O delegado territorial de Lugo, Javier Arias, sinala que en ningún caso se dubida do arraigo e importancia do evento, senón que o expediente arquívase por desistencia do promotor ao non achegar documentos xustificativos suficientes
Lugo, 4 de decembro de 2024.- A Xunta de Galicia explica que o Concello de Vilalba non achegou a documentación necesaria para poder declarar Festa de Interese Turístico de Galicia a Feira do Capón, o que obrigou a resolver o arquivo do expediente por desistencia da Administración local como promotora da iniciativa.
O delegado territorial de Lugo, Javier Arias, subliña que o Goberno galego “non denega a solicitude, e moito menos cuestiona os méritos da feira, senón que arquiva o expediente porque o Concello presentou unha solicitude incompleta e non a emendou tal e como se lle requiriu durante o procedemento. Isto non significa que non poida acadar ese recoñecemento nin que non o mereza. De feito, o Concello de Vilalba ten a posibilidade de presentar unha nova solicitude que será avaliada”, insistiu Arias.
O delegado explicou que a solicitude inicial do Concello -presentada o 8 de agosto deste ano- non acreditaba cuestións como a antigüidade e a singularidade da festa ou o arraigo e a implicación da poboación local. O 5 de setembro envióuselles un requirimento para que achegaran a documentación necesaria, pero a resposta municipal tampouco xustificou de forma suficiente eses aspectos.
Dado que desde o 23 de setembro non remitiron novos documentos, e ante a imposibilidade de continuar coa tramitación do expediente, Turismo de Galicia resolveu ter por desistido ao Concello da súa petición e proceder ao arquivo da solicitude, sen prexuízo de que poidan presentar unha nova unha vez que poidan acreditar o cumprimento de todos os requisitos e criterios de valoración establecidos na normativa reguladora.
Neste sentido, Javier Arias amosa a disposición do Goberno galego “a asesoralos en canto sexa preciso no caso de que inicien un novo proceso, de forma que poida aprobarse a declaración porque sería un orgullo para Lugo sumar outra cita de interese turístico galego”.
A programación do último trimestre inclúe Maiores con Arte, Moito máis que café, Entre risas e animación domiciliaria. Tras os obradoiros iniciados en maio, o Concello mantén o contacto cos participantes e leva as propostas ás asociacións para facilitar novas incorporacións. Na presentación explicaranse as formas de participación e os servizos dispoñibles. O programa conta co apoio da Consellería de Dereitos Sociais e Benestar do Principado de Asturias.
O paseo comezará ás 20:00 h na rúa San Francisco, ao pé da igrexa, para continuar pola Praza de Abaixo e a rúa Antonio Otero, até chegar á Praza do Patín, xunto á Biblioteca Municipal El Viejo Pancho. Alí, ás 20:30 h, dará comezo a presentación da obra. A organización lembra con afecto as anteriores visitas de Souto a Ribadeo e confía en que, unha vez máis, se vivirá unha tarde especial guiada polo enxeño creativo do coruñés de Monte Alto, galego universal que levou as nosas letras polo Mar de Irlanda e polas corredoiras máis recónditas do país. A actividade está organizada pola A.C. Francisco Lanza.
O espectáculo participativo A verbena de antes -con O Xeito e Airiños da Freba-, ao mediodía, e unha mostra etnográfica e as actuacións de Amado Lar e A Volta do Agro, pola tarde, protagonizaron o último día das Xornadas, pensadas como un punto de encontro da cultural tradicional galega,e especialmente da comarca da Mariña.
A actividade permitiu aos nenos e nenas gozar dun espectáculo de maxia pensado para transmitir, dun xeito ameno e divertido, valores relacionados coa igualdade, o respecto, a convivencia e a eliminación de estereotipos. Con iniciativas como “Abrazando a igualdade”, o Concello de Xove continúa apostando por achegar aos máis pequenos actividades educativas diferentes, propostas culturais e de lecer nas que a cultura, a diversión e a transmisión de valores van da man.
Félix Jorquera conversou co alcalde, Fran Cajoto; coa concelleira de Cultura e Facenda, Inés López; con Pura García, que é directiva de Acia Foz-CCA; con Carmen Alonso, presidenta do Celtas de Foz; e coa dona da cafetería Marexada, Palmira Andrade. Con eles fixo balance do verán, que todos valoraron de xeito positivo, e analizou os proxectos para os vindeiros meses.
