Xove, 11 de abril de 2025. O PSdeG-PSOE de Xove denuncia a grave situación económica que atravesa o Concello, tal e como reflicte o peche de contas do exercicio 2024, que será levado ao próximo pleno da Corporación Municipal. A formación socialista quere trasladar esta información á veciñanza para que coñeza como se están a xestionar os recursos públicos e poida facer a súa propia valoración.
Segundo denuncian, o Goberno local elaborou un orzamento irreal, cunha previsión de ingresos e gastos de 8,3 millóns de euros. Porén, a recadación final foi inferior aos 5 millóns, mentres que o gasto executado superou os 8,4 millóns, xerando un desfase económico de máis de 3,5 millóns de euros.
O grupo socialista considera que este desequilibrio era previsible, principalmente polo parón da actividade de Alcoa. “O Goberno local fixo un presuposto totalmente ficticio e, para tapar o erro, tirou dos fondos do remanente de tesourería”, critican. Ese remanente, sinalan, pasou de 14,5 a 10,9 millóns de euros. “En lugar de empregarse en investimentos reais para mellorar o futuro do Concello, está a gastarse no día a día, sen acometer as actuacións que Xove necesita para o seu desenvolvemento”.
Desde o PSdeG-PSOE lembran que “a Xove tocoulle a lotería aló polo ano 1980 coa chegada de Alumina-Aluminio (INESPAL), e durante 45 anos dispuxemos dunha bonanza económica que pouco se soubo aproveitar”. Entre as deficiencias estruturais que sinalan, destacan o abastecemento de auga, cualificado como “pouco máis que terceiro mundista”. “Nos últimos 20 anos non se fixo nada por melloralo. Grazas a unha proposta socialista encargouse un estudo que cifra en máis de 1,3 millóns de euros a inversión necesaria para garantir un subministro axeitado, xa que no verán hai restricións e cando chove, a auga chega ás casas con aspecto de barro”, explican.
Tamén denuncian a inacción nos polígonos industriais, a falta de avances en saneamento e residuos, o abandono urbanístico, “só se adecentou unha rúa en dúas décadas” e o mal estado da rede viaria, “posiblemente a peor da Mariña”.
Sobre os pantaláns do Portiño de Morás, lembran que levan 16 anos sendo prometidos sen avances reais: “Aínda hai pouco vimos outra foto para a campaña autonómica, pero feitos, ningún”.
“O peche de contas de 2024 confirma un futuro moi negro para Xove, porque temos un goberno ausente”, conclúen os socialistas, citando a frase dun veciño que resume o sentir xeral: “En Xove non hai ninguén ao volante, isto vai en automático, mentres dure Alcoa; despois será o caos”.
Finalizado o encontro, de carácter privado, o Cónsul asinou no Libro de Ouro da Deputación e a Presidenta fíxolle entrega dun agasallo institucional. Trala xuntanza Carmela López manifestou a súa satisfacción porque “traballamos para avanzar en novas vías de colaboración, e en posibles proxectos que serven para reforzar a relación entre a Deputación e o veciño país de Portugal”.
Este venres visitaron Ferrol e As Pontes, e o sábado serán os actos institucionais de benvida no concello de Ribadeo. Pola mañá será inaugurada unha placa conmemorativa da visita, e despois a recepción oficial na Casa do Concello.
Villares detallou algunhas destas accións no encontro empresarial organizado en Vilalba pola organización profesional BNI LOU VCR Breogán, un grupo de networking integrado por unha trintena de empresarios e profesionais da provincia. Entre outras, referiuse ás axudas para favorecer o establecemento dos traballadores autónomos ou para o fomento da contratación; os plans do Igape para a expansión e innovación do tecido produtivo, ou as iniciativas de formación. “Apoiar as empresas, as pemes e aos autónomos é apoiar o futuro do territorio”, afirmou.
A principal será o regreso das carrozas dos pobos o domingo 27, recuperando unha tradición histórica. O venres abrirase coa charanga e verbena; o sábado haberá sesión vermú, verbena e fogos; o domingo, música dos sesenta e setenta, desfile de carrozas e festa dos oitenta; o luns, actividades para a infancia e reparto do bollo; e o martes, misa solemne, procesión e verbena final. O Concello de El Franco destaca o labor da Sociedade de Fiestas e o valor de recuperar tradicións e avanzar cara a unhas festas máis inclusivas.
Será o sábado 26 de setembro de 20:00–22:30 no Palacio Santa Emilia de Mondoñedo. Entrada: 34,90 €, inclúe viño seleccionado e aperitivo.
O centro conta con espazos para forza, cardio, adestramento funcional e alta intensidade, ademais de propostas acuáticas, ciclo indoor, pilates e programas Les Mills. Dispón tamén dunha área de relax con baño de vapor, duchas especiais e hidromasaxe. O director, Javier Canel, destaca que o obxectivo é ofrecer alternativas para que cada persoa atope o tipo de exercicio que mellor se adapte ás súas necesidades. En setembro, o centro ofrece unha proba gratuíta de tres días e matrícula de balde para novas inscricións.
O programa inclúe unha actuación vermú de A Requinta de Lampai ás 14:00, un obradoiro de baile tradicional ás 17:30, os cantos de taberna polos bares a partir das 20:00, pinchos para os grupos participantes ás 22:30 e unha foliada aberta ás 23:30. Os grupos interesados poden inscribirse no 605582624.
