O delegado do Goberno participou no acto de graduación do alumnado do programa UNED Sénior de Lugo
Lugo, 23 de xuño de 2025. O delegado do Goberno en Galicia, Pedro Blanco, subliñou hoxe o firme compromiso do Goberno de España coa calidade educativa da universidade pública no acto de graduación do alumnado do programa UNED Sénior de Lugo, no que puxo en valor “a vontade de aprender como un dos mellores motores de crecemento persoal e colectivo, en todas as etapas da vida”. Estivo acompañado pola subdelegada do Goberno en Lugo, Isabel Rodríguez.
Durante a súa intervención, Pedro Blanco reivindicou o papel da UNED como “ponte que une talento e oportunidade, vocación e servizo, formación e liberdade”. Subliñou tamén o compromiso do Goberno coa universidade pública como “garante de igualdade, cohesión e calidade educativa”.
Trasladou ao alumnado presente que a cita “non é só unha entrega de diplomas, é unha celebración da curiosidade, da ilusión e do coñecemento como forma de liberdade”, afirmou o delegado, felicitando o alumnado polo seu exemplo de superación e polo seu compromiso coa aprendizaxe continua. Neste sentido, lembrou que o Goberno impulsará un Plan de Relanzamento da UNED cun investimento inicial de 30 millóns de euros para reforzar a súa posición como universidade de referencia nesta modalidade de ensino.
Pedro Blanco concluíu a súa intervención lembrando que “aprender por gusto é a forma máis libre e fermosa de aprender” e agradecendo ao alumnado da UNED Sénior “por lembrarnos esta verdade tan sinxela e tan importante”.
“Desde o Goberno seguiremos preservando e potenciando institucións coma esta, auténtico patrimonio sociocultural e científico, e poñendo freo á aparición de universidades privadas que non cumpran criterios de calidade”, explicou. O programa UNED Sénior ofrece ás persoas maiores de 55 anos a posibilidade de continuar a súa formación sen presións académicas, nun contexto de aprendizaxe libre e enriquecedor. Actualmente conta con máis de 10.000 participantes en toda España.
O delegado territorial da Xunta en Lugo participou este martes nos actos programados con motivo da festividade da Patroa de Ribadeo, Santa María do Campo.
Nesta ocasión, a homenaxeada foi a de Román. Tras unha recepción ás portas do concello, a veciñanza da parroquia desprazouse a pé ata a Igrexa de Santa María co grupo tradicional Cerna de Árbol. Na misa, cantada pola Coral Polifónica Vilalbesa, realizáronse as ofrendas e púxose en valor a tradición “dos canteiros e os traballos en pedra” en Román, unha parroquia cun destacado patrimonio histórico e cultural. Tras a celebración na igrexa, os veciños e veciñas de Román compartiron uns pinchos de fraternidade no Centro Cultural.
A celebración estivo organizada pola asociación cultural Ourofest coa colaboración do Concello do Valadouro e contou co apoio do Goberno galego. Villares participou na celebración litúrxica, que contou coa actuación do coro da Escola de Música ‘Ao Compás do Río Ouro’, e compartiu coa veciñanza esta xornada festiva de especial arraigo na localidade.
O corte afectará ao tramo que vai desde o principio da vía ata o punto quilométrico 0,900. Para facilitar a execución das obras, será necesario que non haxa vehículos estacionados nese treito. Os traballos, executados pola empresa Jose No Mantiñan E Hijos Construcciones, S.A., forman parte dun proxecto conxunto para a mellora e acondicionamento de varias estradas provinciais no municipio de Xove, cun investimento total superior aos 800.000 euros.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
Daniel García reafirmou o apoio ao festival, que conta cunha colaboración estable e continuada da Vicepresidencia provincial desde a primeira edición e valorou "o impulso que a Asociación Fanto Fantini lle dá ano a ano ao festival, cun programa que vai máis alá do cartel musical e que profundiza na súa identificación e o seu vínculo con Burela e coa Mariña". A Vicepresidencia da Deputación achega 25.000 euros ao patricinio desta edición do Osa do Mar.
