Lugo, 12 de febreiro de 2025. A CIG concentrouse este mércores diante do edificio do INSS de Lugo para denunciar os abusos na persecución das baixas por parte da inspección médica. Nos últimos meses, a Unión Comarcal da CIG ten detectado un incremento das altas de persoas traballadoras que aínda non curaron ou que non tiveron melloría, ao tempo que se demoran as resolucións das incapacidades e non se recoñecen determinadas continxencias profesionais.
Con este afán persecutorio “preténdese acurtar as baixas médicas e reducir os períodos de recuperación dos traballadores e as traballadoras”, denuncia o secretario comarcal, Antonio Niño. Critica esta situación “de absoluta inxustiza” á que se ven sometidas moitas persoas, cando ademais se atopan nunhas condicións de especial vulnerabilidade, e rexeita que a inspección antepoña os criterios “puramente economicistas aos criterios médicos”.
Niño incide na existencia dun mandato político para tramitar altas indiscriminadamente e acurtar os períodos de baixas, “que se está aplicando ao milímetro”. E apunta que a problemática se agrava na provincia de Lugo pola elevada idade medida da poboación asalariada, que supera os 51 anos. “Canto máis maior é a poboación máis incidencias na saúde hai, parece de lóxica”, salienta Niño.
Criminalizar as persoas traballadoras por estaren enfermas
Advirte que os discursos alarmistas sobre o absentismo laboral e anuncios como da Xunta de Galiza gabándose dun plan especial para dar altas masivas, buscan criminalizar as persoas traballadoras por estaren enfermas, sen pór o foco nas precarias condicións de traballo e a falta de medidas preventivas que están na orixe destas baixas; nin actuar ante a propia inoperatividade do sistema á hora de facer probas, realizar o diagnóstico e iniciar os tratamentos, despois de anos de recortes nos servizos públicos.
Xunto a isto, o secretario da CIG de Lugo-A Mariña alerta dun aumento na demora da resolución das incapacidades dándose situacións de persoas “quedan na ambigüidade porque esgotaron todos os prazos sen ter resolución do INSS”, e de atrancos no recoñecementos de determinadas doenzas como enfermidades profesionais ou accidentes de traballo.
“Precisamente quen debería velar pola saúde das persoas traballadoras é quen as deixa na total indefensión”, rexeitou. Aínda que este problema é máis notábel naqueles sectores con maior incidencia das baixas polo esforzo físico que teñen que realizar, como a construción ou as actividades de coidados (axuda no fogar, residencias, etc.), a dilixencia á hora de dar altas afecta ao conxunto da clase traballadora.
Estas prácticas, denuncia, súmanse aos abusos cometidos a diario polas mutuas, ás que agora se lles quere ampliar o ámbito de actuación para que podan xestionar os procesos de Incapacidade Temporal e as patoloxías derivadas de enfermidades músculo-esqueléticas. Algo ao que a CIG se opón frontalmente porque supón avanzar na privatización da sanidade pública e porque constitúe un ataque directo ao dereito á saúde das persoas traballadoras.
O lume iniciouse ás 14.51 horas e para a súa extinción mobilizáronse, polo de agora, 2 técnicos, 7 axentes, 11 brigadas, 12 motobombas, 1 pa, 5 helicópteros e 7 avións.
Os subcampións foron Benja e Álvaro. O torneo reuniu no Real Club Náutico arredor dun centenar de xogadores procedentes de Galicia, Asturias e Castela e León, consolidándose como unha das citas máis destacadas do calendario musístico da costa lucense. Desde LuMus agradecen “el apoyo del Concello de Ribadeo, del Real Club Náutico de Ribadeo, de Mapfre y del resto de colaboradores y patrocinadores que hicieron posible esta cita, que dio comienzo a primera hora de la mañana y se prolongó durante toda la jornada del sábado”.
O festival De Cabo a Cabo, organizado por Fanto Fantini cunha achega provincial de 20.000 €, puxo en valor a diversidade cultural de Burela, onde o 10% da poboación é de orixe caboverdiana. A programación espallouse por varios espazos da vila con música, intervencións artísticas e torneos deportivos, e contou coa presenza de artistas como Baiuca, DJ Danifox, DJ Kandole, Batuko Tabanka, Lilaina ou Saya. A contribución da Deputación permitiu cubrir a infraestrutura técnica e loxística, así como os custos de organización e contratación das actividades.
Esta cita, xa consolidada dentro da programación estable do centro, permitirá ao público gozar dunha mostra do traballo artístico e formativo desenvolvido ao longo do curso polo alumnado da especialidade. A actividade constitúe unha oportunidade para achegar a danza á cidadanía e poñer en valor o esforzo, a dedicación e a evolución das alumnas e alumnos participantes.
O Concello destaca que este novo éxito é froito do compromiso, do esforzo e da dedicación constante do deportista, cualidades que lle permiten seguir acadando resultados destacados a nivel estatal. Desde a entidade municipal transmítense os parabéns a González Villares por este subcampionato de España.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
