouro no seu primeiro cabodano. 
