Os deputados populares abstivéronse na votación do Plan Deputación porque “a proposta de PSOE e BNG empeora a asistencia aos municipios” xa que mentres os orzamentos provinciais aumentan nun 13% e os concellos teñen que facer fronte a unha inflación do 8% con este plan que tan so aumenta nun 1%
Lugo, 27 de decembro de 2024. Os deputados do Grupo Provincial Popular abstivéronse hoxe na votación sobre as bases do Plan Deputación para 2025 propostas por PSOE e BNG por considerar “que manteñen a desigualdade de trato aos lucenses en función do municipio no que vivan e, por conseguinte, empeora a asistencia aos concellos”.
O voceiro provincial popular, Antonio Ameijide, explica que “non se entende o triunfalismo” de PSOE e BNG acerca do Plan Deputación porque “a realidade é que deron cumprimento a unha das súas obrigas legais de colaboración cos municipios” polo que “non nos queda máis remedio que darlles a noraboa por cumprir coa lei”.
O popular recorda que esta plan, “tal e como o coñecemos, mellorouse grazas a un acordo entre os dous grandes partidos desta corporación (PP, con Elena Candia, PSOE, con Darío Campos)” mentres que o actual equipo de goberno, nos dous últimos mandatos so fixo dúas cousas: “cambarlle o nome e empeorar a asistencia aos concellos”.
Antonio Ameijide explica que as bases deste plan que veñen de aprobar PSOE e BNG “empeoran a asistencia aos municipios porque cada vez se adapta menos ás súas necesidades”, recordando como os alcaldes levan anos pedindo poder empregar os fondos do plan para gastos correntes, por exemplo, “pero PSOE e BNG néganse”.
ENGANO NA SUBA DO PLAN
Os deputados populares explican que a suba da que falan PSOE e BNG “é ficticia” porque a realidade é que o plan aumenta 250.000€ con respecto ao deste ano, e sube so para uns poucos, para 32 municipios baixa e para a maioría conxélase.
Ante esta situación, Antonio Ameijide afirma que “tanto PSOE como BNG cada vez restan máis peso e importancia a este plan porque na realidade están a restar competitividade aos municipios”.
“Vemos como aínda que conxelen a partida que destinan a cada concello, a realidade é que baixan os fondos destinados porque teñen que facer fronte a inflación cos mesmos recursos e porque o orzamento da Deputación sube un 13% pero este plan só un 1%”, lamentou.
Neste senso, os deputados populares insisten en que “tanto José Tomé, como PSOE e BNG teñen que escoitar aos alcaldes da provincia e permitir que con cargo ao Plan Deputación se poidan financiar gastos correntes dos municipios”.
Antonio Ameijide denuncia que tanto socialistas como nacionalistas “non permiten” sufragar estes gastos con cargo ao Plan Deputación porque “xa financian eses gastos nos concellos que gobernan os alcaldes amigos cos convenios, máis coñecidos como pedreas, das xuntas de goberno de cada venres”.
Antonio Ameijide amósase contundente e afirma que “se fora por PSOE e BNG eliminarían o Plan Deputación para así colaborar de forma directa e unicamente cos concellos que eles queren”.
PROPOSTA DO PARTIDO POPULAR
Os deputados do Grupo Provincial Popular recordan que “levamos anos” pedindo un aumento da contía que se destina a este plan porque “na actualidade é a forma máis xusta” que ten a Deputación de Lugo para colaborar cos concellos xa que “esta colaboración se realiza en base a criterios igualitarios para todos os municipios”.
Neste senso, Antonio Ameijide recorda que este ano se instou a incrementar os fondos en 10M€.
Os populares sinalan que se pode realizar este aumento dos fondos, indicando de onde se podían sacar o orzamento:
Da aportación extraordinaria dos impostos do Estado do ano 2022 que recibiu a Deputación este ano e coa que tamén se conta para o vindeiro ano. Cartos que pagamos de forma equitativa todos os veciños da provincia e que queremos que cheguen a todos os concellos da provincia.
Eses 10M€ tamén se poden sacar dos cartos que se destinan de forma subxectiva e a dedo nos convenios que se reparten cada venres nas xuntas de goberno, fondos que entregan de forma sectaria e sen criterios obxectivos aos concellos que gobernan PSOE e BNG para financiar gastos correntes ou calquera outro fin, como a compra autobuses, supermercados ou pagar orquestras
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
Pasada a medianoite, un vehículo saíuse da vía na N-634. Como consecuencia do impacto, tres persoas resultaron feridas. Da asistencia sanitaria ocupáronse os profesionais de Urxencias Sanitarias de Galicia-061 e os axentes da Garda Civil de Tráfico da seguridade na vía. Os Bombeiros de Barreiros tamén acudiron, sen embargo, ningún dos feridos estaba atrapado.
Baixo o título “A guerra en Oriente Medio. Do xenocidio en Palestina á agresión a Irán”, o analista internacional Duarte Correa ofrecerá unha intervención centrada na evolución do conflito, o impacto humanitario e as implicacións xeopolíticas da escalada bélica na rexión.
A proba, organizada polo CP Altrúan, reunirá 137palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García achegouse esta tarde a Ribadeo para presentar a proba, que comezará ás 15.30 coa saída dos prebenxamíns e benxamíns. A continuación e de forma escalonada, desenvolveranse as probas das categorías infantil, alevín e cadete e xuvenil.
