O Valadouro, 6 de decembro, 2024. O Grupo Humorístico Trípode é un grupo de teatro que fai comedia desde hai 12 anos. Naceu no ano 2012 coa unión de tres actores: Cachín, Alberto Níñez e Pepe Peinó. Con sé en Alfoz e postas en escena sinxelas, os tres actores recorreron multitude de concellos e lugares da provincia de Lugo, con obras como “Xuízo anticorrupción”, “Cousas de vellos” ou “Apedreando”, nos que se decantaban por un teatro interactivo, no que facían participar ao público. Posteriormente, ampliaron o número de actores, uníndoselles varios outros actores de teatro afeccionado de toda a Mariña Lucense (Burela, Foz, Barreiros, Valadouro, Lourenzá…) e representaron varias comedias de corte clásico, como “A panxoliña máis fermosa” ou “O muro”. Agora están representando polos escenarios a comedia “A presa”, baseada nun feito real ocorrido non hai moito no Val que engloba os concellos de Alfoz e O Valadouro.
Como cada ano, reuníronse para celebrar a tradicional cea de Nadal, que nesta ocasión foi no restaurante Asturias de Ferreira do Valadouro. Logo, xa de noite, sacaron esta bonita foto na praza de Ferreira, a carón da fermosa árbore de Nadal que ilumina a vila.
Foron os propios implicados quen contactaron co 112 Galicia pasada a medianoite deste domingo. O vehículo no que viaxaban saíuse da vía na LU-132, en Cabarcos, Barreiros. A posición na que quedou o coche, inclinado sobre un terraplén, complicou o acceso dos profesionais de Urxencias Sanitarias de Galicia-061, por iso, os xestores do Centro Integrado de Artención ás Emerxencias de Galicia avisaron aos Bombeiros de Barreiros. Finalmente, só tiveron que rescatar a un dos dous ocupantes, o copiloto, e, para iso, tiveron que cortar os asentos. Do mesmo xeito, o equipo médico só trasladou a unha persoa.
A iniciativa xurdiu co obxectivo de xuntar o alumnado que coincidira na EGB, pero axiña se ampliou a todas aquelas persoas que compartiron pupitres e amizades tamén no instituto.
O público, totalmente entregado de principio a fin, amosouno cos intensos e prolongados aplausos que acompañaron toda a actuación. Ao remate, os asistentes expresaron o seu desexo de poder gozar no futuro de novos concertos do artista, que sen dúbida volverán entusiasmar ao público.
Villares subliñou o éxito de convocatoria do evento, que reúne cada ano a numerosos participantes e afeccionados en Ribadeo, “aproveitando o atractivo da ría e do seu porto deportivo para atraer visitantes e complementar co deporte a súa ampla oferta de natureza, patrimonio e gastronomía”. A presente edición estivo dedicada á figura de Leopoldo Calvo-Sotelo, con motivo do centenario do nacemento do que fora presidente do Goberno e alcalde honorario do municipio. Ademais das regatas de vela en distintas categorías, celebráronse bautizos de buceo, charlas ou un concurso de pesca, entre outras actividades.
Na xuntanza preténdese analizar a execución das obras, o comportamento da empresa responsable, a problemática dos accesos durante as Festas de Xunqueira e solicitar ao Concello de Viveiro que faga público o proxecto definitivo.
A marcha partirá ás 12:30 horas diante do Concello, percorrerá as rúas peonís do centro e rematará novamente na casa consistorial, onde se lerá un manifesto. A plataforma chama a mobilizarse cunha mensaxe clara: cada bomba destrúe vidas e cada silencio convértenos en cómplices. Defenden que é o momento de saír á rúa para esixir o fin da violencia, o respecto aos dereitos humanos e a liberdade do pobo palestino, lembrando que a presenza das persoas manifestantes é a voz de quen hoxe non pode falar. A convocatoria péchase cun triplo chamamento: non á guerra, non ao silencio e non á indiferenza.
