A Mariña, 29 de maio de 2025. O ciclo de charlas sobre o futuro laboral na Mariña lucense, organizado pola FCAM, chegou este curso a máis de 500 estudantes de 6 centros de ensino da comarca. A Mariña Federación fai un balance positivo da iniciativa.
A presidenta da FCAM, Carmen Cruzado, explicou que “o ciclo de charlas sobre o futuro laboral na Mariña lucense dirixido ao estundantado desta comarca chegou desde novembro ata o pasado mes abril a máis de 500 alumnas e alumnos de centros de ensino de Ribadeo, Burela, San Cibrao, Foz e Viveiro aos que lles contamos, coa axuda de Iván Marrube, CEO de Reyco (empresa patrocinadora desta iniciativa,) xunto con empresarias e empresarios da Mariña, que saíron en moitos casos deses institutos, que nesta comarca hai moito traballo de calidade e que o mellor sitio para vivir, para emprender e para asentarse é esta marabillosa comarca da Mariña”.
Cruzado Iglesias dixo que “quixemos ir sementando para logo máis adiante ir recollendo froitos e que esa xuventude, que sae dos institutos, que sae da FP, que vai completar estudos fora, que volva porque aquí as empresas precisan da súa man de obra, en todos os sectores”.
Iván Marrube, CEO de Reyco, sinalou: “valoramos moi positivamente a experiencia no seu conxunto, é unha forma de acercar a realidade do mercado laboral aos alumnos de Formación Profesional, de por en valor os traballos de calidade que temos na Mariña Lucense e recibimos de primeira man feedback do alumnado con respecto ao mundo laboral”. E subliñou “a importancia de adaptar a Formación Profesional ás necesidades reais do mercado laboral, por necesidade do mesmo e como vía do alumnado a optar a postos de traballo de boa calidade e remuneración”.
A presidenta da FCAM tivo palabras de agradecemento para Reyco, para as empresas que contaron as súas experiencias e para os centros de ensino: “grazas a Reyco polo seu apoio, aos dinamizadores dos centros de ensino, ás direccións e ao profesorado do CIFP Porta da Auga, de Ribadeo; dos IES Monte Castelo e Perdouro, de Burela; do IES de Foz; do IES Marqués de Sargadelos, de San Ciprián; e do IES María Sarmiento, de Viveiro, por acollernos. E grazas a todas as empresarias e empresarios que compartiron experiencias e vivencias cos estudantes e con nós”.
José Carlos Paleo, tesoureiro da FCAM, subliñou que “na FCAM traballamos xa para que este ciclo de charlas sobre o futuro laboral na Mariña volva o vindeiro curso e chegue a centos de rapazas e rapaces dos centros de ensino desta comarca”.
No Cenima, en Foz, fixeron o balance da iniciativa Iván Marrube, José Carlos Paleo e Carmen Cruzado.
Estará dedicada á figura de Leopoldo Calvo-Sotelo, xa que neste 2026 cúmprese o centenario do nacemento de quen fora presidente do Goberno. No acto interviñeron o presidente do RCNR, Pablo Fernández, o director territorial de Deportes da Xunta, Manuel Otero, un dos fillos do tamén alcalde honorario de Ribadeo Víctor Calvo-Sotelo, e o rexedor ribadense, Dani Vega. Todos exaltaron a práctica deportiva na ría, a labor desenvolvida polo Real Club Náutico e a vinculación de Leopoldo Calvo-Sotelo co estuario. Entre o público asistente estaban máis membros da familia Calvo-Sotelo, directivos e ex directivos do RCNR, edís de Ribadeo e representantes de Acisa.
O grupo, composto por cinco mulleres e sete homes cunha media de 26 anos, foi recibido pola subdelegada do Goberno, Olimpia López, que lles agradeceu o compromiso co servizo público e destacou o papel esencial da Policía Nacional na seguridade cidadá. Oito axentes estarán na Comisaría de Lugo, dous en Monforte e dous en Viveiro. Ao finalizar as prácticas, escollerán destino definitivo segundo a puntuación obtida no proceso selectivo.
A iniciativa busca poñer en valor a diversidade cultural do municipio a través da gastronomía, convidando ás persoas de diferentes países a elaborar pratos típicos que se ofrecerán de forma gratuíta ao público. O Concello asumirá o custo dos ingredientes e asignará a cada participante un posto identificado co seu país de orixe. As inscricións poden realizarse ata o 29 de xullo enviando un correo a feiras@vilalba.es. Rouco chamou á participación para seguir construíndo unha Vilalba aberta e integradora, nunha feira que quere consolidarse como espazo de convivencia e dinamización da feira tradicional.
Ata o 4 de agosto poderán realizarse as renovacións, mantendo as tarifas aprobadas en asemblea: 200 € e 250 € para adultos, e acceso gratuíto para menores grazas ao convenio coa Fundación Imdecum, con opción voluntaria de abono infantil por 40 € con reserva de asento. A partir do 5 de agosto activaranse as novas altas. Os abonos poderán tramitarse a través de CLUBER ou presencialmente na oficina do club, con horario de mañá e tarde en xullo e só de mañá en agosto.
A Presidenta Carmela López destacou o valor deste produto emblemático da Mariña e o traballo do sector pesqueiro. Rocío Rivera e Herminia Pernas puxeron en valor a tradición mariñeira de Burela e o papel dos mariñeiros da Moncloa. O público degustou 450 tapas elaboradas con bonito nunha xornada que serviu de escaparate desta cita gastronómica e de convite a visitar Burela a próxima fin de semana.
As crianzas desfrutaron dunha refrescante xornada con inchables e xogos acuáticos na contorna do complexo deportivo da Veiga.
Trátase dunha mostra de 28 fotografías de gran formato do naturalista Ezequiel Martínez que reivindica a diversidade e a conservación da fauna salvaxe. A iniciativa, organizada polo Concello da Pastoriza en colaboración con ABANCA e Afundación dentro do proxecto Corrente cultural, poderá visitarse de balde ata o 26 de agosto. As imaxes, acompañadas de textos divulgativos elaborados por especialistas de Naturnova, amosan especies emblemáticas como o oso pardo, a cegoña, o cervo ou a aguia imperial, convidando a reflexionar sobre a importancia de protexer o patrimonio natural.
