No acto de recoñecemento, fíxose entrega dun detalle tamén ás dúas persoas que levan 25 anos ininterrumpidos nas labores voluntarias: Ramona Rodríguez Pérez ”Nita” e Agustín Rodríguez Pérez
Barreiros, 30 de maio de 2025. O salón de plenos do Concello de Barreiros acolleu no día de hoxe un humilde acto de recoñecemento á Agrupación de Persoas Voluntarias de Protección Civil, no que se recoñeceu por parte do Goberno Municipal a labor realizada nos máis de 25 anos de existencia da mesma. Igualmente, recoñeceuse ás dúas persoas, Nita Rodríguez Pérez e Agustín Rodríguez Pérez, que levan 25 anos de servizo voluntario ao pobo de Barreiros.
A alcaldesa de Barreiros, Ana Ermida, fixo entrega dunha placa conmemorativa ao presidente da Agrupación de Persoas Voluntarias de Protección Civil de Barreiros; que conmemora os máis de 25 anos en activo, prestando asistencia e axuda a toda a veciñanza. Tamén entregou dous detalles de recoñecemento individual ás dúas persoas que levan desde os inicios da agrupación en activo na mesma.
A rexedora quixo trasladar “o inmenso agradecemento do pobo de Barreiros a todas as persoas que adicades o voso tempo libre a servir e axudar ás veciñas e veciños.
As persoas voluntarias de Protección Civil son fundamentais no funcionamento deste concello e de gran parte dos actos públicos que se fan nel. O seu traballo nas festas, nos eventos deportivos, culturais ou sociais, é moitas veces invisible; pero fundamental para garantir que se desenvolvan con éxito e seguridade. Pero non só: xogan un papel crucial na asistencia en emerxencias, sendo moitas veces as primeiras persoas en chegar e aportando proximidade e empatía en circunstancias moi duras.
E, por suposto, non podemos esquecer, aínda que parece que pasou moito tempo, o crucial papel xogado na pandemia da COVID19; onde se respondeu dun xeito excepcional en circunstancias cunha gran incerteza”.
Ermida destacou tamén a capacidade de coordinación que ten amosado a Agrupación, que traballa con outras entidades ou institucións, como a Garda Civil, facendo que Barreiros sexa tamén referente na resposta e atención de emerxencias.
Nese sentido, “agradeceu, en nome de todo o pobo de Barreiros, todo o traballo que estas persoas realizan de xeito voluntario, restando tempo das súas vidas particulares, para seguir servindo á veciñanza no seu tempo libre e contribuíndo a facer do noso concello un lugar máis solidario, máis seguro e máis cómodo para vivir.”
O grupo, composto por cinco mulleres e sete homes cunha media de 26 anos, foi recibido pola subdelegada do Goberno, Olimpia López, que lles agradeceu o compromiso co servizo público e destacou o papel esencial da Policía Nacional na seguridade cidadá. Oito axentes estarán na Comisaría de Lugo, dous en Monforte e dous en Viveiro. Ao finalizar as prácticas, escollerán destino definitivo segundo a puntuación obtida no proceso selectivo.
A iniciativa busca poñer en valor a diversidade cultural do municipio a través da gastronomía, convidando ás persoas de diferentes países a elaborar pratos típicos que se ofrecerán de forma gratuíta ao público. O Concello asumirá o custo dos ingredientes e asignará a cada participante un posto identificado co seu país de orixe. As inscricións poden realizarse ata o 29 de xullo enviando un correo a feiras@vilalba.es. Rouco chamou á participación para seguir construíndo unha Vilalba aberta e integradora, nunha feira que quere consolidarse como espazo de convivencia e dinamización da feira tradicional.
Ata o 4 de agosto poderán realizarse as renovacións, mantendo as tarifas aprobadas en asemblea: 200 € e 250 € para adultos, e acceso gratuíto para menores grazas ao convenio coa Fundación Imdecum, con opción voluntaria de abono infantil por 40 € con reserva de asento. A partir do 5 de agosto activaranse as novas altas. Os abonos poderán tramitarse a través de CLUBER ou presencialmente na oficina do club, con horario de mañá e tarde en xullo e só de mañá en agosto.
A Presidenta Carmela López destacou o valor deste produto emblemático da Mariña e o traballo do sector pesqueiro. Rocío Rivera e Herminia Pernas puxeron en valor a tradición mariñeira de Burela e o papel dos mariñeiros da Moncloa. O público degustou 450 tapas elaboradas con bonito nunha xornada que serviu de escaparate desta cita gastronómica e de convite a visitar Burela a próxima fin de semana.
As crianzas desfrutaron dunha refrescante xornada con inchables e xogos acuáticos na contorna do complexo deportivo da Veiga.
Trátase dunha mostra de 28 fotografías de gran formato do naturalista Ezequiel Martínez que reivindica a diversidade e a conservación da fauna salvaxe. A iniciativa, organizada polo Concello da Pastoriza en colaboración con ABANCA e Afundación dentro do proxecto Corrente cultural, poderá visitarse de balde ata o 26 de agosto. As imaxes, acompañadas de textos divulgativos elaborados por especialistas de Naturnova, amosan especies emblemáticas como o oso pardo, a cegoña, o cervo ou a aguia imperial, convidando a reflexionar sobre a importancia de protexer o patrimonio natural.
O campo de fútbol do Cascabeiro acolleu o pasado sábado a III Festa do Mexillón, organizada polo Celta Barreiros. Centos de persoas achegáronse a gozar dunha tarde de gastronomía e de música. En total foron servidas 670 racións entre veciñanza e visitantes, que saborearon mexillóns e lacón. Os organizadores amosasen satisfeitos da acollida: “estamos contentos pola boa resposta dos asistentes”. E tiveron palabras de agradecemento “para os Concellos de Barreiros e de Foz pola boa colaboración”.
