Os populares tamén propoñen a instalación dunha nova placa, a fin de que se recoñezan os seus méritos e contribucións como redactor e poñente da Constitución Española e como presidente da Xunta
Vilalba, 26 de xaneiro de 2025. O Grupo do Partido Popular de Vilalba defenderá no vindeiro pleno que o Concello garanta a permanencia e a protección do busto de Manuel Fraga situado na Alameda Basanta Olano.
Os populares agardan o apoio dos distintos grupos que conforman a corporación municipal á súa proposta toda vez que “o busto de Don Manuel Fraga colocado fai varias décadas fronte á súa casa natal é un recoñecemento do pobo vilalbés”.
Este elemento “simboliza o agradecemento a un político que, máis alá das controversias, desempeñou un papel determinante na historia recente do noso municipio -onde deixou a súa pegada en diversas iniciativas que contribuíron ao avance do municipio, a modernización da vila e a mellora do benestar dos vilalbeses- e, por suposto, na historia de Galicia e de España”, aseguran.
Manuel Fraga Iribarne (1922-2012) é un político vilalbés de recoñecida traxectoria, foi unha figura clave na historia política de España e de Galicia durante o século XX. É considerado un dos pais da Constitución Española de 1978 e foi presidente da Xunta de Galicia durante 15 anos polo que “foi unha figura clave para o desenvolvemento democrático do país e para o progreso da nosa Comunidade Autónoma”, defenden.
Dende o PP de Vilalba engaden que “foi un político reformista, defensor da democracia e, durante catro lexislaturas consecutivas nas que foi presidente da Xunta, Galicia experimentou importantes avances en infraestruturas, educación e modernización económica”.
PLACA DE RECOÑECEMENTO
Os populares tamén propoñen a instalación dunha nova placa, a fin de que se recoñezan os seus méritos e contribucións como redactor e poñente da Constitución Española de 1978 e como o presidente da Xunta de Galicia máis duradeiro do período democrático.
A mostra sobre Mimina, que repasa a súa traxectoria vital e artística e o seu papel esencial na creación de Sargadelos como empresa cultural, amplía o seu período de apertura até o 12 de agosto grazas á cesión das instalacións por parte do Concello de Cervo. A exposición poderá visitarse todos os días de 12:00 a 14:00 e de 17:00 a 20:00, e tamén se poden concertar visitas noutros horarios ou para grupos chamando ao 636020514 (Lucía).
Durante tres días desfrutan dun programa intenso de actividades na natureza: montaxe e desmontaxe do campamento, surf en Esteiro, tiro con arco, xincana e diversos xogos. A iniciativa está promovida polas Concellerías de Xuventude e Deporte xunto coa Oficina de Información Xuvenil.
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
A convocatoria está fixada para as 19.30 horas no salón de sesións da Casa Consistorial. Un dos puntos da orde do día inclúe a proposta para designar as festividades locais de 2027. Tamén se presentarán dous expedientes de recoñecemento extraxudicial de crédito. Ademais, a corporación someterá a aprobación as actas das sesións celebradas os días 8 e 15 de xullo. A orde do día completarase coa parte de control, na que se dará conta das resolucións da Alcaldía e se abrirá a quenda de rogos e preguntas.
Estiveron acompañados polas técnicas de xuventude Mónica López Sanjurjo e Silvia Rodríguez Barreiro, para gozar das diferentes piscinas e tobogáns deste parque acuático. A viaxe estivo organizada polas Concellerías de Xuventude e Deporte e pola Oficina de Información Xuvenil dentro do programa Verán a Tope en Xove 2026.
O prólogo é da profesora de Debuxo Camino Casabella Pumares, artista con raíces no Alfoz do Castrodouro, que participará na presentación xunto ao presidente do colectivo. Cinco dos pintores estarán presentes no acto, xa que Alaxe faleceu hai tres anos. A portada do caderno é obra do ilustrador Xosé Blanco. O evento celebrarase o sábado 8 de agosto ás 20:00 horas no castelo do Castrodouro, en Alfoz do Castrodouro.
