Este luns retómanse os traballos, que se viron obrigados a suspenderse polo mal tempo, e que consisten na drenaxe, ensanche, aglomerado en quente, sinalización e pintado con marcas reflexivas brancas
Lugo, 19 de abril de 2025. O Presidente da Deputación de Lugo, José Tomé Roca, supervisou este mércores os traballos de mellora da estrada provincial LU-P-1503, que vai dende Río Covo, por Trasbar, a Vilaestrofe, no termo municipal de Cervo. A institución provincial destina máis de 400.000€ a estes traballos, que servirán para renovar case os 3 primeiros quilómetros da vía, desde o inicio da estrada ata o punto quilométrico 2,6.
As obras xa van avanzadas e xa se executou un primeiro tramo, ata o punto quilométrico 1,2. Este luns, se o tempo o permite, retomaranse os traballos, que se tiveron que suspender pola climatoloxía adversa do inverno.
Subliñou Tomé Roca, quen estivo acompañado do Deputado de Promoción Económica e Social, Pablo Rivera Capón, e veciños e veciñas da localidade mariña, que esta é unha actuación de gran importancia, xa que a vía LU-P-1503 enlaza coa estrada provincial LU-P-1502 e serve de acceso a múltiples servizos, comunicando co concello de Burela e o Hospital Público da Mariña, así como cos campos de fútbol da Granda en Rúa e o da Chá en Vilaestrofe, e co Miradoiro de Monte Castelo.
Os traballos
Nas obras que se están a desenvolver nesta estrada provincial, comezouse coa reapertura das cunetas, eliminando terra e vexetación acumuladas para recuperar a súa capacidade de drenaxe e asegurar a durabilidade do firme. Ao mesmo tempo, procédese á escavación nos laterais da vía para ampliar a calzada, enchendo con materiais axeitados como grava ou pedra compactada, segundo as condicións do terreo.
Os traballos inclúen o ensanche da vía, logrando que acade un ancho novo que varía entre os 5,20 e os 5,75 metros, dependendo do tramo. Nalgúns puntos, as cunetas serán revestidas con formigón para reforzar a súa estrutura. Ademais, estanse realizando actuacións no sistema de drenaxe, como a colocación de tubos ou pezas prefabricadas para gañar espazo sen afectar muros nin taludes, e a limpeza ou substitución de elementos en mal estado para garantir unha correcta evacuación das augas.
Unha vez acondicionados os bordes da estrada, colócase unha capa de zahorra e logo esténdese o aglomerado en quente, garantindo así unha mellor regularidade e resistencia da superficie. Finalmente, procederase á renovación da sinalización horizontal, con pintura branca reflectora, e da sinalización vertical, substituíndo os sinais en mal estado. Tamén se instalarán biondas nos treitos onde sexa necesario reforzar a seguridade viaria.
Neste curso a actividade estará dispoñible para as nosas pequenas Xoias e para alumnado externo, cunha sesión semanal, a cargo de Yasmin Toledo e Patrícia Sousa, do equipo de Segunda División. O alumnado poderá escoller o seu horario de adestramento entre os luns (16:00 h.-17:00 h., Vista Alegre) e os venres (19:30 h.-20:30 h., Monte Castelo). A actividade terá un custo de 6€/mes para o alumnado da escola laranxa e 24€/mes para o alumnado externo.
Un particular informou minutos despois das 11 horas deste xives dun camión que transportaba formigón envorcado no quilómetro 68 da N-640, á altura da parroquia de Ramil (Castro de Rei). Segundo explicou o mesmo alertador, o condutor permanecía no interior da cabina e outros dous turismos estaban implicados no accidente. De inmediato, desde o Centro Integrado de Atención ás Emerxencias solicitouse a acción de Urxencias Sanitarias de Galicia-061, da Garda Civil de Tráfico, dos Bombeiros de Vilalba e dos servizos de mantemento da estrada. Os bombeiros confirmaron que non tiveron que excarcerar, pois a persoa estaba xa fóra do vehículo cando chegaron ao punto. Así, colaboraron na limpeza da vía cos servizos de mantemento da estrada.
Neste espazo radiofónico Félix Jorquera falará coa alcaldesa de Lourenzá, Rocío López; co concelleiro de Cultura, Manuel Arango; con José Cuadrado, presidente da Indicación Xeográfica Protexida Faba de Lourenzá e pregoeiro desta edición da festa; co chef Pedro Barreira; e con Antonio Irimia, presidente do club VespaFaba & Clásicos, de Lourenzá.
Ademais da intervención arqueolóxica de 2026, o Concello achega 7.500 euros para restaurar a cabaña C-2, lembrando que “Seguimos apostando por el patrimonio arqueológico y el desarrollo arqueológico del concejo”. Tamén se mellorou o acceso ao xacemento, e o castro consolídase como un recurso turístico en crecemento, clave para avanzar na desestacionalización.
Entre as 10:00 e as 14:00 horas haberá arredor dunha decena de postos con produtos agroecolóxicos e de proximidade, ademais dun punto informativo para persoas interesadas en emprender no sector e actividades infantís. A alcaldesa Marta Rouco destaca que a feira busca dar vida ao centro da vila e visibilizar o rural como espazo de emprendemento, mentres que a concelleira Paula Vigo salienta a colaboración con A Estruga para ampliar a oferta habitual do mercado. O Concello anima á veciñanza a achegarse e coñecer os proxectos participantes.
Nesta ocasión, o grupo desprazouse ata A Pontenova para realizar un percorrido de 17 quilómetros que combinou a Ruta dos Fornos, a Ruta do Ferrocarril e a Ruta do Muiñeiro Namorado. A actividade, de dificultade baixa, iniciou o seu percorrido na Praza dos Fornos da Pontenova e rematou en San Tirso de Abres.
O paseo comezará ás 20:00 h na rúa San Francisco, ao pé da igrexa, para continuar pola Praza de Abaixo e a rúa Antonio Otero, até chegar á Praza do Patín, xunto á Biblioteca Municipal El Viejo Pancho. Alí, ás 20:30 h, dará comezo a presentación da obra. A organización lembra con afecto as anteriores visitas de Souto a Ribadeo e confía en que, unha vez máis, se vivirá unha tarde especial guiada polo enxeño creativo do coruñés de Monte Alto, galego universal que levou as nosas letras polo Mar de Irlanda e polas corredoiras máis recónditas do país. A actividade está organizada pola A.C. Francisco Lanza.
