Mañá, martes 5 de novembro, ás 00:00 da noite, pechará o prazo ordinario de matrícula para o curso 2024/2025
Viveiro, 4 de novembro de 2024. O Concello de Viveiro e a Universidade Nacional de Educación a Distancia presentaron hoxe os cursos dispoñibles na Aula Universitaria UNED Viveiro para o curso 2024/2025.
O acto celebrouse con motivo do peche mañá, martes 5 de novembro, do prazo ordinario de matrícula na UNED para este curso. O programa UNED Sénior, dirixido a persoas maiores, xa se atopa en funcionamento.
Interviron na presentación o concelleiro de Educación no municipio, Jesús Fernández Fernández, e a responsable da UNED en Viveiro, Milagrosa Ferreira.
O edil destacou na súa intervención que a aula “leva funcionando máis de 20 anos, sendo a primeira aula destas características na provincia de Lugo contando cun destacado percorrido e unha grande proxección a nivel provincial”.
Fernández Fernández sinalou que a existencia da aula “supón unha gran oportunidade para a xente que quere ou precisa ir a clase no seu municipio ou para quen non tivo oportunidade de ir á universidade na súa xuventude”.
“A aula da UNED de Viveiro conta cun gran abanico de posibilidades para calquera persoa interesada en recibir unha formación universitaria”, engade o concelleiro.
Pola súa banda, Milagrosa Ferreira quixo “visibilizar a existencia da aula” tanto para a poboación de Viveiro como dos seus arredores, xa que “a UNED chega a calquera esquina”. A responsable da aula puxo en valor os diferentes estudos ofrecidos.
Ferreira destacou tamén o curso de acceso á universidade para maiores de 25 anos, equivalente ao título de bacherelato, ou o acceso para maiores de 45 anos, este só para estudar na UNED. Tamén o programa UNED Sénior, “unha plataforma idónea para persoas maiores de 55 anos con ganas de aprender”.
Foi impartida polo sumiller Alberto Vega. A Masterclass buscou aportar coñecemento, fomentar a posta en valor do produto e seguir reforzando a formación e profesionalización do sector dentro da programación de Ribadeo Sabe. Ata a Praza de Abastos se achegaron o alcalde de Ribadeo, Dani Vega, a concelleira de Comercio, Marta Saiz, a presidenta e o xerente de Acisa, Carmen Cruzado e Jesús Pérez. O Ribadeo Sabe terá lugar do 14 ao 17 de maio en 22 locais hostaleiros, que ultiman os preparativos para sorprender con elaboradas e saborosas propostas.
Esta nova publicación, que fai o número 19 da colección periódica do SEVA, recolle unha parte esencial do patrimonio musical e oral do Valadouro. Os compiladores da obra son Manuel Lourenzo —xa falecido—, Isaac Ferreira e Xesús Pisón, quen contribuíron a preservar e poñer en valor este legado cultural.
Nesta edición, a programación céntrase na Idade Moderna en Galicia, combinando sesións teóricas no Real Seminario Conciliar de Santa Catalina con visitas guiadas por Mondoñedo e a súa comarca. O Concello destaca a excelente acollida desta iniciativa e anima a seguir promovendo actividades culturais deste nivel, posibles grazas ao compromiso da USC e ao apoio da Xunta de Galicia.
10:00 h: Apertura do mercado e Andaina histórica por Vilaronte con Moncho Ermida (dificultade baixa). 11:00–14:00 h: Experiencia a cabalo para nen@s (de balde). 12:00 h: Actuación da Charanga Os Sureños. 14:00 h: Sesión vermú con Super Glu. 16:30 h: Contacontos “Contamos contos de lobos” – Ghazafelhos. 18:00 h: Concerto de Tapa D’Orella. Durante a mañá haberá demostración de coiro. Pulpería Suso servirá churrasco, polbo e xamón. Organiza: O Atrio Colaboran: Concello de Foz, Xunta de Galicia, Área de Cultura da Deputación, Centro AD e Fiore Tondo.
Será o sábado 9 de maio ás 20 horas na Casa da Cultura. Homenaxeado: Xesús do Breogán, pola súa contribución á cultura e ao concello. Organiza: Son’s Varadero Foz. Colabora: Concello de Foz
Categoría Infantil: 1º premio, Celia Blanco. 2º, Mara Blanco. 3º, Nuno Villares. Categoría Primaria: 1º premio, Laia Rodríguez. 2º, Paula Martínez. 3º, Jesús López e Samuel Riera (empate). Categoría Adultos: 1º premio, Unha receita para a felicidade, de Sonia Corral. 2º, O merodeador da néboa, de Manuel Fernández. 3º, Ou lobo ou o can, de Xolo. O Concello felicita a todas as persoas premiadas e agradece a participación de todas e todos os que fixeron deste certame unha auténtica celebración da lectura e da creación literaria.
A artista Catuxa Salom presentará o seu espectáculo o sábado 30 de maio, ás 22:30 horas. O concerto forma parte da programación cultural apoiada pola Xunta de Galicia, Xacobeo 2027, Artye e Urdime. As entradas están dispoñibles de maneira anticipada por 12 euros, mentres que na billeteira do recinto terán un prezo de 15 euros. A venda anticipada realízase a través da plataforma Woutick.
