O Partido Popular impulsara unha campaña online para reclamar ao Executivo “cuestións imprescindibles” que mesturou con “asuntos inaceptables” nun decreto-trampa
Lugo, 27 de xaneiro de 2025.- O Partido Popular da provincia de Lugo habilita na súa sede provincial a recollida de firmas de forma presencial e na rúa que se suma á campaña online (https://www.change.org/p/subida-de-las-pensiones-ya-ayuda-a-valencia-ya-descuentos-en-el-transporte-ya) para demandarlle ao Goberno de Sánchez a suba das pensións, a bonificación do transporte público e as axudas aos afectados pola DINA en Valencia.
Sánchez levou ao Congreso un Decreto que mesturaba “cuestións imprescindibles” -como a subida das pensións, as axudas a Valencia pola DINA ou a prórroga dos descontos do transporte público- con “asuntos inaceptables” como a subida do IVE nos alimentos básicos e a luz, unha maior protección para os okupas, o recorte no financiamento das comunidades autónomas en sanidade, educación ou dependencia e o regalo dun palacete ao PNV.
Os populares condenan que “o Goberno de Sánchez queira enganar a todos os españois cun decreto-trampa para poder culpar á oposición e pretender seguir gobernando, a pesar de non dispoñer da maioría parlamentaria”.
Dende o Partido Popular “non aceptamos chantaxes. O que si ofrecemos son os nosos votos para aprobar a revalorización das pensións, as rebaixas no transporte público e as axudas aos afectados polas riadas en Valencia, se o Goberno presenta os decretos por separado”, puntualizan.
É máis, “se Sánchez ten verdadeiramente a vontade de subir as pensións, axudar a Valencia ou prorrogar os descontos do transporte público, pode someter a votación aqueles puntos nos que a maioría está de acordo”, explican.
Sánchez ten nas súas mans facelo de forma inmediata: tramitando a Proposición de Lei que presentou o Partido Popular no Congreso ou vía decreto nun Consello de Ministros extraordinario. Esta mesma semana tamén se votará unha moción do PP no Senado para que o Goberno o convoque.
TRANSPORTE PÚBLICO EN GALICIA
A Xunta de Galicia mantén a bonificación da tarifa do 50% ata finais deste mes. “Agardamos que o Goberno do Estado traslade certezas aos usuarios e non os utilice nas súas batallas partidistas”.
Independentemente das accións do Goberno de Sánchez, en Galicia a Xunta garante a bonificación do 20% que lle corresponde durante o 2025 e ata a implantación da Área de Transportes de Galicia.
Os populares lembran, ademais, que a Xunta aplica outros descontos no transporte interurbano como a redución do 10% sobre a tarifa en efectivo, descontos do 15% a usuarios recorrentes e ata 50% a familias numerosas ou 60 viaxes gratis ao mes coa Tarxeta Xente Nova ou coa Tarifa +65.
Un total de 32 participantes déronse encontro nesta segunda edición, demostrando o seu nivel e desfrutando dunha mañá de competición e compañeirismo. Os gañadores das diferentes categorías foron: Antón Pernas (Sub 8), David Bustabad (Sub 10), Xulio Pernas (Sub 12), Deivid Pérez (Sub 14), Manuel Castro (Sub 16) e Breixo Alvite (Sub 18). A alcaldesa de Cervo, Dolores García Caramés, entregou os trofeos e medallas aos vencedores. O Concello felicita a todas as persoas participantes polo seu esforzo e por contribuír ao crecemento do xadrez no municipio, reafirmando a súa aposta polo deporte, pola participación e por ofrecer novas oportunidades para gozar e aprender.
A proba , organizada polo Club Ciclista Viveiro, reuniu máis de 130 ciclistas e coroou as campioas galegas de todas as categorías femininas -desde infantil ata master-, e aos campions galegos de infantil e cadete. A Praza da Galeguidade acolleu a saída e meta da competición, que se desenvolveu nun circuíto estático de 18,9 quilómetros pasando polo Porto da Gañidoira, a 699 metros de altura.
Trátase de dous MG ZS Hybrid+ Comfort, equipados coa tecnoloxía híbrida autorrecargable Hybrid+, que permite combinar eficiencia e un menor consumo no uso habitual. Segundo os datos do fabricante para este modelo, presenta unhas emisións de entre 113 e 115 g/km de CO₂ e un consumo de combustible de entre 5 e 5,1 litros aos 100 quilómetros, segundo o ciclo WLTP. A adquisición supuxo un investimento de 51.848,50 euros, IVE incluído, financiado a través do Fondo de Compensación Ambiental correspondente ao ano 2026.
Contou con arredor de 90 expositores provintes de todos os puntos tanto de Galicia coma do resto de España e de varias partes do mundo, que exhibiron as súas pezas de tornería en madeira. Tamén acolleu a XVIII edición da Exposición CONtornos. Entre os participantes, destacou a presencia dun expositor provinte da cidade arxentina de Córdoba, así coma outros de Reino Unido, Francia e Portugal. Ata o domingo achegaronse a esta mostra internacional uns 5.000 visitantes, principalmente provintes de toda Galicia e tamén de Portugal.
O horario será o seguinte: Martes, 20 de outubro: de 9:00 a 13:30 horas e de 15:15 a 18:00 horas. Mércores, 21 de outubro: de 9:00 a 13:30 horas. As persoas interesadas poden solicitar cita previa a través do teléfono 981 92 80 80 ou da páxina web 
A competición celebrarase entre o 24 e o 27 de setembro en Las Vegas, e Julia Cabarcos emprenderá esta mesma tarde a viaxe cara aos Estados Unidos para afrontar a súa participación na categoría Women's Physique.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.