Rosa Rego, portavoz municipal do BNG: “A xestión caótica do PSOE que afunde o Concello xunto o abandono do rural e da Montaña do PP gobernando a Xunta forman unha combinación perfecta para afundir o progreso da Fonsagrada” e incidiu “os uns polos outros, e a casa sen varrer”
A Fonsagrada, 11 de decembro de 2024. O BNG lamenta que o goberno municipal do PSOE e o grupo municipal do Partido Popular se tomen os problemas da veciñanza sen rigor e seriedade, só achegando descréditos e promovendo un clima de desprestixio á política municipal, a máis próxima ao veciño. Ámbolos partidos teñen grandes eivas que fan que A Fonsagrada se atope nunha situación que non merece.
No derradeiro pleno, saíron á luz graves deficiencias na xestión do equipo de goberno municipal, encabezado polo PSOE, confirmadas por informes demoledores da Secretaría-Intervención, os que inciden no “incumprimento constante da información económica-financeira” e cualificándoa de “caótica”.
Rosa Rego, portavoz e concelleira do BNG debullou os datos destes informes “o prazo medio de pago a provedores duplicouse, chegando na actualidade a 97,53 días; facturas pendentes de pago por un importe de 869.329,77 €, o que supón a acumulación, en algúns casos, de débedas a empresas superiores aos 50.000 €. De igual xeito, contratos caducados e ausencia de control e advertencias de riscos de futuro, o que dita o informe de “importantes quebrantos económicos”.
Por outra banda, da Xunta de Galicia, gobernada polo PP, sinala a concelleira do BNG “mantén unha política de abandono e recortes que perpetúa a discriminación contra o rural: falta de médicos e ter que desprazarnos até Becerreá para contar cuns servizos sanitarios esenciais, recortes nos servizos do colexio, a falta de financiamento nos coidados dos nosos maiores, como o servizo SAF ou a ausencia dunha residencia pública, os recortes nas axudas ás gandeiras e gandeiros, ou a ausencia total de apoio á Foliada da Fonsagrada entre máis”.
Rosa Rego catalogou de “paradoxal” que “mentres o goberno municipal presume de débeda cero, sexan os provedores locais soporten o custo dunha xestión irresponsable”. A nacionalista destacou que “esta situación urxe unha reflexión profunda e unha reorientación inmediata das políticas municipais para garantir unha xestión transparente, eficiente e comprometida co benestar e o desenvolvemento da Fonsagrada. E de igual modo, queremos salientar a intolerancia do PP en sacar as cores aos demais sen mirar antes o que está a facer desde o goberno galego”.
Ao respecto sentenciou “a xestión caótica do PSOE que afunde o Concello xunto o abandono do rural e da Montaña do PP gobernando a Xunta forman unha combinación perfecta para afundir o progreso da Fonsagrada” e incidiu “os uns polos outros, e a casa sen varrer”. Unha chamada á responsabilidade.
Rosa Rego reiterou “desde o BNG seguimos denunciando, é o noso labor como oposición destacar o que non está ben, mais seguimos traballando con propostas, para que a veciñanza conte cunha xestión transparente, limpa e xusta”. Rego fixo un chamado á responsabilidade e humildade, tanto no goberno local como na Xunta, para garantir os servizos públicos esenciais e facer viable a vida na Fonsagrada. “Os servizos públicos son dereitos, e a nosa veciñanza merece unha xestión que estea á altura das súa necesidades”, concluíu.
Estará dedicada á figura de Leopoldo Calvo-Sotelo, xa que neste 2026 cúmprese o centenario do nacemento de quen fora presidente do Goberno. No acto interviñeron o presidente do RCNR, Pablo Fernández, o director territorial de Deportes da Xunta, Manuel Otero, un dos fillos do tamén alcalde honorario de Ribadeo Víctor Calvo-Sotelo, e o rexedor ribadense, Dani Vega. Todos exaltaron a práctica deportiva na ría, a labor desenvolvida polo Real Club Náutico e a vinculación de Leopoldo Calvo-Sotelo co estuario. Entre o público asistente estaban máis membros da familia Calvo-Sotelo, directivos e ex directivos do RCNR, edís de Ribadeo e representantes de Acisa.
A iniciativa busca poñer en valor a diversidade cultural do municipio a través da gastronomía, convidando ás persoas de diferentes países a elaborar pratos típicos que se ofrecerán de forma gratuíta ao público. O Concello asumirá o custo dos ingredientes e asignará a cada participante un posto identificado co seu país de orixe. As inscricións poden realizarse ata o 29 de xullo enviando un correo a feiras@vilalba.es. Rouco chamou á participación para seguir construíndo unha Vilalba aberta e integradora, nunha feira que quere consolidarse como espazo de convivencia e dinamización da feira tradicional.
Ata o 4 de agosto poderán realizarse as renovacións, mantendo as tarifas aprobadas en asemblea: 200 € e 250 € para adultos, e acceso gratuíto para menores grazas ao convenio coa Fundación Imdecum, con opción voluntaria de abono infantil por 40 € con reserva de asento. A partir do 5 de agosto activaranse as novas altas. Os abonos poderán tramitarse a través de CLUBER ou presencialmente na oficina do club, con horario de mañá e tarde en xullo e só de mañá en agosto.
A Presidenta Carmela López destacou o valor deste produto emblemático da Mariña e o traballo do sector pesqueiro. Rocío Rivera e Herminia Pernas puxeron en valor a tradición mariñeira de Burela e o papel dos mariñeiros da Moncloa. O público degustou 450 tapas elaboradas con bonito nunha xornada que serviu de escaparate desta cita gastronómica e de convite a visitar Burela a próxima fin de semana.
As crianzas desfrutaron dunha refrescante xornada con inchables e xogos acuáticos na contorna do complexo deportivo da Veiga.
Trátase dunha mostra de 28 fotografías de gran formato do naturalista Ezequiel Martínez que reivindica a diversidade e a conservación da fauna salvaxe. A iniciativa, organizada polo Concello da Pastoriza en colaboración con ABANCA e Afundación dentro do proxecto Corrente cultural, poderá visitarse de balde ata o 26 de agosto. As imaxes, acompañadas de textos divulgativos elaborados por especialistas de Naturnova, amosan especies emblemáticas como o oso pardo, a cegoña, o cervo ou a aguia imperial, convidando a reflexionar sobre a importancia de protexer o patrimonio natural.
