O secretario xeral dos socialistas galegos subliñou que esta infraestrutura é froito do impulso e da responsabilidade dos socialistas, “un proxecto estratéxico que o PP deixou abandonado durante anos nun caixón e que agora comeza a ser unha realidade grazas á determinación do noso partido”
Madrid, 22 de xaneiro de 2025. O secretario xeral do PSdeG, José Ramón Gómez Besteiro, celebrou hoxe o anuncio do Goberno de España sobre a aprobación do trazado do primeiro tramo da autovía A-74 da Mariña, entre O Carme (Foz) e Barreiros, un proxecto que destacou como “un paso imprescindible para o futuro da Mariña e unha mostra máis do compromiso dos socialistas con Galicia”.
Besteiro subliñou que esta infraestrutura, cun investimento previsto de 123,6 millóns de euros, é froito do impulso e da responsabilidade do Goberno socialista, “un proxecto estratéxico que o PP deixou abandonado durante anos nun caixón e que agora é unha realidade grazas á determinación do noso partido”.
“Os socialistas somos quen de converter en realidade as demandas históricas desta comarca, que leva décadas sufrindo o abandono por parte do Partido Popular. Non se pode esquecer que foron gobernos socialistas os que impulsaron as únicas variantes da Vía de Alta Capacidade Costa Norte rematadas ata o momento, como Xove e Ortigueira. Agora, volvemos demostrar que sabemos cumprir coa palabra dada”, afirmou.
O voceiro socialista lembrou que a aprobación do proxecto de trazado deste tramo é o primeiro paso cara á execución dunha infraestrutura vital para garantir a mobilidade e fomentar o desenvolvemento económico da Mariña. “A nosa prioridade sempre foi e seguirá sendo atender as necesidades reais da cidadanía e poñer en marcha proxectos que melloren a súa calidade de vida e potencien o tecido produtivo da nosa terra”, engadiu.
Besteiro criticou duramente a inacción do PP durante os seus mandatos. “É lamentable que o Partido Popular, tanto desde a Xunta como nos gobernos estatais anteriores, non fora quen de avanzar nin un só metro nesta infraestrutura tan necesaria. Abandonaron á Mariña e, con ela, a provincia de Lugo e Galicia enteira”, denunciou.
Ademais, o secretario xeral do PSdeG destacou a importancia de poñer fin á Galicia das desigualdades, á Galicia de dúas velocidades que o PP, tanto con Feijóo como agora con Rueda, perpetuou durante os últimos anos. “Os socialistas traballamos por unha Galicia unida, onde todas as comarcas teñan as mesmas oportunidades e non haxa cidadáns de primeira e de segunda”, insistiu.
Estiveron acompañados polas dúas técnicas de Xuventude, para gozar dunha mañá nas distintas actividades que ofrece este parque de trampolíns. Pola tarde, o grupo parou a xantar no Lago das Pontes, onde puido coñecer a historia da súa creación e desfrutar dun baño. A viaxe estivo organizada polas Concellerías de Xuventude e Deporte e pola Oficina de Información Xuvenil dentro do programa “Verán a Tope en Xove 2026”.
O 112 Galicia tivo constancia do accidente arredor das 13:20 horas deste martes. Segundo varios particulares, dous turismos colidiran no quilómetro 79 da LU-862. Nun vehículo había un ferido, mentres que no outro unha persoa estaba atrapada, aínda que se atopaba en bo estado trala colisión. Desde o CIAE 112 Galicia informouse ao Servizo de Urxencias Sanitarias de Galicia-061, aos Bombeiros de Viveiro, á Garda Civil de Tráfico e á Agrupación de Voluntarios de Protección Civil do Vicedo. Unha vez no punto, a dotación de bombeiros puido liberar á persoa atrapada.
A Orquesta Mondragón con Javier Gurruchaga á cabeza e Fórmula V con Paco Pastor encheron de lembranzas e de ritmo a noite ribadense. Desde o Concello fan un balance moi positivo do concerto "xa que contribuíu á dinamización económica da nosa vila".
O Campo de Fútbol de As Valgas acolleu as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que pechou unha noite inesquecible.
Alí salientou o papel que desenvolve este evento no impulso dos produtos agroalimentarios de proximidade, ao tempo que favorece as canles curtas de comercialización. Destacou tamén a importancia deste mercado, considerado como un dos máis antigos da provincia de Lugo, xa que ofrece unha ampla mostra dos principais oficios de artesáns da Idade Media. Ademais, permite aos asistentes gozar de actividades variadas e degustar produtos agroalimentarios diversos.
A institución provincial colabora con ambas citas, organizadas pola Asociación Cultural Amigos da Liga Santaballesa, cunha achega económica de 4.000€. García Porto recalcou que “estes eventos son un exemplo de como a historia da emigración pode converterse nun atractivo turístico de calidade, capaz de atraer visitantes e de reforzar o orgullo de pertenza da veciñanza”.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
