Os concelleiros populares explican que o goberno local intenta “facer que fai algo, cando a realidade é que poñen escusas en lugar de dar unha solución definitiva para esta estrada” que precisa aglomerado en quente para mellorar o firme, a limpeza de cunetas e beirarrúas así como a poda das árbores de ambas marxes para garantir a visibilidade
Lourenzá, 1 de abril de 2025. O PP de Lourenzá denuncia que o goberno local “tenta facer que fai algo” para solucionar os problemas da estrada de San Xusto, que conecta o municipio con Barreiros, “pero á hora da verdade o único que fai é poñer escusas, o que acentúa aínda máis os problemas desta estrada”.
Os concelleiros populares sinalan que durante o pleno deste mes, dende o goberno local “acordaron co Concello de Barreiros arranxar en conxunto” esta estrada, pero “sempre co condicionante de atopar financiamento noutras administracións”, polo que “á hora da verdade non van a facer nada e o que só están buscando escusas, prolongando así os problemas que ten esta estrada, que co paso dos días e semanas se acentúan aínda máis”.
Os populares realizan esta afirmación xa que no caso de que outra administración non financie o arranxo integral desta estrada, “o único que se realizará será un bacheado”, tal e como confirmaron dende o goberno local no pasado pleno, unha actuación que “visto o estado da carretera é totalmente insuficiente”.
No pleno deste mes, os populares defenderon unha moción para analizar esta vía e, unha vez detectadas todas as deficiencias, planificar e executar o seu arranxo con aglomerado en quente, limpeza de cunetas e beirarrúas e a poda das árbores da beira da vía para garantir a seguridade viaria.
Os concelleiros do PP de Lourenzá explican que “xa defendemos o arranxo desta estrada en varias ocasións no pleno e seguimos a atopar o non por resposta”, un claro indicativo de que “ao equipo de goberno non lle preocupa a seguridade dos nosos veciños”.
Dende o PP de Lourenzá esixen ao goberno local que “se poña a traballar” para realizar a renovación da estrada de San Xusto e “se de verdade teñen ese acordo co Concello de Barreiros realicen o arranxo da estrada para minimizar o risco a todos os veciños de ambos municipios que a diario se desprazan por esta vía”.
SITUACIÓN ACTUAL DA ESTRADA DE SAN XUSTO
A estrada de San Xusto é de titularidade municipal e está nun estado “desolador” debido ao seu deterioro, xa que ten numerosas fochancas ao longo do seu percorrido, o que dificulta a circulación e eleva o risco de accidentes, ademais da acumulación de residuos e vexetación nas beirarrúas, sen esquecer a falta de mantemento das árbores de forma que a ausencia de podas adecuadas provoca unha diminución drástica da visibilidade e representa un perigo adicional para os condutores.
Ocorreu pasadas as 15:30 horas. Un traballador tivo que ser evacuado ao hospital logo de caerlle o tronco dunha árbore enriba mentres realizaba tarefas no monte en Cervo. Aínda que estaba liberado e consciente, precisaba asistencia sanitaria. Os profesionais de Urxencias Sanitarias de Galicia-061 trasladárono finalmente ao Hospital de Burela. Neste operativo tamén participaron a Garda Civil e a Policía Local de Cervo.
Subliñou o traballo colectivo, o papel do voluntariado e a participación de arredor de mil corredores. Tamén puxo en valor o impacto económico e social da proba e o apoio institucional que permite o seu crecemento, incluída a difusión en streaming que levou a CAMOVI e a Viveiro a todo o mundo.
O presidente, José Manuel Gómez Puente, destacou o bo tempo e o reencontro do grupo nun percorrido de 22 km entre Pedrafita e Triacastela. A próxima etapa será o 1 de maio, entre Triacastela e Sarria, e xa está aberta a inscrición no teléfono 623 22 68 25.
Ás doce en punto, tres foguetes —un por cada palabra do nome oficial— foron lanzados desde O Castrodouro, capital histórica do termo municipal e orixe da localidade, pois alí, hai 806 anos, Afonso IX concedeu o título de vila e todo un distrito que administrar; episodio histórico do que deriva o nome do concello. Os veciños reunidos mostraron a súa satisfacción pola recuperación da denominación histórica, afirmando moitos deles que nunca deixaran de empregar o nome completo. Do mesmo xeito, os maiores agradeceron aos impulsores da iniciativa a restitución do topónimo que a historia legou ao municipio alfocés.
Viveiro, 20 de abril, 2026. A proba volveu converter Viveiro nun punto destacado do deporte e da convivencia, ademais de supoñer un impulso económico para o municipio. María Loureiro destacou que a Camovi “é un exemplo de colaboración e esforzo colectivo, que sitúa Viveiro no mapa e dinamiza a economía local”. O Partido Socialista lembra o seu apoio histórico á carreira e reafirma o seu compromiso para seguir contribuíndo ao seu crecemento. O PSOE agradece tamén á veciñanza a súa acollida e implicación, fundamentais para que o evento continúe medrando ano tras ano.
Castro destacou o labor da Asociación e o potencial da tradición do ferro como motor económico, social e cultural para Riotorto, subliñando a importancia de impulsar iniciativas que garantan futuro para estes oficios. A Deputación de Lugo mantén unha colaboración estable coa entidade, cunha achega de 14.000 euros. No marco deste apoio, a Asociación avanzou na documentación dos oficios do ferro, catalogando ferramentas, técnicas e a historia das antigas “ferrerías de monte”.
O responsable provincial destacou "o traballo realizado pola organización ao longo destes anos para consolidar unha proba deportiva de primeiro nivel, que atrae tanto deportistas do máximo nivel competitivo como participación popular"
