A Asociación Española Contra o Cancro recibiu unha doación por parte da Xeración do 75 de ex alumnos do Instituto San Rosendo
Mondoñedo, 30 de maio, 2025. No día de hoxe, Manuel Ángel Otero, Alcalde de Mondoñedo, recibiu, no Salón de Plenos a unha delegación da Asociación Española contra o Cancro.
Na mesma, na que estiveron presentes diversas voluntarias e voluntarios da asociación, encabezados polo presidente da delegación de Lugo, José Manuel Rozas, o Alcalde manifestou o compromiso municipal de traballar a prol da erradicación do cancro e de apoiar de xeito incondicional as iniciativas desta asociación que tanto leva feito en favor dos afectados por esta enfermidade.
Unha vez rematada a xuntanza José Manuel Rozas, presidente da delegación lucense, xunto co Alcalde, reuníronse con Suso Robles e Donald Leivas que lle fixeron entrega, á Asociación Española contra o Cancro, dunha doación económica recollida entre un grupo de antigos compañeiros, ex alumnos do Instituto San Rosendo de Mondoñedo, a Xeración do 75, que se xuntou co gallo do cincuenta aniversario do ingreso no centro mindoniense, para unha comida de confraternización.
Concello e Asociación agradecen o compromiso de Mondoñedo para con esta causa, así como o traballo de todas e todos os voluntarios que son os que fan posible que estas iniciativas a prol da loita contra o cancro teñan efecto. Entre todos conseguiremos a súa erradicación.
O delegado territorial da Xunta en Lugo participou este martes nos actos programados con motivo da festividade da Patroa de Ribadeo, Santa María do Campo.
Destacou o apoio da Deputación ao sector primario a través da Granxa Gayoso Castro, centro de referencia en recría, formación e innovación. O evento, organizado pola Asociación Pura Raza Cabalo Galego, incluíu o concurso morfolóxico de distintas categorías —ponis, cabalos do país, cruzados, percheróns, Pura Raza Galega e andadura serrada e chapeada— e unha exhibición de doma de alta escola con eguas de pura raza galega.
Nesta ocasión, a homenaxeada foi a de Román. Tras unha recepción ás portas do concello, a veciñanza da parroquia desprazouse a pé ata a Igrexa de Santa María co grupo tradicional Cerna de Árbol. Na misa, cantada pola Coral Polifónica Vilalbesa, realizáronse as ofrendas e púxose en valor a tradición “dos canteiros e os traballos en pedra” en Román, unha parroquia cun destacado patrimonio histórico e cultural. Tras a celebración na igrexa, os veciños e veciñas de Román compartiron uns pinchos de fraternidade no Centro Cultural.
A celebración estivo organizada pola asociación cultural Ourofest coa colaboración do Concello do Valadouro e contou co apoio do Goberno galego. Villares participou na celebración litúrxica, que contou coa actuación do coro da Escola de Música ‘Ao Compás do Río Ouro’, e compartiu coa veciñanza esta xornada festiva de especial arraigo na localidade.
O corte afectará ao tramo que vai desde o principio da vía ata o punto quilométrico 0,900. Para facilitar a execución das obras, será necesario que non haxa vehículos estacionados nese treito. Os traballos, executados pola empresa Jose No Mantiñan E Hijos Construcciones, S.A., forman parte dun proxecto conxunto para a mellora e acondicionamento de varias estradas provinciais no municipio de Xove, cun investimento total superior aos 800.000 euros.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
Daniel García reafirmou o apoio ao festival, que conta cunha colaboración estable e continuada da Vicepresidencia provincial desde a primeira edición e valorou "o impulso que a Asociación Fanto Fantini lle dá ano a ano ao festival, cun programa que vai máis alá do cartel musical e que profundiza na súa identificación e o seu vínculo con Burela e coa Mariña". A Vicepresidencia da Deputación achega 25.000 euros ao patricinio desta edición do Osa do Mar.
