O concelleiro Osvaldo Chantre estivo presente onte na Asemblea do Fondo Galego de Cooperación e Solidariedade, onde tamén participou o tenente da alcaldesa de Burela, Mario Pillado
Burela, 27 de marzo de 2025. O Concello de Burela recibirá a visita de Osvaldo Chantre, concelleiro de Tarrafal (Cabo Verde), o próximo luns 31 de marzo. Durante a súa estadía, Chantre percorrerá puntos clave da vila relacionados co sector pesqueiro, unha das áreas máis destacadas do municipio.
Esta visita enmárcase dentro da colaboración establecida a través do Fondo Galego de Cooperación e Solidariedade, no que Burela participa activamente. Precisamente, o tenente de alcaldesa de Burela, Mario Pillado, participou onte na Asemblea do Fondo Galego, celebrada no Centro Cultural Marcos Valcárcel da Deputación de Ourense.
Durante o encontro, aprobáronse a memoria e as contas do ano 2024, ademais, validouse o plan de actividades para 2025, que inclúe proxectos en África e Latinoamérica, unha convocatoria de axudas a ONGD galegas dotada con 100.000 euros e máis de medio cento de actividades de educación para a cidadanía global. Tamén se aprobou a adhesión do Fondo Galego á Unión de Cidades Capitais de Lingua Portuguesa (UCCLA).
Un dos momentos destacados do encontro foi a presentación dos proxectos que o Fondo Galego está a desenvolver no municipio de Tarrafal, a cargo do seu presidente da cámara, José dos Reis Varela. Mario Pillado tivo a oportunidade de saudar tanto a Varela como a Osvaldo Chantre, reforzando os lazos de colaboración entre ambas as localidades.
“É unha honra representar o Concello de Burela no Fondo Galego de Cooperación e Solidariedade, onde temos a oportunidade, ademais de manter unha colaboración continua cos países do Sur, de participar en moitas das actividades que nos ofrecen, así como de recibir persoal doutras latitudes e asistir a congresos coma o IV Foro Mundial de Desenvolvemento Económico Local, que se celebrará en Sevilla entre o martes 1 e o xoves 3 de abril”, manifestou Mario Pillado.
Este lume comezou o pasado mércores ás 13,35 horas e afectou finalmente unha superficie de 31,5 hectáreas de monte arborado. Para a súa extinción mobilizáronse, en total, 2 técnicos, 13 axentes, 27 brigadas, 24 motobombas, 3 pas, 3 helicópteros e 2 avións. 
Félix Jorquera pasou polos micrófonos de RadioVoz no Barco Museo Boniteiro Virxe do Carme ao concelleiro de Mar, Ramiro Fernández; á presidenta de Ledicia (entidade organizadora), Rocío Rivera; ao presidente da Fedaración estatal de confraría de pescadores, Basilio Otero; ao xerente de Expomar, José Manuel González; ao membro de Fanto Fantini (entidade organizadora do Festival Osa do Mar), Diego Campo; á pregoeira Paula Jorge Hora; ao cociñeiro Bruno Pena e á alcaldesa e Presidenta da Deputación, Carmela López.
O obxectivo deste aviso é que a cidadanía coñeza esta circunstancia con antelación e, especialmente, que as persoas con sensibilidade aos ruídos, así como as persoas propietarias de animais de compañía, poidan adoptar as medidas que consideren oportunas. O Concello agradece a comprensión e a colaboración durante estes días de celebración.
A obra, dirixida por Pepablo Patinho e preparada por rapaces de 10 a 14 anos ao longo do curso, servirá de antesala ao certame e permitirá visibilizar o labor formativo da Escola e o compromiso de Cariño co teatro desde idades temperás. O Concello anima á veciñanza e visitantes a asistir a esta cita que marca o inicio dunha nova edición na que o teatro volverá situar a vila como referente cultural galego.
Autoridades autonómicas, municipais e representantes da Apehl acompañaron o anuncio. O estand da marca estará na zona VIP da saída de cada etapa, onde se ofrecerán petiscos con produtos lucenses e material promocional, incluída a guía turístico-gastronómica. Cheché Real destacou a continuidade do proxecto e agradeceu o apoio institucional. A acción conta coa colaboración de numerosos consellos reguladores, entidades agroalimentarias e empresas da provincia.
Desde a entidade explican que “con este paso estratégico, la firma busca integrarse activamente en el tejido económico del municipio y colaborar de forma estrecha en la promoción de un modelo de turismo sostenible, desestacionalizado y respetuoso con el entorno natural…”. Engaden que “creemos que para proteger nuestro entorno primero debemos aprender a amarlo” e que “nuestra incorporación a ACISA representa una oportunidad idónea para crear sinergias con la hostelería, el comercio y los servicios locales”. Tamén sinalan que “la adhesión a la patronal ribadense refuerza el compromiso de la empresa con la calidad turística planificada de la zona”. Máis información en 
O evento reunirá artistas e agrupacións que representan a tradición musical da zona, nunha xornada pensada para reivindicar a historia sonora do Val e o legado das súas xeracións de músicos. A programación inclúe un obradoiro musical gratuíto para nenos de 5 a 12 anos, unha mesa redonda moderada polo escritor Lionel Rexes e unha ampla quenda de concertos con participación de intérpretes e grupos vinculados ao territorio. Durante todo o festival poderá visitarse a exposición fotográfica Aquí segue soando a música, que recolle imaxes antigas e actuais para mostrar a evolución musical da comarca desde comezos do século XX ata hoxe. A iniciativa conta coa colaboración do Concello do Valadouro, o Concello de Alfoz, a Xunta de Galicia, a Deputación de Lugo e o CENTRAD.
