A Mariña, 23 de marzo 2025. Desde o BNG A Mariña aplauden a gran resposta que a sociedade mariñá deu na mañá de hoxe “ás políticas de desmantelamento da sanidade pública na comarca levadas a cabo nos últimos anos e especialmente acentuadas desde a eliminación da Área Sanitaria perpetrada polo Partido Popular no 2017”.
“No seu momento xa dixemos que a eliminación da nosa Área Sanitaria era o inicio do empeoramento da atención sanitaria na comarca e así está sendo a nivel de atención primaria e de atención hospitalaria, pois cada día hai máis servizos que están en cadro obrigando aos doentes a desplazarse a Lugo, con viaxes de días enteiros e 100km, que son tamén unha viaxe no tempo corenta anos atrás”, manifestou o responsable comarcal Antonio Veiga, quen instou ao PP a reconsiderar e frenar as súas posturas en contra da sanidade pública na Mariña levadas a cabo por un conselleiro “indigno de tal cargo ante o que os cargos mariñaos do PP agachan as orellas vergonzosamente”. E nese sentido fixo referencia a unha das consignas coreadas na manifestación: “A sanidade escarallada e o PP de mariscada”, “algo que reflicte moi ben cales son as prioridades do PP, porque non teñen a máis mínima vergonza”, manifestou Veiga.
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
O prólogo é da profesora de Debuxo Camino Casabella Pumares, artista con raíces no Alfoz do Castrodouro, que participará na presentación xunto ao presidente do colectivo. Cinco dos pintores estarán presentes no acto, xa que Alaxe faleceu hai tres anos. A portada do caderno é obra do ilustrador Xosé Blanco. O evento celebrarase o sábado 8 de agosto ás 20:00 horas no castelo do Castrodouro, en Alfoz do Castrodouro.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
