Denuncian que a instrución de horarios, que se atopa xudicializada, non é eficaz para controlar axeitadamente as frotas con maior risco de incumprimento
Santiago de Compostela, 22 de novembro de 2024. Os sindicatos CCOO, CSIF, UGT, CIG e ELA convocan mañá sábado, 23 de novembro, unha protesta para esixir mellores condicións na inspección pesqueira e a modificación ou retirada da instrución que regula os horarios desta actividade. A mobilización terá lugar das 10:30 ás 13:00 fronte á Confraría de Pescadores de Celeiro (Viveiro), cadrando coas XXVIII Xornadas Técnicas de Difusión do Sector Pesqueiro.
As organizacións sindicais denuncian que as inspectoras e inspectores de pesca levan máis dun ano traballando segundo o disposto na nova instrución de horarios, imposta unilateralmente polo Ministerio de Agricultura, Pesca e Alimentación e o Ministerio de Política Territorial. «Quedou demostrado que é claramente inoperativa para alcanzar os obxectivos de inspeccións marcados» tanto por institucións estatais como internacionais. A dita instrución atópase xudicializada nestes momentos.
«Ademais de ineficaz e ineficiente, supón un desperdicio de diñeiro público», reprochan os sindicatos, xa que moitas inspeccións se programan en horarios en que non hai actividade pesqueira e, pola contra, non están presentes nos momentos con maior necesidade de control.
Isto tamén produce o «desaxuste» na presión realizada pola inspección, provocando «sobreinspección» das frotas que máis cumpren a normativa, mentres que as que presentan maiores riscos de incumprimento vense sometidas a menor control.
Desde o colectivo de inspectores e inspectoras de pesca tamén protestarán para o recoñecemento do seu labor profesional, así como para pedir melloras laborais e retributivas acordes ao seu traballo. Os sindicatos non descartan convocar unha folga para instar o Goberno de España a considerar as súas peticións.
Durante case dúas horas desenvolveuse unha conversa aberta arredor do mundo do espírito e do contido da obra, nun encontro ao que asistiu un grupo numeroso de persoas dispostas non só a escoitar, senón tamén a dialogar e compartir reflexións. Tras a intervención inicial de Pepe Peinó como responsable do proxecto, tomou a palabra o escritor Lionel Rexes, quen achegou novas perspectivas antes de abrir o debate ao público. As opinións, argumentos e matices sobre relixión, espiritualidade, Deus e os valores que sustentan a convivencia foron enchendo o espazo nun ambiente participativo e respectuoso, no que as diferenzas quedaron en segundo plano fronte á forza do diálogo, a solidariedade e o afecto.
Foron os propios implicados quen contactaron co 112 Galicia pasada a medianoite deste domingo. O vehículo no que viaxaban saíuse da vía na LU-132, en Cabarcos, Barreiros. A posición na que quedou o coche, inclinado sobre un terraplén, complicou o acceso dos profesionais de Urxencias Sanitarias de Galicia-061, por iso, os xestores do Centro Integrado de Artención ás Emerxencias de Galicia avisaron aos Bombeiros de Barreiros. Finalmente, só tiveron que rescatar a un dos dous ocupantes, o copiloto, e, para iso, tiveron que cortar os asentos. Do mesmo xeito, o equipo médico só trasladou a unha persoa.
A iniciativa xurdiu co obxectivo de xuntar o alumnado que coincidira na EGB, pero axiña se ampliou a todas aquelas persoas que compartiron pupitres e amizades tamén no instituto.
O público, totalmente entregado de principio a fin, amosouno cos intensos e prolongados aplausos que acompañaron toda a actuación. Ao remate, os asistentes expresaron o seu desexo de poder gozar no futuro de novos concertos do artista, que sen dúbida volverán entusiasmar ao público.
Villares subliñou o éxito de convocatoria do evento, que reúne cada ano a numerosos participantes e afeccionados en Ribadeo, “aproveitando o atractivo da ría e do seu porto deportivo para atraer visitantes e complementar co deporte a súa ampla oferta de natureza, patrimonio e gastronomía”. A presente edición estivo dedicada á figura de Leopoldo Calvo-Sotelo, con motivo do centenario do nacemento do que fora presidente do Goberno e alcalde honorario do municipio. Ademais das regatas de vela en distintas categorías, celebráronse bautizos de buceo, charlas ou un concurso de pesca, entre outras actividades.
Na xuntanza preténdese analizar a execución das obras, o comportamento da empresa responsable, a problemática dos accesos durante as Festas de Xunqueira e solicitar ao Concello de Viveiro que faga público o proxecto definitivo.
A marcha partirá ás 12:30 horas diante do Concello, percorrerá as rúas peonís do centro e rematará novamente na casa consistorial, onde se lerá un manifesto. A plataforma chama a mobilizarse cunha mensaxe clara: cada bomba destrúe vidas e cada silencio convértenos en cómplices. Defenden que é o momento de saír á rúa para esixir o fin da violencia, o respecto aos dereitos humanos e a liberdade do pobo palestino, lembrando que a presenza das persoas manifestantes é a voz de quen hoxe non pode falar. A convocatoria péchase cun triplo chamamento: non á guerra, non ao silencio e non á indiferenza.
