A secretaria de Organización do PSdeG participou hoxe en Viveiro nunha manifestación en defensa da sanidade pública e suliñou que “isto non é un problema puntual, senón o resultado dunha estratexia política que aposta por desmantelar o público mentres se poñen os recursos ao servizo de intereses privados”
Viveiro, 23 de marzo de 2025. A secretaria de organización do PSdeG e deputada no Parlamento galego, Lara Méndez, participou hoxe na concentración convocada en Viveiro en defensa da sanidade pública e para denunciar a grave situación asistencial que sofre a comarca da Mariña.
“Hoxe estou en Viveiro acompañando á veciñanza da Mariña para denunciar unha situación insostible na sanidade pública”, asegurou Méndez, quen sinalou que “o que está a suceder nesta comarca é unha mostra clara do abandono ao que o PP somete os servizos públicos en toda Galicia”.
A socialista criticou que a atención primaria está “ao bordo do colapso” por mor dunha “xestión absolutamente deficiente durante 16 anos”, que se traduce en “cupos sen cubrir, centros de saúde sen médicos e médicas de familia e esperas interminables”. Para Lara Méndez, “isto non é un problema puntual, senón o resultado dunha estratexia política que aposta por desmantelar o público mentres se poñen os recursos ao servizo de intereses privados”.
“Mentres a xente sae á rúa para defender a sanidade, o PP fai un Mazón e vén de paparota a Viveiro”, ironizou en referencia ao xantar que varios cargos do Partido Popular, encabezados por Miguel Tellado, celebran hoxe na localidade mariñá. “É unha burla á cidadanía que loita por ter unha sanidade digna”, engadiu.
Méndez advertiu tamén sobre as palabras do conselleiro de Sanidade, que “hoxe mesmo deixou entrever que podería haber máis peches de centros de saúde”. “Desde xa lle dicimos que non o imos consentir”, sentenciou.
Durante a súa intervención, Lara Méndez respondeu tamén ás declaracións da conselleira de Economía, María Jesús Lorenzana, quen cualificou de “protesta de comunistas” o masivo rexeitamento social á instalación da macrocelulosa en Palas de Rei.
“É un auténtico despropósito que o señor Rueda e os seus conselleiros pretendan descalificar a miles de galegos e galegas que están a manifestar unha preocupación lexítima chamándolles comunistas”, afirmou. “A dereita pensa que chamar comunista é un insulto, cando en realidade o que están facendo é desprezar á cidadanía que protesta con razón e de forma pacífica. Isto amosa unha vez máis que o presidente da Xunta non entende Galicia, non escoita á xente e despreza a crítica democrática”.
“Aquí non se trata de ideoloxías, trátase de sentido común”, concluíu Méndez. “O que se está cuestionando é que se regalen 250 millóns de euros de diñeiro público a unha empresa privada, sen transparencia e sen garantías ambientais, mentres milleiros de persoas quedan sen médico de familia. Iso non é comunismo, é responsabilidade”.
Na concentración en Viveiro participaron a deputada Patricia Otero, o senador César Mogo e varios alcaldes e alcaldesas socialistas da Mariña.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
A Garda Civil de Burela tomou declaración este 10 de xuño a unha representante do departamento en liña de Porcelana de Sargadelos, que denunciou unha estafa na que se emprega a imaxe da empresa para enganar clientes. Segundo explicou, desde finais de abril están a aparecer páxinas web falsas con descontos do 80% e perfís fraudulentos en redes sociais como Instagram, TikTok e Facebook, a través dos que varios usuarios xa foron estafados. A compañía presentou denuncias contra distintos dominios e contas, das que só unha continúa activa, e achegou tamén os rexistros da marca e as comunicacións realizadas ante Meta. A denuncia foi formalizada no cuartel da Garda Civil de Burela, onde quedou incorporada ás dilixencias abertas polo corpo.
O deputado galego Francisco Millán Mon explicoulles o día a día da súa actividade nesta cámara e a importancia da Unión Europea para Galicia e viceversa. Desde a dirección do centro agradecen “a súa exposición e o trato dispensado ao alumnado e profesorado desprazado a Bruxelas”. Neste 2026 cúmprense 40 anos da adhesión de España á Comunidade Económica Europea, así se denominaba naquel momento. O IES de Ribadeo é Escola Mentora do Programa Escolas Embaixadoras do Parlamento Europeo.
Foi unha xornada máxica na que a música e a convivencia se deron a man nunha contorna única. Os instrumentos de corda encheron de melodías os xardíns do centro, creando unha atmosfera especial que emocionou ao público asistente e puxo en valor o talento e a ilusión da mocidade. A alcaldesa de Cervo, Dolores García Caramés, non quixo perderse esta cita tan especial e desfrutou da tarde xunto ás persoas usuarias, e o persoal do centro. Durante o encontro, agradeceu o convite e felicitou á organización por promover actividades que fomentan a cultura, a inclusión e os espazos de encontro entre a veciñanza.
A mostra, aberta na sala de exposicións do Auditorio Municipal de luns a venres entre as 18:00 e as 22:00 horas, reúne preto de 30 obras de artistas emerxentes e consolidados, ofrecendo diversas miradas sobre a paisaxe, a identidade, a memoria e a realidade contemporánea. A alcaldesa, Marta Rouco, destacou o valor de que Vilalba forme parte desta programación compartida e o impacto positivo que supón para a actividade cultural local.
No acto impuxéronlles o birrete e entregáronlles diploma e orla. Despois cantaron unha canción para as familias asistentes. Houbo moitos aplausos e algunhas lágrimas de emoción.
A saída será ás 10:00 desde El Bao, con autobuses ás 9:00 desde Navia, e a chegada arredor das 16:30 seguida dunha festa na dársena. As inscricións estarán abertas do 31 de maio ao 12 de xuño na Casa do Deporte ou en liña por 7 €. O Concello anima a participar nesta cita que combina natureza, deporte e convivencia.
