Foz, 11 de marzo, 2025. A Festa dos Pepes de Foz, que tamén se celebra noutros concellos como Lugo, Mondoñedo, Vilalba, etc., chega este ano á súa 10ª edición. Celebrarase o vindeiro 22 de marzo.
A idea partiu dun dos “Pepes” do grupo, José Ramón Vila, que, ademais, este ano é un dos organizadores, xunto co seu compañeiro José Manuel Cobos. A norma non escrita do evento di que cada ano haxa dous encargados de programar e preparar a xuntanza e que ditos responsables vaian variando de ano en ano.
Os actos a celebrar o día 22 inclúen unha recepción no concello de Foz ás 13,45 por parte do alcalde do concello, Francisco Cajoto, seguida dunha ruta polos bares do pobo para rematar no restaurante As Brasas, onde degustarán a comida preparada. Ao final do xantar cada un dos asistentes recibirá un chaveiro conmemorativo do 10º Aniversario da Festa dos Pepes e celebrarase un sorteo de agasallos; aqueles que teñan sorte e lles toque recibirán obxectos doados polos establecementos de comercio local. É a primeira vez que a reunión ten o seu centro nun xantar, pois en todas as edicións anteriores foi cunha cea.
Nesta festa, o asistente máis novo ten 24 anos e o maior supera os 80. Nesta reunión de confraternidade participan homes e mulleres, a diferenza doutras xuntanzas semellantes, reservadas só para os varóns; a única condición para poder participar é que o nome da persoa conteña como nome “Xosé” ou calquera dos seus derivados, como por exemplo, Xosefina. Cada ano asisten Pepes e Pepas de Foz e tamén dalgúns outros concellos. Nos dez anos transcorridos xa faleceron catro participantes da cita, polo recordo dos cales gardarase un minuto de silencio.
Cada ano, a Festa dos Pepes reúne a unha chea de veciños, dispostos a pasar un bo rato xuntos e a crear fermosos lazos de veciñanza e amizade. Aínda que o nome “Pepe” vai a menos, substituído por outros máis “á moda“, o certo é que é unha tradición de sempre entre a xente de Foz e da Mariña e “agardamos que durante moitos anos se poidan seguir xuntando os que o levan“. Non se descarta a posibilidade de que, rematado o xantar, se entoen unhas cantas cancións que deixen afónicas as gorxas dos asistentes.
Varios grupos participan en obradoiros de cestería na Devesa e de manualidades en Rinlo, Cinxe e As Anzas. A Área de Benestar Social, Saúde e Familia quere “potenciar deste xeito a convivencia e encher de propostas os locais sociais do noso concello e de entretemento ás persoas que viven nas parroquias de Ribadeo”.
A programación inclúe propostas variadas como cociña, manualidades, cestería, risoterapia, baile e poda, pensadas para ofrecer alternativas de lecer e fomentar un envellecemento activo entre a veciñanza. Desde o Concello destacan que as actividades “están a ter unha resposta moi positiva por parte dos veciños e veciñas”, o que demostra o interese por este tupo de propostas. Neste sentido, poñen en valor a importancia de promover este tipo de iniciativas, xa que “contribúen a promover un envellecemento activo e melloran a calidade de vida das persoas, xa que fomentan a participación social e serven como punto de encontro”.
O xurado profesional outorgou o primeiro premio ao Restaurante Ca Vitoriano por “El susurro del llagar”, seguido do Blanco Hotel Spa e de Los Olivos. No xurado popular, o triunfo foi para Los Olivos, acompañados no podio polo Novak Café e A Mar de Fondo. O Concello de Navia destacou o impacto do evento no dinamismo da vila e o papel clave da hostalaría como motor económico e turístico.
Fixoo no marco do Campionato Galego de Coctelería celebrado no Hostal dos Reis Católicos.
Ocorreu pasadas as 15:30 horas. Un traballador tivo que ser evacuado ao hospital logo de caerlle o tronco dunha árbore enriba mentres realizaba tarefas no monte en Cervo. Aínda que estaba liberado e consciente, precisaba asistencia sanitaria. Os profesionais de Urxencias Sanitarias de Galicia-061 trasladárono finalmente ao Hospital de Burela. Neste operativo tamén participaron a Garda Civil e a Policía Local de Cervo.
O presidente, José Manuel Gómez Puente, destacou o bo tempo e o reencontro do grupo nun percorrido de 22 km entre Pedrafita e Triacastela. A próxima etapa será o 1 de maio, entre Triacastela e Sarria, e xa está aberta a inscrición no teléfono 623 22 68 25.
Ás doce en punto, tres foguetes —un por cada palabra do nome oficial— foron lanzados desde O Castrodouro, capital histórica do termo municipal e orixe da localidade, pois alí, hai 806 anos, Afonso IX concedeu o título de vila e todo un distrito que administrar; episodio histórico do que deriva o nome do concello. Os veciños reunidos mostraron a súa satisfacción pola recuperación da denominación histórica, afirmando moitos deles que nunca deixaran de empregar o nome completo. Do mesmo xeito, os maiores agradeceron aos impulsores da iniciativa a restitución do topónimo que a historia legou ao municipio alfocés.
