Os traballos na LU-P-2009 afectan aos máis de 3 quilómetros, incluíndo a rúa Corporacións, que ten esta estrada e consistirán na reapertura de cunetas, mellora do firme e sinalización horizontal
Lugo, 7 de maio de 2025. A Deputación de Lugo iniciou esta semana os traballos de aglomerado na estrada LU-P-2009, no concello de Foz, que conecta o Peirao da vila co núcleo de Bispo Santo por Marzán, pasando pola rúa Corporacións. Uns traballos que afectan aos máis de 3 quilómetros cos que conta esta vía provincial, e que consistirán na reapertura de cunetas, na mellora do firme e na sinalización horizontal.
En concreto, as obras que que está a executar a Deputación na LU-P-2009, divídense en tres tramos. Nestes momentos, os traballos consisten no estendido do aglomerado en quente tras o fresado do firme en preto de 2 quilómetros. Ademais, renovaranse as marcas viarias reflexivas, as bandas de aparcadoiro e os pasos de peóns. Así mesmo, na contorna do campo de fútbol Martínez Otero instalaranse separadores de gota para reforzar a seguridade peonil nesta zona deportiva, moi empregada e frecuentada a diario polos focenses.
No último tramo da vía, entre os puntos quilométricos 1,820 e 3, acometerase a reapertura das cunetas para garantir a drenaxe, e eliminar a vexetación, retirar os aterros e limpar as canalizacións, para evitar acumulacións de auga.
O Presidente da Deputación de Lugo, José Tomé Roca, explica que estas actuacións forman parte dun proxecto máis amplo, cun orzamento de 390.000 euros e un prazo de execución de tres meses, que inclúe a mellora doutras sete estradas do municipio. En total, suporá a renovación do 41% da rede viaria provincial ao seu paso por Foz. As vías incluídas no proxecto son as seguintes:
1. A LU-P-6303, que é a estrada que conecta Campón e Cordido por Güín. Neste caso, a Deputación actuará do punto quilométrico 2,630 ao 4,741 coa reapertura de cunetas, pavimentación con aglomerado e sinalización.
2. A LU-P-2001, que conecta a estrada autonómica LU-152 e a Nacional 642. A Deputación mellorará os 6 primeiros quilómetros mediante a reapertura de cunetas, pavimentación con aglomerado e sinalización.
3. A LU-P-2013, que vai do colexio de Nois á Praia de Arealonga. A institución provincial reparará o pavimento e mellorará a seguridade na zona escolar co reforzo da sinalización.
4. A LU-P-2006, que une A Cruz coa Praia de Llas. As obras afectarán ao treito comprendido entre os puntos quilométricos 0,949 e o 2,405 con melloras na pavimentación e sinalización.
5. A LU-P-2011, que une Marzán coa Praia de Llas. A Deputación mellorará neste caso os 700 primeiros metros coa pavimentación e a sinalización.
6. A LU-P-3101, de Areas á LU-152 por Oirán, onde a institución provincial mellorará a drenaxe desde o punto quilométrico 8,717 ó 13,024.
Tomé Roca detalle que “este paquete de melloras supón unha actuación estratéxica para Foz, xa que estas vías vertebran o municipio e son fundamentais para conectar as zonas do interior coa costa e as praias, que rexistran unha elevada afluencia de tráfico, especialmente durante os meses de verán”.
Compromiso coa Mariña
Esta actuación enmárcase no Plan de Mellora das Estradas 2025, co que a Deputación de Lugo reforza o seu compromiso coa mobilidade e, neste caso coa Mariña lucense. Así o destacou o Presidente da institución, José Tomé Roca, que sinalou que máis do 21% do orzamento provincial para este ano, un total de 27 millóns de euros, está destinado á conservación, mantemento e mellora da rede viaria, a máis extensa de España, con 4.217 quilómetros, triplicando a da Xunta de Galicia na provincia.
Este investimento forma parte do paquete de actuacións co que a Deputación acometerá obras en 400 quilómetros de estradas da provincia, cun investimento total que supera os 15 millóns de euros. Segundo detallou o Presidente, xa están en proceso de contratación o 65% dos 80 proxectos iniciais, e moitas das obras xa están en marcha, como é o caso da Avenida Infanta Elena en Lugo ou o Cinto Comarcal, á altura do Corgo.
Neste curso a actividade estará dispoñible para as nosas pequenas Xoias e para alumnado externo, cunha sesión semanal, a cargo de Yasmin Toledo e Patrícia Sousa, do equipo de Segunda División. O alumnado poderá escoller o seu horario de adestramento entre os luns (16:00 h.-17:00 h., Vista Alegre) e os venres (19:30 h.-20:30 h., Monte Castelo). A actividade terá un custo de 6€/mes para o alumnado da escola laranxa e 24€/mes para o alumnado externo.
Un particular informou minutos despois das 11 horas deste xives dun camión que transportaba formigón envorcado no quilómetro 68 da N-640, á altura da parroquia de Ramil (Castro de Rei). Segundo explicou o mesmo alertador, o condutor permanecía no interior da cabina e outros dous turismos estaban implicados no accidente. De inmediato, desde o Centro Integrado de Atención ás Emerxencias solicitouse a acción de Urxencias Sanitarias de Galicia-061, da Garda Civil de Tráfico, dos Bombeiros de Vilalba e dos servizos de mantemento da estrada. Os bombeiros confirmaron que non tiveron que excarcerar, pois a persoa estaba xa fóra do vehículo cando chegaron ao punto. Así, colaboraron na limpeza da vía cos servizos de mantemento da estrada.
Neste espazo radiofónico Félix Jorquera falará coa alcaldesa de Lourenzá, Rocío López; co concelleiro de Cultura, Manuel Arango; con José Cuadrado, presidente da Indicación Xeográfica Protexida Faba de Lourenzá e pregoeiro desta edición da festa; co chef Pedro Barreira; e con Antonio Irimia, presidente do club VespaFaba & Clásicos, de Lourenzá.
Ademais da intervención arqueolóxica de 2026, o Concello achega 7.500 euros para restaurar a cabaña C-2, lembrando que “Seguimos apostando por el patrimonio arqueológico y el desarrollo arqueológico del concejo”. Tamén se mellorou o acceso ao xacemento, e o castro consolídase como un recurso turístico en crecemento, clave para avanzar na desestacionalización.
Entre as 10:00 e as 14:00 horas haberá arredor dunha decena de postos con produtos agroecolóxicos e de proximidade, ademais dun punto informativo para persoas interesadas en emprender no sector e actividades infantís. A alcaldesa Marta Rouco destaca que a feira busca dar vida ao centro da vila e visibilizar o rural como espazo de emprendemento, mentres que a concelleira Paula Vigo salienta a colaboración con A Estruga para ampliar a oferta habitual do mercado. O Concello anima á veciñanza a achegarse e coñecer os proxectos participantes.
Nesta ocasión, o grupo desprazouse ata A Pontenova para realizar un percorrido de 17 quilómetros que combinou a Ruta dos Fornos, a Ruta do Ferrocarril e a Ruta do Muiñeiro Namorado. A actividade, de dificultade baixa, iniciou o seu percorrido na Praza dos Fornos da Pontenova e rematou en San Tirso de Abres.
O paseo comezará ás 20:00 h na rúa San Francisco, ao pé da igrexa, para continuar pola Praza de Abaixo e a rúa Antonio Otero, até chegar á Praza do Patín, xunto á Biblioteca Municipal El Viejo Pancho. Alí, ás 20:30 h, dará comezo a presentación da obra. A organización lembra con afecto as anteriores visitas de Souto a Ribadeo e confía en que, unha vez máis, se vivirá unha tarde especial guiada polo enxeño creativo do coruñés de Monte Alto, galego universal que levou as nosas letras polo Mar de Irlanda e polas corredoiras máis recónditas do país. A actividade está organizada pola A.C. Francisco Lanza.
