O portavoz municipal nacionalista defende un plan de vivenda accesible o mantemento adecuado das infraestruturas municipais, a mellora dos servizos básicos no rural, unha xestión responsable dos recursos públicos e a continuidade do servizo supramunicipal GES
Cervo, 20 de decembro de 2024. O portavoz do Bloque Nacionalista Galego (BNG) no Concello de Cervo, Diego Fernández, expresou o seu voto en contra dos orzamentos propostos polo equipo de goberno, destacando que carecen dun enfoque adecuado para abordar as necesidades máis urxentes da veciñanza. Na súa intervención no pleno municipal, Fernández destacou que, como representantes da cidadanía, a responsabilidade do goberno local debe ser velar polo benestar de todos os veciños, priorizando medidas que incidan directamente na calidade de vida dos cidadáns.
“Hoxe estou ante este pleno para expresar o meu voto en contra dos orzamentos propostos polo equipo de goberno, e fágoo coa convicción de que a nosa obriga é velar polo benestar de todos os veciños e non aceptar plans que non atendan o necesidades urxentes da nosa sociedade”, afirmou Fernández.
Na súa análise dos orzamentos, o voceiro do BNG destacou varios puntos críticos que, ao seu xuízo, demostran unha falta de visión e compromiso cos problemas reais que atravesa o municipio. En primeiro lugar, Fernández denunciou a ausencia dun plan municipal de vivenda, un problema que afecta a moitas familias, sobre todo a mozos, que se ven obrigados a abandonar o municipio en busca de vivenda asequible. A pesar da gravidade desta situación, os orzamentos non contemplan medidas específicas nin partidas orzamentarias para afrontala.
“A vivenda é un dereito fundamental e un Concello ten a responsabilidade de garantir o acceso a unha vivenda asequible. Non podemos permitir que os nosos mozos e familias teñan que abandonar o municipio porque non teñen onde vivir”, subliñou Fernández.
Outro dos puntos que criticou o portavoz do BNG foi a falta de investimento no mantemento adecuado das infraestruturas municipais. Fernández destacou o estado de deterioro das rúas, parques, instalacións deportivas e edificios públicos, cuxa reparación e actualización non se reflicte suficientemente nos orzamentos. “O mantemento das nosas infraestruturas non debe ser unha opción, senón unha prioridade”, insistiu Fernández, sinalando que o abandono destas infraestruturas afecta directamente á calidade de vida dos cidadáns.
O portavoz do BNG tamén se referiu á desigualdade nos servizos básicos entre o centro urbano e as parroquias rurais do municipio. Na súa intervención, destacou a falta de sistemas de saneamento axeitados e de cobertura digna de telecomunicacións no rural, o que provoca o illamento dos veciños do rural do progreso. “É necesario investir na mellora dos sistemas de saneamento e na ampliación das telecomunicacións para que todos os habitantes, independentemente do seu lugar de residencia, poidan acceder aos mesmos dereitos e servizos básicos”, afirmou.
Fernández tamén fixo mención á situación do Grupo de Emerxencias Supramunicipal (GES), que, aínda que está reflectido no orzamento, en realidade non contará co apoio necesario en 2025, o que podería poñer en perigo a seguridade dos cidadáns. O GES xoga un papel fundamental na protección e seguridade, especialmente en situacións de emerxencia, e o seu desmantelamento suporía un importante retroceso na xestión pública do municipio.
Por último, a portavoz do BNG criticou os elevados gastos destinados a festas e eventos que, aínda que son importantes para a dinamización cultural, non deben seguir sendo prioritarios ante as carencias estruturais do municipio. “É importante que entendamos que hai que xestionar con responsabilidade os recursos públicos. O gasto excesivo en festas, mentres se descoidan as necesidades básicas dos nosos cidadáns, é un exemplo de mala priorización das políticas públicas”, afirmou.
Por todo o exposto, Diego Fernández concluíu a súa intervención reafirmando o voto en contra do BNG aos orzamentos, non como unha postura meramente crítica, senón como unha firme defensa dos intereses da cidadanía: “Necesitamos un orzamento que invista no que é verdadeiramente urxente: un plan de vivenda accesible a todos, un mantemento adecuado das nosas infraestruturas, mellora dos servizos básicos no rural e xestión responsable dos recursos públicos. Este orzamento non responde a estas necesidades, polo que os votos do BNG de Cervo non serán a favor. “, concluíu.
Coa súa postura, o BNG deixa patente a súa aposta pola xestión pública responsable, dirixida ao benestar de toda a veciñanza de Cervo.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
Pasada a medianoite, un vehículo saíuse da vía na N-634. Como consecuencia do impacto, tres persoas resultaron feridas. Da asistencia sanitaria ocupáronse os profesionais de Urxencias Sanitarias de Galicia-061 e os axentes da Garda Civil de Tráfico da seguridade na vía. Os Bombeiros de Barreiros tamén acudiron, sen embargo, ningún dos feridos estaba atrapado.
