Os populares pedirán no vindeiro pleno o apoio dos distintos grupos para que o Concello permitan realizar inscricións no PAI para que as familias saiban con antelación se poden contar cunha praza evitando que teñan que buscar recursos fóra do municipio
Vilalba, 23 de marzo de 2025. O Partido Popular de Vilalba esixe previsión ao goberno local en relación á dispoñibilidade de prazas no Punto de Atención á Infancia (PAI) e medidas que permitan dar resposta á demanda real das familias vilalbesas garantindo unha xestión eficiente e planificada do servizo de atención a menores de 3 anos.
Os populares amosan a súa preocupación porque “as familias de Vilalba que solicitan praza para os seus fillos e fillas na Galiña Azul e na escoliña se enfrontan a unha situación de incerteza: aquelas que queden sen praza poderían optar ao PAI, pero este aínda está en obras e terían que esperar ao seu remate para saber se van a ter a posibilidade ou non de poder acceder ao PAI”.
“Sabemos que unha familia non pode esperar a setembro para saber se se lle vai a conceder esa praza ou non, polo que de novo van a ter que tentar de buscar unha solución”, engaden.
Así, os concelleiros do PP afean a “falta de previsión e de medidas efectivas por parte do goberno municipal, composto por PSOE-Vilalba Aberta co apoio do BNG, está a impedir que moitas familias de Vilalba poidan conciliar a súa vida familiar e laboral de xeito axeitado. Isto supón un problema grave para a veciñanza, xa que non se garante o acceso a un servizo fundamental para o benestar dos nenos e nenas e para o apoio ás familias traballadoras”.
PROPOSTA DE ACORDO
Os concelleiros do Grupo Municipal Popular agardan, polo tanto, o apoio de tódolos grupos da corporación á proposta que formularán no vindeiro pleno para que o Concello permita realizar canto antes as inscricións no PAI para que as familias saiban con antelación se contan cunha praza e, polo tanto, evitarlles que teñan que buscar alternativas fóra do municipio por falta de información ou prazas dispoñibles.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
A Garda Civil de Burela tomou declaración este 10 de xuño a unha representante do departamento en liña de Porcelana de Sargadelos, que denunciou unha estafa na que se emprega a imaxe da empresa para enganar clientes. Segundo explicou, desde finais de abril están a aparecer páxinas web falsas con descontos do 80% e perfís fraudulentos en redes sociais como Instagram, TikTok e Facebook, a través dos que varios usuarios xa foron estafados. A compañía presentou denuncias contra distintos dominios e contas, das que só unha continúa activa, e achegou tamén os rexistros da marca e as comunicacións realizadas ante Meta. A denuncia foi formalizada no cuartel da Garda Civil de Burela, onde quedou incorporada ás dilixencias abertas polo corpo.
O deputado galego Francisco Millán Mon explicoulles o día a día da súa actividade nesta cámara e a importancia da Unión Europea para Galicia e viceversa. Desde a dirección do centro agradecen “a súa exposición e o trato dispensado ao alumnado e profesorado desprazado a Bruxelas”. Neste 2026 cúmprense 40 anos da adhesión de España á Comunidade Económica Europea, así se denominaba naquel momento. O IES de Ribadeo é Escola Mentora do Programa Escolas Embaixadoras do Parlamento Europeo.
Foi unha xornada máxica na que a música e a convivencia se deron a man nunha contorna única. Os instrumentos de corda encheron de melodías os xardíns do centro, creando unha atmosfera especial que emocionou ao público asistente e puxo en valor o talento e a ilusión da mocidade. A alcaldesa de Cervo, Dolores García Caramés, non quixo perderse esta cita tan especial e desfrutou da tarde xunto ás persoas usuarias, e o persoal do centro. Durante o encontro, agradeceu o convite e felicitou á organización por promover actividades que fomentan a cultura, a inclusión e os espazos de encontro entre a veciñanza.
A mostra, aberta na sala de exposicións do Auditorio Municipal de luns a venres entre as 18:00 e as 22:00 horas, reúne preto de 30 obras de artistas emerxentes e consolidados, ofrecendo diversas miradas sobre a paisaxe, a identidade, a memoria e a realidade contemporánea. A alcaldesa, Marta Rouco, destacou o valor de que Vilalba forme parte desta programación compartida e o impacto positivo que supón para a actividade cultural local.
No acto impuxéronlles o birrete e entregáronlles diploma e orla. Despois cantaron unha canción para as familias asistentes. Houbo moitos aplausos e algunhas lágrimas de emoción.
A saída será ás 10:00 desde El Bao, con autobuses ás 9:00 desde Navia, e a chegada arredor das 16:30 seguida dunha festa na dársena. As inscricións estarán abertas do 31 de maio ao 12 de xuño na Casa do Deporte ou en liña por 7 €. O Concello anima a participar nesta cita que combina natureza, deporte e convivencia.
